يوحنا 14:7 - ثريفيث 2020

⁷ مڒَا ثسّْنم-اَيِي، أَتَاف اَذ تسّْنم ؤُڒَا ذ بَابَا عَاوذ. قَا ڒخُّو ثسّْنم-ث ثࢲْرِيم-ث."

يوحنا 14:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

لوقا 10:22

ئِمُّوْش-اَيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار."

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 15:24

مَعْلِيك وَار خْذِيمغ اَكِذْسن لْمُعْجِيزَاث وَار ثنْت يخْذِيم ؤُڒَا ذ يجّن إِلَّا نش، أَتَاف وَار غَارْسن بُو ڒْمُعْصِيّث. وَلَكِن ڒخُّو نِثْنِي ࢲْرِين لْمُعْجِيزَاث ينُو عِيفّن-اَيِي نش ؤُڒَا ذ بَابَا.

يوحنا 16:3

نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 17:21

حمَا اَذ يڒِين مَارَّا ذ يجّن آ بَابَا، أَم شك اَقَاش ذَايِي نش اَقَايِي ذَايك. حمَا اَذ يڒِين نِثْنِي عَاوذ ذ يجّن ذَايْنغ. حمَا اَذ اَمْنن يِوْذَان قَا ذ شك إِي ذَايِي د يسّكّن.

يوحنا 17:23

شك اَقَاش ذَايِي نش اَقَايِي ذَايْسن، حمَا اَذ مُوْنن اَذ يڒِين ذ يجّن. حمَا اَذ سّْنن يِوْذَان قَا شك ثسّكّذ-اَيِي-د غَار يمحْضَارن-أَ، تْحِبِّيذ-ثن اَمشْنَاو مَامّش ذَايِي تْحِبِّيذ نش.

يوحنا 17:26

نش سْبيّْنغ-اَسن-د يسم نّش أُو عَاذ اَث سْبيّْنغ حمَا اَذَايْسن ثِيڒِي ڒمْحِبّث نِّي إِي زِي ذَايِي تْحِبِّيذ، أَذَايْسن يڒِيغْ نش س يِيخف ينُو."

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 17:6

سْبيّْنغ-د يسم نّش إِ يمحْضَارن-أَ إِي ذَايِي ثُوْشِيذ زِي دُّنشْت-أَ. شك ثدْجِيذ ذ بَاب نْسن قْبڒ، ثُوْشِيذ-اَيِي-ثن، قَا طَاعن إِ وَاوَاڒ نّش.

يوحنا 17:8

مِينْزِي نش سِّيوْضغ-اَسَن اَوَاڒ إِي ذَايِي ثُوْشِيذ، نِثْنِي قبْڒن-ث. سّْنن ذ صَّح بلِّي نش زِي غَارك إِي د ؤُسِيغ، ؤُمْنن عَاوذ بلِّي ذ شك إِي ذَايِي د يسّكّن.

يوحنا 6:46

وَار يدْجِي ؤُڒَا ذ يجّن يࢲْرَا بَابَا إِلَّا ونِّي إِي د يُوْسِين زِي أَربِّـي، ذ نتَّا إِݣ يࢲْرِين بَابَا.

يوحنا 8:19

نَّان-اَس: "مَانِي يدْجَا بَابَاش؟" ينَّا-ٱسن عِيْسَى: "كنِّيو وَار ذَايِي ثسِّينم شَا، وَار ثسِّينم ؤُڒَا ذ بَابَا. مَعْلِيك ذَايِي ثسّْنم اَذ تيڒِي ثسّْنم ؤُڒَا ذ بَابَا."

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

1 يوحنا 2:13

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْغڒْبم خ لْمُفْسِد نِّي. آ يحنْجِيرن، نش ؤُرِيغ-اَوم-د ڒَاحقَّاش كنِّيو ثسّْنم بَابَاثْنغ.