يوحنا 13:8 - ثريفيث 2020

⁸ ينَّا-ٱس بُطْرُس: "ئِضَارن ينُو عمَّارْص اَثن ثْسِيرْذذ." ينَّا-ٱس عِيْسَى: "مڒَا وَار ذَاش سِيرْذغ، وَار ثْزمَّرذ شَا اَذ تِيڒِيذ ذ اَمحْضَار ينُو."

يوحنا 13:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:22

ئِسْبعّذ-يث بُطْرُس وَاحْذس ينْهَا-ث ينَّا-ٱس: "أَش يحْفض أَربِّـي آ سِيذِي! عمَّارص وَار ذَاش يتوْقِيع مَانَايَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:29

ئِنْدق-د مِّيس ينَّا-ٱس: لَّا، وَار تْرَاحغ شَا. وَلَكِن منْبَعْد شْوَايْت ينْدم، ئِرُوْح غَار ومَرْجع.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:33

ئِنْدق-د بُطْرُس ينَّا-ٱس: "وَاخَّا اَذَايش غَا سمْحن مَارَّا، نش وَار ذَايش سمْحغ شَا عمَّارْص."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:35

ينَّا-ٱس بُطْرُس: "نش وَار ش نكَّرغ شَا وَاخَّا اَكِذش إِي غَا مّْثغ." أَمنِّي إِي نَّان مَارَّا يمحْضَارن.

يوحنا 13:6

وَامِي د يُوْسَا غَار سِمْعَان بُطْرُس ينَّا-ٱس إِ عِيْسَى: "مَا شك آ سِيذِي اَذَايِي ثْسِيرْذذ يضَارن ينُو؟"

يوحنا 13:9

ينَّا-ٱس سِمْعَان بُطْرُس: "آ سِيذِي، وَار يدْجِي شَا اَذَايِي ثْسِيڒْذذ يضَارن ينُو وَاهَا، أَذَايِي تْسِيڒْذذ ؤُڒَا ذ يفَاسّن ينُو ذ وزدْجِيف ينُو."

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

ڒخذايم 22:16

ئِي ڒخُّو مِين تْرَاجِيذ؟ كَّر اَذ تْوَاطهَّارذ س وَامَان، سِيرذ زِي ڒْمُعْصِيَاث نّش خْمِي غَا ثْڒَاغِيذ خ يِيسم نّس.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 2:23

ذ صَّح، تْغِيڒ-اَسن إِ يِوْذَان لْقَوَانِين نِّي اَم ذَايْسن ڒفْهَامث زَعْمَا خ سَّبَاب ن لْوَاجِب ن لْعِبَادَا نْسن ذ دِّين نْسن يقْسح أُو عَاوذ مشْحَاڒ تْزيَّارن خ دَّات ن بْنَاذم. وَلَكِن لْقَوَانِين-أَ وَار تْعِيوِينن ؤُڒَا ذ يجّن ن بْنَاذم بَاش وَار يتْسِيعِّيف شَا شّهَوَاث ن دَّات نّس.

ثبرات غار تيتوس 3:5

ڒخْدّنِّي يسنْجم-اَنغ مَاشِي عْلَاحْسَاب لْحَسَانَاث نِّي إِي نݣَّا؛ لَّا، تُوْغَا عْلَاحْسَاب اَرَّاحْمث نّس نتَّا. ئِسِّيْرذ-اَنغ س وَامَان ن ؤُخْڒَاق ذ جْذِيذ، يَارَّا-ٱنغ ذ جْذِيذ س وفُوْس ن أَرُّوْح يقدّْسن.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.