يوحنا 14:24 - ثريفيث 2020

²⁴ ونِّي وَار ذَايِي يتْحِبِّين، أَتَاف وَار يخدّم شَا زݣ وَاوَاڒ ينُو. أَوَاڒن-أَ إِي تسْڒَام وَار دْجِين شَا ينُو لَّا، ن بَابَا إِي ذَايِي-د يسّكّن.

يوحنا 14:24 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:21

ينَّا-ٱس عِيْسَى: "مڒَا ثخْسذ اَذ تݣّذ كُڒْشِي نِيشَان، رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين. سّنِّي اَغَارك يِيڒِي يجّن ن ڒْكنْز ذݣ وجنَّا، ڒخْدّنِّي أَرَاح-د شك ذْفَار-اَيِي-د."

يوحنا 14:10

مَا وَار تِيمْنذ شَا بلِّي نش اَقَايِي ذِي بَابَا، بَابَا اَقَاث ذَايِي؟ أَوَاڒن إِي ذَاوم قَّارغ وَار ثن قَّارغ شَا نش، ذ بَابَا إِي ذَايِي إِي ثن يقَّارن. نتَّا يخدّم ڒخْذَايم نّس.

يوحنا 14:15

مڒَا تْحِبِّيم-اَيِي كنِّيو، ݣّث زِي ڒُوْصِيَاث ينُو.

يوحنا 14:25

ثِمسْڒَايِين-أَ نِّيغ-اَوم-ثنْت أُو نش عَاذ اَقَايِي اَكِذْوم.

يوحنا 3:11

أَقَا تسْڒِيذ ڒْحَقّ: نشِّين نسَّاوَاڒ زِي مِين نسّن، نْشهّذ س مِين نࢲْرَا، وَلَكِن كنِّيو وَار ثقْبِيڒم شَا شْهَاذث نّغ.

يوحنا 3:34

ونِّي إِي د يسّكّ أَربِّـي يسَّاوَاڒ س وَاوَاڒ ن أَربِّـي مِينْزِي يتِيشّ-اَس أَرُّوح نّس بْڒَا ڒقْيَاس.

يوحنا 5:19

ينَّا-ٱسن عِيْسَى: "أَقَا تسْڒَام ڒْحَقّ: مِّيس وَار يزمَّر اَذ يݣّ شَان ثْمسْڒَايْث س يِيخف نّس، غِير مِين يࢲرّ زِي بَابَاس اَقَا يتݣّ-يث. مِين مَا يتݣّ بَابَاس اَقَا يتݣّ-يث ؤُڒَا ذ مِّيس.

يوحنا 5:38

أَوَاڒ نّس وَار ذَايوم يتْغِيمِي شَا مِينْزِي ونِّي إِي ثِيد يسّكّن وَار زَّايس تِيمْنم شَا.

يوحنا 7:16

ينَّا-ٱسن عِيْسَى: "مِين سڒْمَاذغ وَار يدْجِي بُو ينُو، أَسڒْمذ-أَ ن ونِّي إِي ذَايِي د يسّكّن.

يوحنا 7:28

ئِكَّر عِيْسَى يتْخَاطَاب س جّْهذ ذِي ثمْزِيذَا ثَمقّْرَانْت ن أَيث-إِسْرَائِيل يسڒْمَاذ-يثن يقَّار-اَسن: "مَا ذ صَّح ثسّْنم-اَيِي مَانِيس نش، نِغ مِين عْنِيغ؟ وَار د ؤُسِيغ شَا س يِيخف ينُو لَّا. ونِّي ذَايِي د يسّكّن غَارس لْحَقِيقَا! كنِّيو وَار ث ثسِّينم شَا.

يوحنا 8:26

غَارِي اَطَّاس ن وَاوَاڒن زمَّرغ اَذَاوم ثن ينِيغ، زَّايْسن إِي غَا حكْمغ خَاوم. ونِّي ذَايِي د يسّكّن نتَّا ذَايس لْحَقِيقَا. مِين سْڒِيغ زَّايس قَّارغ-ث إِ دُّنشْت."

يوحنا 8:28

خ مَانَايَا ينَّا-ٱسن عِيْسَى: "أَخمِي غَا ثسْبدّم مِّيس ن بْنَاذم ذݣ وجنَّا، أَذ تسّْنم بلِّي ذ نش إِݣ يدْجَان. وَار تݣّغ شَا زِي غَاري؛ لَّا، نش سَّاوَاڒغ خ مَامّش ذَايِي يسڒْمَاذ بَابَا.

يوحنا 8:38

نش سَّاوَاڒغ س مِين ࢲْرِيغ غَار بَابَا. ڒَا ذ كنِّيو تݣّم س مِين ثسْڒِيم زِي بَابَاثْوم."

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.