يوحنا 13:1 - ثريفيث 2020

¹ قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 13:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:45

ئِذْوڒ-د غَار يمحْضَارن-أَ ينَّا-ٱسن: "عَاذ ثطّْصم، عَاذ ثْريّْحم؟ صَافِي، بَرَكَا! أَقَا ثُوْوض-د ڒْوقْث نِّي إِي ذِي غَا يتْوَاسلّم مِّيس ن بْنَاذم غَار يفَاسّن ن يِنِّي يعصَّان.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:20

سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

لوقا 22:53

تُوْغَا تْغِيمِيغ اَكِذْوم مْكُڒ نْهَار ذِي ثمْزِيذَا ثَمقّْرَانْت، وَار ذَايِي ثطِّيفم شَا. وَلَكِن ڒخُّو ذ ثْسَعَّات نْوم ذ جّْهذ ن ثَادْجسْث."

لوقا 9:51

عِيْسَى وَامِي د تُوْوض ڒْوقْث نّس إِي ذِي غَا يتْوَارْفع غَار وجنَّا، ئِكَّر يوجّه اَغمْبُوْب نّس بَاش اَذ يرَاح غَار ثنْدِينْت ن لْقُدْس.

يوحنا 11:55

ئِقَارّب-د ڒْعِيذ اَمقّْرَان ن أَيث-إِسْرَائِيل. ؤُسِين-د اَطَّاس ن يِوْذَان زِي ڒدْشُوْر غَار لْقُدْس حمَا اَذ طهَّارن يخف نْسن قْبڒ إِ ڒْعِيذ.

يوحنا 12:23

ئِنْدق-د عِيْسَى ينَّا-ٱسن: "ثُوْسَا-د ڒْوقْث اَذ يتْوَارْفع مِّيس ن بْنَاذم.

يوحنا 13:29

تْغِيڒ-اَسن إِ ڒبْعَاض قَا ينَّا-ٱس اَذ يسغ مِين حْذَاجن ذِي ڒْعِيذ نِغ اَذ يصدّق خ يمسْعَان مِينْزِي يَهُوْذَا مْكلّف خ وشمُّوْس ن تْمنْيَاث.

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 13:34

ڒخُّو تِيشّغ-اَوم يجّن ن ڒُوْصِيّث ذ جْذِيذ: حِبّث اَيَاوْيَا. أُو حِبّث اَيَاوْيَا مَامّش كنِّيو حِبّغ نش.

يوحنا 14:28

ثسْڒَام قَا نِّيغ-اَوم: نش اَذ ؤُيُوْرغ، أَذ د عقْبغ غَارْوم. مڒَا ثْحِبِّيم-اَيِي، أَتَاف كنِّيو اَذ تْفَرْحم بلِّي اَذ رَاحغ غَار بَابَا مِينْزِي بَابَا ذ اَمقّْرَان خَافِي.

يوحنا 14:31

لَّا، نش تݣّغ زِي مِين ذَايِي يوصَّا بَابَا حمَا دُّنشْت-أَ اَذ تسّن قَا نش تْحِبِّيغ بَابَا. كَّرث سَّانِيتَا، يَالَّه أَ نْرَاحم."

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 17:1

وَامِي يسِّيوڒ عِيْسَى خ مَانَايَا، ئِيْسِي ثِيطَّاوِين نّس غَار وجنَّا ينَّا: "آ بَابَا، ثُوْوض-د ڒْوقْث. سمْغَار مِّيش حمَا اَش يسمْغَار.

يوحنا 17:16

نِثْنِي وَار دْجِين شَا زِي دُّنشْت، أَمشْنَاو نش وَار دْجِيغ شَا زِي دُّنشْت.

يوحنا 17:26

نش سْبيّْنغ-اَسن-د يسم نّش أُو عَاذ اَث سْبيّْنغ حمَا اَذَايْسن ثِيڒِي ڒمْحِبّث نِّي إِي زِي ذَايِي تْحِبِّيذ، أَذَايْسن يڒِيغْ نش س يِيخف ينُو."

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 18:4

ئِسّن عِيْسَى مَارَّا مِين ذَاس غَا يوقْعن، ئِفّغ-د غَارْسن ينَّا-ٱسن: "مِينْخف ثْرزُّوْم؟"

يوحنا 19:28

منْبَعْد إِ مَانَايَا يسّن عِيْسَى بلِّي كُڒْشِي يكْمّڒ، ينَّا: "أَقَايِي فُّوْذغ." س وَاوَاڒ نِّي يفّغ مِين د يُوْسِين ذِي لْكِتَاب.

يوحنا 2:13

وَامِي د يُوْوض ڒْعِيذ اَمقّْرَان ن أَيث-إِسْرَائِيل، ئِكَّر عِيْسَى يُوْڒِي غَار ثنْدِينْت ن لْقُدْس.

يوحنا 6:4

ڒْعِيذ اَمقّْرَان ن أَيث-إِسْرَائِيل وَار ذَاس يقِّيم شَا اَذ د يَاوض.

يوحنا 7:30

ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

يوحنا 7:6

ينَّا-ٱسن عِيْسَى: "ڒْوقْث ينُو عَاذ وَار د تُوْوِيض شَا حمَا اَذ رَاحغ، وَلَكِن كنِّيو اَذ تْرَاحم ذِي اَيِّي ڒْوقْث.

يوحنا 8:20

ينَّا اَوَاڒ-أَ ذِي ثمْزِيذَا ثَمقّْرَانْت نْسن مَانِي جمّْعن صَّدَقَا، ئِسڒْمَاذ ذِنِّي. وَار ث يطِّيف ؤُڒَا ذ يجّن مِينْزِي ڒْوقْث نّس عَاذ وَار د تُوْوِيض.

أيث-روما 8:37

وَلَكِن ذِي مَارَّا مَانَايَا نشِّين نتْوَاحْسَاب كْتَار زِي لْأَبْطَال خ وفُوْس ن ونِّي إِي ذَانغ يخْسن.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 6:11

نخْس اَذ تْحَوْڒم كنِّيو س وُوْڒ كُڒ يجّن اَم قْبڒ بَاش اَذ تِيڒِيم كنِّيو متْأَكدِّين ذِي لْأَمَال نْوم اَڒ ونݣَّارُو.

1 بطرس 1:13

إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.