يوحنا 14:6 - ثريفيث 2020

⁶ ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 14:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 1:4

ذَايس إِي ثدْجَا ثُوْذَارْث، أُو ثُوْذَارْث نِّي نتَّاث ذ نُّوْر إِ يِوْذَان.

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 10:7

ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي.

يوحنا 10:9

نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ.

يوحنا 14:19

شْوِيت ن ڒْوقث إِݣ يقِّيمن وَار ذَايِي ثْࢲرّ شَا دُّنشْت-أَ، وَلَكِن كنِّيو اَذَايِي ثࢲرم. وَامِي نش دَّرغ، ؤُڒَا ذ كنِّيو اَذ تدَّرم.

يوحنا 15:1

"نش ذ ثْزَايَارْث وضِيڒ ذ صَّح. بَابَا ذ بَاب ن ثْزَايَارْث وضِيڒ.

يوحنا 18:37

ينَّا-ٱس بِيلَاطُوْس: "زَعْمَا، شك ذ اَزدْجِيذ؟" ينَّا-ٱس عِيْسَى: "ثنِّيذ شك نش ذ اَزدْجِيذ. نش خڒْقغ-د ؤُسِيغ-د غَار دُّنشْت-أَ حمَا اَذ شهْذغ إِ لْحَقِيقَا. مَارَّا ونِّي يدْجَان زِي لْحَقِيقَا اَذ يذْفَار اَوَاڒ ينُو."

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 6:33

مِينْزِي اَغْرُوْم ن أَربِّـي نتَّا ذ ونِّي إِي د يهوَّان زݣ وجنَّا يتِيشّ-اَس ثُوْذَارْث إِ دُّنشْت."

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

يوحنا 6:57

مَامّش إِي ذَايِي د يسّكّ بَابَا يدَّرن أُو نش دَّرغ زِي بَابَا، أَمنِّي ونِّي ذَايِي غَا يشّن اَزَّايِي إِي يدَّر.

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

يوحنا 8:32

أَذ تسّْنم لْحَقِيقَا، أُو لْحَقِيقَا اَذَاوم د تضْڒق اَذ تِيڒِيم حُرّ."

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

ڒخذايم 3:15

ثنْغِيم ونِّي يدْجَان ذ لْأَصل ن ثُوْذَارْث، وَلَكِن أَربِّـي يسكَّر-يث-يذ زِي ڒْموْث، نشِّين نشْهذ خَاس.

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

ڒخذايم 9:2

ئِتَّار زَّايس اَرُّخْصَاث اَثنْت ييْسِي غَار ثمْزِيذَاوِين ن أَيث-إِسْرَائِيل ذِي دِمَشق بَاش يِنِّي غَا يَاف ذفَّارن اَبْرِيذ ن عِيْسَى س ثمْغَارِين ذ يرْيَازن اَثن يَاوِي ذ يمحْبَاس غَار لْقُدْس.

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-كولوس 2:17

مَارَّا ثِمسْڒَايِين-أَ نِثنْتِي اَم ثِيڒِي وَاهَا ن ثْمسْڒَايِين نِّي إِي د غَا يَاسن، ثِمسْڒَايِين نِّي ن صَّح ن لْمَسِيح.

أيث-كولوس 2:9

لِأَنَّا لْمَسِيح مَارَّا مِين يدْجَان ن أَربِّـي يزْذغ ذِي دَّات نّس.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

يعيبرانيين 9:8

مِين ذَانغ د يسْبِيّن أَرُّوْح يقدّْسن ذِي مَانَايَا؟ ئِسْبِيّن-اَنغ-د مڒَا عَاذ يقِّيم وقِيْضُوْن نِّي اَمقّْرَان، أَتَاف وَار ينُّوْرْزم شَا وبْرِيذ غَار مِين يدْجَان ذ اَمْقدّس اَطَّاس.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 بطرس 2:4

خْمِي غَارس د ثْقَارَّابم غَار نتَّا إِي يدْجَان ذ اَزْرُو نِّي يدَّرن عِيفّن-ث يرْيَازن وَلَكِن أَربِّـي يخْضَر-يث يعِيزّ خَاس،

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 يوحنا 1:8

مڒَا نقَّار وَار ذَايْنغ بُو ڒْمُعْصِيَاث اَتَاف نسْخَرِّيق خ يِيخف نّغ وَاهَا، أَتَاف لْحَقِيقَا وَار ذَايْنغ ثْزدّغ شَا.

1 يوحنا 2:23

ونِّي غَا ينْكَرن مِّيس اَتَاف وَار غَارس يتِيڒِي شَا بَابَاس. ونِّي إِي غَا يقبْڒن مِّيس اَتَاف اَغَارس يِيڒِي بَابَاس.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

1 يوحنا 5:6

عِيْسَى لْمَسِيح ذ وَانِيتَا إِي د يُوْسِين س وَامَان ذ يذَامّن. نتَّا مَاشِي يُوْسَا-د س وَامَان وَاهَا، يُوْسَا-د س وَامَان ذ يذَامّن. ونِّي يشهّْذن نتَّا ذ أَرُّوْح يقدّْسن مِينْزِي أَرُّوْح-أَ نتَّا ذ لْحَقِيقَا.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 19:11

ࢲْرِيغ اَجنَّا ينُوْرْزم ذِنِّي يجّن ن ؤُيِيْس ذ اَشمْڒَاڒ، ونِّي خَاس ينْيِيْن قَّارن-اَس ڒَامَان ذ ڒْحَقّ. ئِتْحَاسَاب يتْحَرَاب س ڒْحَقّ.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 22:1

ئِسْمظْهَار-اَيي-د لْمَلَاك نِّي يغْزَار ن وَامَان ن ثُوْذَارْث صْفَان اَم جَّاج، ئِتفّغ-د زِي لْعَرْش ن أَربِّـي ذ يِزْمَار

لواحي ن يوحنا 22:17

أَرُّوْح ذ ثْسْڒِيث قَّارن: "أَرَاح-د!" ونِّي يتْسْڒَان اَذ يِينِي: "أَرَاح-د!" ونِّي يفُوْذن اَذ د يَاس، ونِّي يرزُّون اَمَان ن ثُوْذَارْث اَذ يسو بَاطڒ!

لواحي ن يوحنا 3:14

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن لَاوْدُكْيَا، إِنِي-يَاس قَا ونِّي ؤُمِي قَّارن آمِين، نتَّا ذ شَّاهذ ذَايس ڒَامَان ذَايس ڒْحَقّ، زَّايس إِي د يخْڒق أَربِّـي مَارَّا، ئِقَّار-اَش:

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: