يوحنا 14:26 - ثريفيث 2020

²⁶ لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 14:26 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:18

فَا مَامّش إِي د يخْڒق عِيْسَى لْمَسِيح. يمَّاس مَرْيَم تُوْغَا ثݣَّا لْخُطُوْبَا اَك يُوْسف. منْبَعْد قْبڒ مَا ٱذ مڒْشن جَارَاسن ثيْسِي اَعدِّيس زِي أَرُّوْح يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 1:20

وَلَكِن وَامِي يتْفكَّر ذِي ثْمسْڒَايْث نِّي، ثْبدّ-د خَاس يجّن ن لْمَلَائِكَا ذِي ثِيرْجِيث ثنَّا-ٱس: "آ يُوْسف آ مِّيس ن أَيث-دَاود، وَار تݣّْوذ شَا اَذ تِيڒِي مَرْيَم ذ ثَمْغَارْث نّش. أَقَا زِي أَرُّوْح يقدّْسن إِي زِي ثيْسِي اَعدِّيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

مرقس 12:36

ينَّا-ٱسن: "قَا دَاود ينَّا نتَّا س يِيخف نّس س أَرُّوْح يقدّْسن: <سِيذِي أَربِّـي ينَّا-ٱس إِ سِيذِي: قِّيم-د خ وفُوْسِي ينُو، أَڒ د غَا ݣّغ ڒْعَذْيَان نّش سْوَادَّاي إِ يضَارن نّش.>

مرقس 13:11

خْمِي كنِّيو غَا اَوِين حمَا اَكنِّيو سلّْمن غَار شّْرَع، بْڒَا مَا ٱذ تيْسِيم اَمْنُوْس ذ اَمزْوَارُو ذِي ڒَعْقُوْڒَاث نْوم مين غَا ثِينِيم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي. وَار يدْجِي بُو ذ كنِّيو إي غَا يسِّيوْڒن؛ لَّا، أَذ يسِّيوڒ أَرُّوْح يقدّْسن.

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 1:35

ئِنْدق-د لْمَلَاك نِّي ينَّا-ٱس: "أَخَام د يهْوَا اَرُّوْح يقدّْسن ذ جّْهذ ن ونِّي يُوْعْڒَان اَخَام يَارّْ ثِيڒِي. س مَانَاينِّي اَحنْجِير يقدّْسن إِي غَا د ثجّذ اَتَاف تْڒَغَان-اَس آ مِّيس ن أَربِّـي.

لوقا 1:41

وَامِي ثسْڒَا إِلِيزَابت إِ سْڒَام ن مَرْيَم، ئِنْهزّ وسيْمِي نِّي ذݣ وعدِّيس نّس، نتَّاث ثشُّوْر س أَرُّوْح يقدّْسن.

لوقا 1:67

زَكَرِيَا بَابَاس ن يَحْيَى، يشُّوْر س أَرُّوْح يقدّْسن، ئِسِّيوڒ س مِين يعْڒم زِي أَربِّـي ينَّا:

لوقا 11:13

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

لوقا 2:25

تُوْغَا ذِنِّي ذِي ثنْدِينْت ن لْقُدْس يجّن ن بْنَاذم قَّارن-اَس شِمْعُوْن. ئِݣُّوْر نِيشَان، يتݣّْوذ أَربِّـي، ئِتْرَاجَا أَيث-إِسْرَائِيل اَذ نجْمن، أَرُّوْح يقدّْسن اَقَاث خَاس.

لوقا 24:49

أَتَاف مِينْذِي كنِّيو يوْعذ بَابَا اَذَاوم ثِيذ سّكّغ نش. قِّيمم ذِي ثنْدِينْت-أَ اَڒ خَاوم د غَا يهْوَا جّْهذ زݣ وجنَّا."

لوقا 3:22

يهْوَا-د أَرُّوْح يقدّْسن ذِي صِّفث ن ثذْبِيرْث يَرْسَا-د خ عِيْسَى. ذ يجّن ن ثْمِيجَّا زݣ وجنَّا ثقَّار-اَس قَا شك ذ ممِّي يعِيزّن، نش فَرّْحغ زَّايك.

يوحنا 1:33

تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن.

يوحنا 12:16

ئِمحْضَارن نّس وَار فْهِيمن شَا إِ ثْمسْڒَايِين-أَ ذݣ ومزْوَارُو. وَلَكِن وَامِي يتْوَارْفع عِيْسَى عَاذ إِي د فكَّرن مَانَايَا يُوْرَا خَاس ذِي لْكِتَاب بلِّي يوْقع-اَس.

يوحنا 14:16

نش اَذ تَّارغ إِ بَابَا حمَا اَذَاوم يُوْش لْمُعَاوِن نّغْنِي حمَا اَكِذْوم يتِيڒِي إِ ڒبْدَا.

