يوحنا 15:16 - ثريفيث 2020

¹⁶ مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 15:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:22

ينَّا-ٱسن: مڒَا ثُوْمْنم، أَغَارْوم يِيڒِي مَارَّا مِين غَا ثتَّارم إِ أَربِّـي ذِي ثْࢲَادْجِيث نْوم."

أَسڒْمذ ن سِيذِيثْنغ عِيْسَى لْكِتَاب ن مَتَّى 7:7

تَّارم، أَتَاف اَذَاوم يمُّوْش. رزُّوْم، أَتَاف اَذ تَافم. سْقرْقُوْبم، أَتَاف اَذَاوم رزْمن.

لوقا 6:13

وَامِي يصْبَح ڒْحَاڒ، ئِڒَاغَا-د خ يمحْضَارن نّس يخْضَر ثنْعَاش زَّايْسن يݣِّي-ثن ذ اَرُّسُل.

يوحنا 13:18

نش وَار سِّيوِيڒغ شَا خَاوم مَارَّا، نش سّْنغ ؤُݣ يخْضَرغ. ڒخُّو لَابُد اَذ يكمّڒ مِين د يُوْسِين ذِي لْكِتَاب: <ونِّي يشِّين زݣ وغْرُوْم ينُو، يُوْوث-اَيِي س ونِيرز نّس.>

يوحنا 15:19

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.

يوحنا 15:5

نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو.

يوحنا 6:70

ينَّا-ٱسن عِيْسَى: "نش إِي كنِّيو يخْضَرن س ثنْعَاش إِذْوم، وَلَكِن يجّن زَّايْوم ذ إِبْڒِيس."

ڒخذايم 1:24

تَّارن-اَس إِ أَربِّـي، نَّان-اَس: "آ سِيذِي أَربِّـي قَا شك ثسّْنذ مِين يدْجَان ذݣ وُوْڒَاون ن يِوْذَان مَارَّا. سظْهَار-اَنغ-د ونِّي إِي ثِيخْضَرذ زِي ثْنَاين-أَ.

ڒخذايم 1:8

وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 10:41

مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.

ڒخذايم 22:14

ينَّا-ٱيِي: أَربِّـي ن ڒجْذُوْذ نّغ يخْضَر-يشك نتَّا بَاش اَذ تسّْنذ مِين يخس، أَذ تْوَاڒِيذ س ثِيطَّاوِين نّش اَخدَّام نّس صَّالِح اَذ تْصنّْطذ إِ يِجّن ن وَاوَاڒ زݣ وقمُّوْم نّس.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 15:4

شُوْف، مَارَّا مِين يُوْرِين ذِي لْكُتُب ذِي زْمَان ؤُرِين-ث بَاش اَزَّايس نڒْمذ نشِّين. أَوَاڒ ن أَربِّـي يتْشجَّاع-اَنغ، ئِتَاوِي-يَانغ-د صّْبَر حمَا اَغَارْنغ يِيڒِي لْأَمَال.

أيث-روما 9:21

مَا وَار غَارس بُو ڒْحَقّ غَار لمْعَلّم اَذ يسخْذم ثْڒَاخْث مَامّش يخْس، يعْنِي اَذ يݣّ زݣ يِجّن ن ڒْعَجْنث يذقِّي يجّن ن وغرَّاف إِ مِين يصبْحَان، أَذ يݣّ يجّن إِ مِين يعُوْفّْنن؟

1 أيث-كورينث 10:11

وقْعنْت-اَسن ثِمسْڒَايِين-أَ ذ يجّن ن لْعِبْرَا إِ نشِّين. زمّْمن-ثنْت حمَا اَزَّايْسنْت نڒْمذ نشِّين، يعْنِي خضْڒنْت-يد خَانغ اَڒ ونݣَّارُو-يَا ن زْمَانَاث.

أيث-ݣلاطيا 1:15

وَلَكِن أَربِّـي زِي قْبڒ تُوْغَا يعْزڒ-اَيِي نش يعْنِي يخْضَر-اَيِي ذݣ وعدِّيس ن يمَّا سّنِّي يڒَاغَا-ٱيِي-د س اَرْضَا نّس. وَامِي خَافِي يَارْضَا نتَّا، يسضْهَار-اَيِي-د مِّيس حمَا اَزَّايس بشَّرغ جَار ڒݣْنُوْس. ڒخْدّنِّي وَار مْشَاوَارغ اَك حَدّ.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

1 تيموتاوس 2:7

خ مَانَاينِّي إِي تْوَاخْضَرغ نش بَاش اَذ حدّْثغ اَذ يڒِيغ ذ اَرَّسُوْل اَذ يڒِيغ ذ اَمْسڒْمَاذ عْلَاحْسَاب لْإِيمَان ذ ڒْحَقّ جَار يِنِّي وَار يدْجِين شَا زِّي أَيث-إِسْرَائِيل. قَّارغ لْمَعْقُوْل مَاشِي ذ يخَرِّيقن.

2 تيموتاوس 1:11

عْلَاحْسَاب لْإِنْجِيل-أَ تْوَاخْضَرغ نش اَذ بشَّرغ اَذ يڒِيغ ذ اَرَّسُوْل ذ يجّن ن ؤُمْسڒْمَاذ.

2 تيموتاوس 2:2

ثِمسْڒَايِين نِّي إِي ثسْڒِيذ زَّايِي زَّاث إ وَاطَّاس ن ڒشْهُوْذ، اجّ-يثنْت اَم يِجّن ن لْأَمَانَا اَك يرْيَازن اَتَاف ذَايْسن تِّقث، عَاوذ يرْيَازن نِّي زمَّرن اَذ سْڒمْذن يوْذَان نّغْنِي.

ثبرات غار تيتوس 1:5

خ مَانَاينِّي جِّيغ-شك ذِي ثيْزِيرْث ن كْرِيت، أَذ تْعذْڒذ مِين تُوْغَا رزُّوْغ نش اَذ عذْڒغ وَار ؤُوِيضغ شَا أُو عَاوذ بَاش اَذ تِخْضَرذ يمقّْرَانن ن جْمَاعث ن ڒْمُوْمِنِين ذِي مْكُڒ اَبِيلَاج اَم مَامّش إِي ش وصِّيغ.

يعيبرانيين 11:4

س لْإِيمَان يكَّر نَّبِي هَابِيل يقدّم يجّن ن دْبِيحث إِي زِي خَاس يَارْضَا أَربِّـي حْسن زِي ثنِّي ن وُوْمَاس قَابِيل. عْلَاحْسَاب لْإِيمَان-أَ يتْشكَّر-يث أَربِّـي يقْبڒ-يث نتَّا نِيشَان وَامِي خَاس يسِّيوڒ أَربِّـي مْلِيح خ مِين يقدّم. أُو نَّبِي هَابِيل س لْإِيمَان نّس نتَّا عَاذ يسَّاوَاڒ وَاخَّا يمُّوْث.

ثبرات غار يعقوب 3:18

يِنِّي يسمْصْڒَاحن يوْذَان زرّْعن مَانَاينِّي، أَتَاف اَذ مْجَرن يجّن ن ثْفدْجَاحْث ن ڒْحَقّ.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام

1 بطرس 3:2

يِـيْنَا غِير اَذ ࢲرّن ثِيْشْرِي نْكنْت ثصْفَا تْسذْحَانْت زَّايْسن اَتَاف اَذ اَمْنن.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.