يوحنا 14:12 - ثريفيث 2020

¹² أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

يوحنا 14:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:21

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: مْڒِي ذَايْوم لْإِيمَان وَار ثْشكِّيم شَا، أَتَاف اَذ تݣّم كْتَار زِي مِين يتْوَاݣّن إِ ثْشجَّارْث-أَ. مڒَا ثنِّيم إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر، أَتَاف اَذ ينقْڒع.

مرقس 11:13

ئِࢲْرَا زِي ڒݣّْوَاج يجّن ن ثْشجَّارْث ن ثَازَارْث ذَايس ثِيفْرَاي، ئِقَارّب غَارس يرزُّو خ ثَازَارْث. وَامِي غَارس يُوْوض يُوْفَا ذَايس ثِيفْرَاي وَاهَا مِينْزِي عَاذ وَار د ثُوْوِيض شَا ڒْوقْث ن ثَازَارْث.

مرقس 16:17

ذ ثِيْنَا ذ لْعَلَامَاث إِي د غَا يمظْهَارن اَك يِنِّي يتَامْنن: أَقَّا نِثْنِي اَذ سُوْفْغن جْنُوْن عْلَاحْسَاب يسم ينُو، أَذ سِّيوْڒن س يِيڒسَاون ذ جْذِيذ.

يوحنا 14:28

ثسْڒَام قَا نِّيغ-اَوم: نش اَذ ؤُيُوْرغ، أَذ د عقْبغ غَارْوم. مڒَا ثْحِبِّيم-اَيِي، أَتَاف كنِّيو اَذ تْفَرْحم بلِّي اَذ رَاحغ غَار بَابَا مِينْزِي بَابَا ذ اَمقّْرَان خَافِي.

يوحنا 16:7

أَقَا تسْڒَام ڒْحَقّ: حْسن إِ كنِّيو اَذ رَاحغ. مڒَا وَار رُوْحغ شَا، أَتَاف وَار غَارْوم د يتِيس شَا لْمُعَاوِن نِّي. وَلَكِن مڒَا رُوْحغ، أَتَاف اَذَاوم ثِيذ سّكّغ.

يوحنا 4:37

يعْنِي ذ صَّح مِين يقَّار لْمِثَال: ئِجّن يزرّع، ئِجّن يمجَّار.

يوحنا 5:20

بَابَاس يتخْس مِّيس، يسْبيَّان-اَس مَارَّا مِين يتݣّ. أَذَاس يسْبيّن ڒخْذَايم ثِمقّْرَانِين خ ثْمسْڒَايِين-أَ حمَا اَذ تْعجّْبم!

يوحنا 7:33

ينَّا عِيْسَى: "نش اَكِذْوم قِّيمغ ذْرُوْسْت ن ڒْوقْث، سّنِّي اَذ عقْبغ غَار ونِّي ذَايِي د يسّكّن.

يوحنا 7:39

مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.

ڒخذايم 10:46

ڒَاحقَّاش سْڒِين-اَسن سَّاوَاڒن س لُّغَاث وَار يدْجِين بُو نْسن حمّْذن أَربِّـي. أُوْشَا ينَّا بُطْرُس:

ڒخذايم 16:18

ثݣَّا مَانَاينِّي اَطَّاس ن نْهُوْرَاث، بُوْلُس وَار ذَاس يعْجِيب بُو ڒْحَاڒ. ئِنقْڒب-د غَارس ينَّا-ٱس إِ جّنّ نِّي إِي ذَايس: "نش تَامَرغ-شك عْلَاحْسَاب يسم ن عِيْسَى لْمَسِيح اَزَّايس ثفّْغذ." ڒخْدّنِّي يفّغ جّنّ نِّي زَّايس ذݣ ومْشَان.

ڒخذايم 19:12

ئِوْذَان كسِّين ڒزْيُوْف ذ ثِبَانْتِيوِين تْحَاذَان زَّايْسنْت بُوْلُس سْرُوْسَان-ثنْت خ يمهْڒَاش. ڒخْدّنِّي ڒهْرَاشَاث نِّي تْݣنْفَان، عَاوذ تفّْغن زَّايْسن جْنُوْن نِّي يعفَّانن إِي ذَايْسن.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

ڒخذايم 2:41

سّنِّي يِنِّي يقبْڒن اَوَاڒ نّس رُوْحن تْوَاطهَّارن س وَامَان. نْهَار نِّي مَارْنِين شَان ثڒْتْاَڒَاف إِذْسن غَار ڒْمُوْمِنِين.

ڒخذايم 4:16

نَّان: "مِين غَا نݣّ إِ ثْنَاين-أَ ن يرْيَازن؟ وَار نْزمَّر شَا أَ ننْكَر لْمُعْجِيزَا-يَا إِي ݣِّين اَقَا ثْمظْهَار-اَسن-د إِ مَارَّا يمزْذَاغ ن لْقُدْس.

ڒخذايم 4:33

شهّْذن اَرُّسُل س يِجّن ن جّْهذ ذ اَمقّْرَان خ لْقِيَامَا إِي يݣَّا سِيذِيثْنغ عِيْسَى وَامِي يكَّر زِي ڒْموْث. أَربِّـي يݣَّا خَاسن مَارَّا يجّن ن لْبَرَكَا ثمْغَار.

ڒخذايم 4:4

أَطَّاس ن يِوْذَان إِي يسْڒِين إِ وَاوَاڒ نْسن ؤُمْنن. يرْيَازن نِّي إِي يُوْمْنن ڒخُّو ؤُوْضن غَار يِجّن خمْسَاڒَاف إِذْسن.

ڒخذايم 5:15

ئِوْذَان سُوْفُوْغن-د يمهْڒَاش نْسن غار زْنَاقِي، سْرُوْسَان-ثن خ ثَاسُّوْث ذ يجَرْثِيڒن حمَا اَخْمِي سّنِّي د غَا يعْذُو بُطْرُس، يمْكن اَذ يڒْقف ڒبْعَاض زَّايْسن س ثِيڒِي نّس.

ڒخذايم 6:7

ئِنْتَاشَار وَاوَاڒ ن أَربِّـي، مَارْنِين-د اَطَّاس ن يمحْضَارن ذِي لْقُدْس، ؤُمْنن اَطَّاس ن ڒْفُقَهَا ن أَيث-إِسْرَائِيل زِي لْإِنْجِيل.

ڒخذايم 8:7

جْنُوْن يعفَّانن فّْغن زݣ وَاطَّاس ن يِوْذَان سْنكَّرن ثْغُوْيّث س جّْهذ. أَطَّاس ن يزحَّافن ذ يِنِّي ؤُمِي مُّوْثن يضَارن ݣنْفَان.

ڒخذايم 9:34

ينَّا-ٱس بُطْرُس: "آ عِيْنْيَاس، قَا شك يسْݣنْفَا-شك عِيْسَى لْمَسِيح! كَّر جْمع ثَاسُّوْث نّش." ڒخْدّنِّي يكَّر يبدّ خ يضَارن.

ڒخذايم 9:40

سّنِّي يسُوْفغ-يثن بُطْرُس مَارَّا زِي ثْغُوْرْفَات، يوْضَا خ يفَادّن يبْذَا يتْࢲَادْجَا. ئِخْزَر غَار دَّات نّس ينَّا-ٱس: "يَا طَابِيتَا، كَّر!" أُوْشَا نتَّاث ثرْزم ثِيطَّاوِين نّس، وَامِي ثࢲْرَا بُطْرُس ثكَّر ثقِّيم.

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.