يوحنا 14:25

ثِمسْڒَايِين-أَ نِّيغ-اَوم-ثنْت أُو نش عَاذ اَقَايِي اَكِذْوم.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.

يوحنا 16:7

أَقَا تسْڒَام ڒْحَقّ: حْسن إِ كنِّيو اَذ رَاحغ. مڒَا وَار رُوْحغ شَا، أَتَاف وَار غَارْوم د يتِيس شَا لْمُعَاوِن نِّي. وَلَكِن مڒَا رُوْحغ، أَتَاف اَذَاوم ثِيذ سّكّغ.

يوحنا 2:22

وَامِي د يكَّر زِي ڒْموْث، فكَّرن يمحْضَارن نّس مِين ذَاسن ينَّا، ؤُمْنن زِي لْكِتَاب ذ وَاوَاڒ إِي ينَّا عِيْسَى.

يوحنا 20:22

وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن.

يوحنا 6:45

أَمُّو إِي يُوْرَا يجّن زِي لْأَنْبِيَا: <مَارَّا اَذ ڒمْذن زِي أَربِّـي.> مَارَّا ؤُو إِي س يسْڒِين إِ بَابَا اَذ يڒْمذ زَّايس اَتَاف اَغَارِي د يَاس.

يوحنا 7:39

مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.

ڒخذايم 1:4

وَامِي تُوْغَا اَكِذْسن يتتّ، ئِوصَّا-ثن ينَّا-ٱسن: "وَار تفّْغم شَا زِي ثنْدِينْت ن لْقُدْس. رَاجَام اَڒ د غَا يَاس مِين يوْعذ بَابَا إِي خف ذَاوم تُوْغَا سِّيوْڒغ.

ڒخذايم 1:8

وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 11:16

فكَّرغ-د مِين ينَّا سِيذِيثْنغ وَامِي ينَّا قَا يَحْيَى يطهَّار إِ يِوْذَان س وَامَان، كنِّيو قَا اَذ تْوَاطهَّارم س أَرُّوْح يقدّْسن.

ڒخذايم 13:2

وَامِي عبّْذن سِيذِي أَربِّـي تْࢲُوْمَّان، ينَّا-ٱسن أَرُّوْح يقدّْسن: حُوْزم-اَيِي-د بَرْنَابَا ذ شَاوُل إِ ڒْخذْمث نِّي ؤُمِي ثن يخْضَرغ.

ڒخذايم 13:4

ئِسّكّ-يثن أَرُّوْح يقدّْسن رُوْحن غَار ثنْدِينْت ن سُلُوْكْيَا. سّنِّي سَفَرن ذݣ وغَرَّابُو غَار ثيْزِيرْث ن قُبْرُص.

ڒخذايم 15:28

نشِّين ذ أَرُّوْح يقدّْسن نتْوَاڒَا مْلِيح وَار خَاوم نتّݣّ بُو دْقڒ اَطَّاس إِلَّا مِين يدْجَان وَا لَابُد.

ڒخذايم 15:8

أَربِّـي ذ نتَّا إِݣ يسّْنن ؤُڒ ن بْنَاذم، يسظْهَار-د نتَّا بلِّي يقْبڒ-يثن يعْنِي يُوْشَا-ٱسن أَرُّوْح يقدّْسن مَامّش ذَانغ ث يُوْشَا إِ نشّْين.

ڒخذايم 16:6

بُوْلُس ذ يمدُّوْكَاڒ نّس كِّين خ جْوَايه ن فْرِيْجْيَا ذ ݣَالَاطْيَا، وَار ثن يجِّي شَا أَرُّوْح يقدّْسن ٱذ بشَّرن س وَاوَاڒ ن أَربِّـي ذِي لْإِقْلِيم ن آسْيَا.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

ڒخذايم 28:25

نِثْنِي وَار مسْفْهِيمن شَا اَك وَايَاوْيَا. قْبڒ مَا ٱذ فّْغن سّنِّي، ينَّا-ٱسن بُوْلُس اَوَاڒ-أَ ذ اَنݣَّارُو: "أَرُّوْح يقدّْسن ينَّا ڒْحَقّْ إِ ڒجْذُوْذ نْوم س يِيڒس ن نَّبِي إِشَعْيَا، ينَّا:

ڒخذايم 5:3

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

ڒخذايم 7:51

ينَّا-ٱسن سْتِيفَان: آ يِنِّي إِي ذِي ثدْجَا ثْغنَّانْت، قَا ؤُڒَاون نْوم ذ يمجَّان نْوم قّْنن! كنِّيو تݣّم مَامّش إِي ݣِّين ڒجْذُوْذ نْوم، كِيف-كِيف. ڒبْدَا تْعَارَّاضم-اَس إِ أَرُّوْح يقدّْسن.

ڒخذايم 7:55

سْتِيفَان يشُّوْر س أَرُّوْح يقدّْسن، يخْزَر غَار وجنَّا يࢲْرَا لْعَظَمَا ن أَربِّـي يُوْفَا عِيْسَى يبدّ خ وفُوْسِي ن أَربِّـي.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

1 أيث-كورينث 12:3

س مَانَاينِّي خْسغ اَذ تْفهّْمم مْلِيح بلِّي وَار ذِنِّي حَدّ اَذ يِينِي س أَرُّوْح ن أَربِّـي <قَا عِيْسَى يتْوَانْعڒ>! عَاوذ وَار ذِنِّي حَدّ اَذ يِينِي <قَا عِيْسَى ذ مَوْلَانَا> إِلَّا س أَرُّوْح يقدّْسن.

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

22 أيث-كورينث 13:14

أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

22 أيث-كورينث 6:6

نتْقدَّام-اَوم يخف نّغ س صّْفَا إِي غَارْنغ ذ ڒفْهَامث ذ تَّسِيع ن ڒْخَاضَر ذ ڒْخِير ذ أَرُّوْح يقدّْسن ذ يجّن ن ڒمْحِبّث بْڒَا نِّفَاق؛

أيث-ؤفسوس 1:13

ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

1 أيث-سلونيك 4:8

فَلِيهَذَا ونِّي يتَاݣِين اَذ يذْفَار ڒُوْصِيّث-أَ ثَانِيتَان اَتَاف مَاشِي يتَاݣِي إِ بْنَاذم، ئِتَاݣِي إِ أَربِّـي ونِّي إِي ذَاوم د يتِيشّن أَرُّوْح نّس يقدّْسن.

2 تيموتاوس 1:14

حْضَا ثَمسْڒَايْث نِّي إِي ذَاش يجَّا ذ لْأَمَانَا، حْضَا-ت س أَرُّوْح يقدّْسن إِي ذَايْنغ يزدّْغن.

ثبرات غار تيتوس 3:5

ڒخْدّنِّي يسنْجم-اَنغ مَاشِي عْلَاحْسَاب لْحَسَانَاث نِّي إِي نݣَّا؛ لَّا، تُوْغَا عْلَاحْسَاب اَرَّاحْمث نّس نتَّا. ئِسِّيْرذ-اَنغ س وَامَان ن ؤُخْڒَاق ذ جْذِيذ، يَارَّا-ٱنغ ذ جْذِيذ س وفُوْس ن أَرُّوْح يقدّْسن.

يعيبرانيين 10:15

فَا يشهّذ-اَنغ أَرُّوْح يقدّْسن خ مَانَايَا. ذ اَمزْوَارُو يقَّار:

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.

يعيبرانيين 3:7

خ مَانَايَا اَمُّو يقَّار أَرُّوْح يقدّْسن: نْهَارَا مڒَا ثسْڒِيم إِ صُّوْت ن أَربِّـي،

يعيبرانيين 9:8

مِين ذَانغ د يسْبِيّن أَرُّوْح يقدّْسن ذِي مَانَايَا؟ ئِسْبِيّن-اَنغ-د مڒَا عَاذ يقِّيم وقِيْضُوْن نِّي اَمقّْرَان، أَتَاف وَار ينُّوْرْزم شَا وبْرِيذ غَار مِين يدْجَان ذ اَمْقدّس اَطَّاس.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

2 بطرس 1:21

لِأَنَّا اَوَاڒن ن لْأَنْبِيَا تُوْغَا عمَّارْص وَار تفِّيغن شَا زِي لْأَفْكَار نْسن؛ لَّا، نِثْنِي سَّاوَاڒن زِي مِين ذَاسن د يتَاسن زِي أَربِّـي مَامش إِي خَاسن د يهوَّا أَرُّوْح يقدّْسن.

1 يوحنا 2:20

كنِّيو لَّا، تْوَاذهْنم س وفُوْس ن لْعَظِيم، مَارَّا كنِّيو ثسّْنم مِين يدْجَان.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

1 يوحنا 5:7

أَقَا ذِنِّي ثْڒَاثَا إِݣ يشهّْذن، ثْڒَاثَا-يَا ذ أَرُّوْح ذ وَامَان ذ يذَامّن. ثْڒَاثَا-يَا ذ يجّن.

ثبرات زي يهوذا 1:20

كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ࢲَادْجم س أَرُّوْح يقدّْسن.

لواحي ن يوحنا 2:11

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، وَار ث تْضَرِّي شَا ڒْموْث نِّي وِيس ثْنَاين.