15 مڒَا تْحِبِّيم-اَيِي كنِّيو، ݣّث زِي ڒُوْصِيَاث ينُو.
"ونّي خف يعِيزّ بَابَاس نِغ ذ يمَّاس كْتَار زَّايِي نش، أَتَاف وَار ذَايِي يسْذِيهدْج شَا. ونِّي خف يعِيزّ مِّيس نِغ ذ يدْجِيس كْتَار زَّايِي نش، أَتَاف وَار ذَايِي يسْذِيهدْج شَا.
ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.
ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا!
لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.
أَذ يِيڒِي اَرْضَا إِ مَارَّا يِنِّي إِݣ يتْحِبَّان سِيذِيثْنغ عِيْسَى لْمَسِيح س يِجّن ن ڒمْحِبّث وَار ثْفنِّي شَا عمَّارْص.
ثْحِبّم-ث وَاخَّا وَار ث ثࢲْرِيم شَا. أَقَا ثُوْمْنم زَّايس وَاخَّا وَار ث تْوِيڒِيم شَا ڒخُّو. كنِّيو ثْعمَّرم س يِجّن ن ڒفْرَاحث ذ ثَمقّْرَانْت وَار ثْزمَّرم شَا اَت ثْشَرّْحم.
إِيوَا اَمُّو إِي ثدْجَا ڒمْحِبّث يعْنِي أَ نݣُّوْر عْلَاحْسَاب ڒُوْصِيَاث نّس. ڒُوْصِيّث-أَ نتَّاث ذ ثنِّي تُوْغَا ثسْڒِيم زݣ ومزْوَارُو. وَا اَمُّو يتْخصَّا اَذَايس ثݣُّوْرم.
