يوحنا 14:17 - ثريفيث 2020

¹⁷ لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 14:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:20

وَار يدْجِي بُو ذ كنِّيو إِي غَا يسِّيوْڒن؛ لَّا، ذ أَرُّوْح ن بَابَاثْوم إِي غَا يسِّيوْڒن ذݣ ومْشَان نْوم.

يوحنا 14:16

نش اَذ تَّارغ إِ بَابَا حمَا اَذَاوم يُوْش لْمُعَاوِن نّغْنِي حمَا اَكِذْوم يتِيڒِي إِ ڒبْدَا.

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.

يوحنا 16:13

خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

1 أيث-كورينث 14:15

إِيوَا مِين غَا ݣّغ؟ أَذ ࢲَّادْجغ س اَرُّوْح ينُو، أَذ ࢲَّادْجغ عَاوذ س ڒَعْقڒ ينُو. أَذ غنّْجغ س اَرُّوْح ينُو، أَذ غنّْجغ عَاوذ س ڒَعْقڒ ينُو.

1 أيث-كورينث 2:14

بْنَاذم عَادِي يتَاݣِي اَذ يقْبڒ ثِمسْڒَايِين ن اَرُّوْح ن أَربِّـي، غَارس مَانَايَا ذ ثُوْبُّوْهْڒِيَا وَاهَا. وَار يزمَّر شَا اَثنْت يفْهم، لِأَنَّا س اَرُّوْح ن أَربِّـي وَاحْذس إِي ثنْت غَا يميّز.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

22 أيث-كورينث 13:5

جَرّْبث يخف نْوم مَا اَقَا كنِّيو ذِي لْإِيمَان. رَاجْعث يخف نْوم. يَاش ثسّْنم قَا عِيْسَى لْمَسِيح اَقَاث ذَايْوم؟ يعْنِي مڒَا وَار ثسْقِيطم شَا.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

أيث-ݣلاطيا 4:6

وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!

أيث-ؤفسوس 2:22

ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

2 تيموتاوس 1:14

حْضَا ثَمسْڒَايْث نِّي إِي ذَاش يجَّا ذ لْأَمَانَا، حْضَا-ت س أَرُّوْح يقدّْسن إِي ذَايْنغ يزدّْغن.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

1 يوحنا 4:6

نشِّين زِي أَربِّـي إِي ندْجَا. ونِّي يسّْنن أَربِّـي يتْصنَّاط-اَنغ. ونِّي وَار يدْجِين شَا زِي أَربِّـي وَار ذَانغ يتْصنِّيط شَا. س مَانَايَا إِي غَا نسّن أَرُّوْح ن لْحَقِيقَا ذ اَرُّوْح ن يخَرِّيقن.

1 يوحنا 5:7

أَقَا ذِنِّي ثْڒَاثَا إِݣ يشهّْذن، ثْڒَاثَا-يَا ذ أَرُّوْح ذ وَامَان ذ يذَامّن. ثْڒَاثَا-يَا ذ يجّن.

لواحي ن يوحنا 2:17

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.