يوحنا 12:49 - ثريفيث 2020

⁴⁹ أَقَا وَار سِّيوْڒغ شَا زِي غَاري؛ لَّا، نش سَّاوَاڒغ نش قَّارغ زِي ڒُوْصِيّث إِي ذَايِي يُوْشَا بَابَا يعْنِي ونِّي إِي ذَايِي د يسّكّن.

يوحنا 12:49 ပူးပေါင်းရင်းမြစ်များ

يوحنا 14:10

مَا وَار تِيمْنذ شَا بلِّي نش اَقَايِي ذِي بَابَا، بَابَا اَقَاث ذَايِي؟ أَوَاڒن إِي ذَاوم قَّارغ وَار ثن قَّارغ شَا نش، ذ بَابَا إِي ذَايِي إِي ثن يقَّارن. نتَّا يخدّم ڒخْذَايم نّس.

يوحنا 14:24

ونِّي وَار ذَايِي يتْحِبِّين، أَتَاف وَار يخدّم شَا زݣ وَاوَاڒ ينُو. أَوَاڒن-أَ إِي تسْڒَام وَار دْجِين شَا ينُو لَّا، ن بَابَا إِي ذَايِي-د يسّكّن.

يوحنا 14:31

لَّا، نش تݣّغ زِي مِين ذَايِي يوصَّا بَابَا حمَا دُّنشْت-أَ اَذ تسّن قَا نش تْحِبِّيغ بَابَا. كَّرث سَّانِيتَا، يَالَّه أَ نْرَاحم."

يوحنا 15:15

وَار يقِّيم عَاذ اَذَاوم سمِّيغ يخدَّامن مِينْزِي اَخدَّام وَار يسِّين شَا مِين يتݣّ ؤُوقَّاف نّس. كنِّيو اَذَاوم سمِّيغ يمدُّوْكَاڒ ينُو مِينْزِي نِّيغ-اَوم مَارَّا مِين سْڒِيغ زِي بَابَا.

يوحنا 17:8

مِينْزِي نش سِّيوْضغ-اَسَن اَوَاڒ إِي ذَايِي ثُوْشِيذ، نِثْنِي قبْڒن-ث. سّْنن ذ صَّح بلِّي نش زِي غَارك إِي د ؤُسِيغ، ؤُمْنن عَاوذ بلِّي ذ شك إِي ذَايِي د يسّكّن.

يوحنا 3:11

أَقَا تسْڒِيذ ڒْحَقّ: نشِّين نسَّاوَاڒ زِي مِين نسّن، نْشهّذ س مِين نࢲْرَا، وَلَكِن كنِّيو وَار ثقْبِيڒم شَا شْهَاذث نّغ.

يوحنا 3:32

ئِشهّذ زِي مِين يࢲْرَا ذ مِين يسْڒَا، وَلَكِن شْهَاذث نّس وَار ت يقبّڒ ؤُڒَا ذ يجّن.

يوحنا 5:19

ينَّا-ٱسن عِيْسَى: "أَقَا تسْڒَام ڒْحَقّ: مِّيس وَار يزمَّر اَذ يݣّ شَان ثْمسْڒَايْث س يِيخف نّس، غِير مِين يࢲرّ زِي بَابَاس اَقَا يتݣّ-يث. مِين مَا يتݣّ بَابَاس اَقَا يتݣّ-يث ؤُڒَا ذ مِّيس.

يوحنا 5:30

نش وَار زمَّرغ اَذ ݣّغ وَالُو زݣ يِيخف ينُو. مَامّش تسْڒِيغ، أَمُّو تْحَاسَابغ. لْحِسَاب ينُو ن ڒْحَقّ مِينْزِي نش وَار رزُّوْغ شَا مِين خْسغ؛ لَّا، رزُّوْغ مِين يخس ونِّي إِي ذَايِي-د يسّكّن."

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

يوحنا 7:16

ينَّا-ٱسن عِيْسَى: "مِين سڒْمَاذغ وَار يدْجِي بُو ينُو، أَسڒْمذ-أَ ن ونِّي إِي ذَايِي د يسّكّن.

يوحنا 8:26

غَارِي اَطَّاس ن وَاوَاڒن زمَّرغ اَذَاوم ثن ينِيغ، زَّايْسن إِي غَا حكْمغ خَاوم. ونِّي ذَايِي د يسّكّن نتَّا ذَايس لْحَقِيقَا. مِين سْڒِيغ زَّايس قَّارغ-ث إِ دُّنشْت."

يوحنا 8:28

خ مَانَايَا ينَّا-ٱسن عِيْسَى: "أَخمِي غَا ثسْبدّم مِّيس ن بْنَاذم ذݣ وجنَّا، أَذ تسّْنم بلِّي ذ نش إِݣ يدْجَان. وَار تݣّغ شَا زِي غَاري؛ لَّا، نش سَّاوَاڒغ خ مَامّش ذَايِي يسڒْمَاذ بَابَا.

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.