يوحنا 14:19 - ثريفيث 2020

¹⁹ شْوِيت ن ڒْوقث إِݣ يقِّيمن وَار ذَايِي ثْࢲرّ شَا دُّنشْت-أَ، وَلَكِن كنِّيو اَذَايِي ثࢲرم. وَامِي نش دَّرغ، ؤُڒَا ذ كنِّيو اَذ تدَّرم.

يوحنا 14:19 ပူးပေါင်းရင်းမြစ်များ

يوحنا 11:25

ينَّا-ٱس عِيْسَى: "نش ذ لْقِيَامَا نش ذ ثُوْذَارْث، ونِّي يتَامْنن زَّايي اَتَاف اَذ يدَّر وَاخَّا يمُّوْث.

يوحنا 12:35

ينَّا-ٱسن عِيْسَى: "ذْرُوْسْت ن ڒْوقْث إِي كِذْوم يتِيڒِي نُّوْر. ؤُيُوْرم مَدَامَا عَاذ غَارْوم نُّوْر-أَ حمَا وَار خَاوم د ثْحَرّث ثَادْجسْت. ونِّي يݣُّوْرن ذِي ثَادْجسْت وَار يسِّين مَانِي يݣُّوْر.

يوحنا 13:33

آ ثَارْوَا ينُو، ثقِّيم ذْرُوْسْت ن ڒْوقْث بَاش اَذ يڒِيغ اَكِذْوم. أَخَافِي ثْرزُّوْم. مِين نِّيغ نش إِ يسْرَائِيلِيْين اَذَاوم ت ينِيغ ڒخُّو إِ كنِّيو: مَانِي غَا رَاحغ نش، وَار ثْزمَّرم شَا اَذ د تَاسم ذِنِّي.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 16:16

ينَّا-ٱسن عِيْسَى: "شْوِيت ن ڒْوقْث وَار ذَايِي ثْࢲرّم شَا، شْوِيت ن ڒْوقْث عَاذ اَذَايِي ثࢲرم."

يوحنا 16:22

ؤُڒَا ذ كنِّيو ذَايْوم ڒحْڒِيق ڒخُّو، وَلَكِن اَكنِّيو ࢲرغ عَاوذ. ڒخْدّنِّي اَذ تْفَرْحم س وُوْڒَاون نْوم، وَار ذَاوم يتكّس ڒفْرَاحث نْوم حَدّ.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 7:33

ينَّا عِيْسَى: "نش اَكِذْوم قِّيمغ ذْرُوْسْت ن ڒْوقْث، سّنِّي اَذ عقْبغ غَار ونِّي ذَايِي د يسّكّن.

يوحنا 8:21

ينَّا-ٱسن عَاوذ عِيْسَى: "نش اَذ ؤُيُوْرغ كنِّيو اَخَافِي ثرْزُوْم، ذِي ڒْمُعْصِيّث نْوم اَذ تمّْثم. مَانِي غَا رَاحغ نش، وَار ثْزمَّرم شَا اَذ د تَاسم ذِنِّي."

ڒخذايم 10:41

مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.

أيث-روما 5:10

نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس!

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

1 أيث-كورينث 15:20

فَا اَقَا ڒخُّو لْمَسِيح يتْوَاسكَّر-د زِي ڒْموْث، يعْنِي نتَّا ذ ثَفدْجَاحْث ثَمزْوَارُوْت إِي د يكَّرن زݣ يِنِّي يمُّوْثن.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.