يوحنا 13:19 - ثريفيث 2020

¹⁹ سْخبَّارغ-كنِّيو س مَانَايَا قْبڒ مَا ٱذ يوْقع، خْمِي غَا يوْقع اَتَاف اَذ تَامْنم قَا ذ نش إِݣ يدْجَان.

يوحنا 13:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:3

حمَا اَذَاس ينِين: "مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 24:25

خْزَرم! أَقَا نش عڒْمغ-اَوم خ مَانَايَا قْبڒ مَا ٱذ يوْقع.

لوقا 21:13

مَانَايَا اَغَارْوم يِيڒِي ذ يجّن ن لْفُوْرْصَا إِ شْهَاذث.

يوحنا 1:15

ئِشْهذ خَاس يَحْيَى، ئِتْبرَّاح ينَّا: "ذ وَا إِي خف تُوْغَا سِّيوْڒغ نِّيغ-اَوم اَذ د يَاس يجّن منْبَعْد إِ نش، وَلَكِن نتَّا يمْغَار خَافِي مِينْزِي تُوْغَاث قْبڒ مَا ٱذ يڒِيغ نش."

يوحنا 14:29

نش نِّيغ-اَوم-ت ڒخُّو قْبڒ مَا ٱذ يوْقع، بَاش خْمي غَا يوْقع كنِّيو اَذ تَامْنم.

يوحنا 16:4

قَا نِّيغ-اَوم ثِمسْڒَايِين-أَ ڒخُّو بَاش مڒْمِي د غَا ثَاس ڒْوقْث، أَذ تْعَقْڒم بلِّي نِّيغ-اَوم-ثنْت نش. ذݣ ومزْوَارُو وَار ذَاوم نِّيغ شَا ثِمسْڒَايِين-أَ مِينْزِي نش اَقَايِي اَكِذْوم.

يوحنا 4:26

ينَّا-ٱس عِيْسَى: "قَا ذ نش إِي كِذم يسَّاوَاڒن."

يوحنا 8:28

خ مَانَايَا ينَّا-ٱسن عِيْسَى: "أَخمِي غَا ثسْبدّم مِّيس ن بْنَاذم ذݣ وجنَّا، أَذ تسّْنم بلِّي ذ نش إِݣ يدْجَان. وَار تݣّغ شَا زِي غَاري؛ لَّا، نش سَّاوَاڒغ خ مَامّش ذَايِي يسڒْمَاذ بَابَا.

يوحنا 8:58

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."