يوحنا 12:48 - ثريفيث 2020

⁴⁸ ونِّي إِي ذَايِي يتْعيَّابن نتَّا وَار يقبّڒ شَا اَوَاڒ ينُو، أَتَاف غَارس وِي ث غَا يحَاسْبن. أَوَاڒَ-أَ إِي نِّيغ ذ ونِّي إِي ث غَا يحَاسْبن ذِي نْهَار اَنݣَّارُو.

يوحنا 12:48 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:15

أَقَا تسْڒَام ڒْحَقّ: ذِي يُوْم لْحِسَاب ذ لْعِقَاب اَذ يِيڒِي لْعِقَاب ن ثنْدِينْت نِّي كْتَار زِي لْعِقَاب ن ثنْدِينْت ثَعفَّانْت ن سَادُوْم ذ ثنْدِينْت ثَعفَّانْت ن عَمُّوْرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:42

ينَّا-ٱسن عِيْسَى: "مَا عمَّارْص وَار ثغْرِيم مِين يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس. ذ سِيذِي أَربِّـي إِݣ يݣِّين مَانَايَا، ذ يجّن ن ڒْحَاجث ذ ثَمقّْرَانْت!>

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.

مرقس 12:10

مَا عمَّارْص وَار ثغْرِيم مين يُوْرِين ذي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

مرقس 8:31

ئِبْذَا يسڒْمَاذ-يثن ينَّا-ٱسن: "أَقَا مِّيس ن بْنَاذم يتْخصَّا-يَاس اَذ يتْوَاعدّب خ وَاطَّاس ن ثْمسْڒَايِين، أَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يكَّر زِي ڒْموْث."

لوقا 10:16

ينَّا-ٱسن عِيْسَى إِ يمحْضَارن نّس: "ونِّي يتْسْڒَان إِ وَاوَاڒ نْوم، أَتَاف يتْسْڒَا-يَايِي إِ نش. ونِّي وَار كنِّيو يقْبِيڒن شَا، أَتَاف ؤُڒَا ذ نش وَار ذَايِي يقْبِيڒ شَا. ونِّي وَار ذَايِي يقْبِيڒن شَا نش، أَتَاف وَار يقْبِيڒ شَا ونِّي ذَايِي د يسّكّن."

لوقا 17:25

وَلَكِن يتْخصَّا-ٱس ذ اَمزْوَارُو اَذ يتْوَاعدّب اَطَّاس، أَث عِيفّن يِوْذَان ن ڒْوقْث-أَ.

لوقا 20:17

ئِخْزَر غَارْسن ينَّا: "مِين يخس اَذ يِينِي وَاوَاڒ-أَ إِي يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.>

لوقا 7:30

وَلَكِن ڒْحِزب ن يفَرِّسِيْين ذ يِنِّي يتْشرَّاحن شَّرِيعَا وَار خِيسن شَا مِين يخس أَربِّـي، ؤُݣِين اَثن يطهَّار يَحْيَى س وَامَان.

لوقا 9:22

ينَّا-ٱسن إِ يمحْضَارن نّس: "مِّيس ن بْنَاذم لَابُد اَذ يتْوَاعدّب خ وَاطَّاس ن ثْمسْڒَايِين، اَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْموْث."

لوقا 9:26

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا نّس ذ لْعَظَمَا ن بَابَاس اَك لْمَلَائِكَاث يقدّْسن.

يوحنا 11:24

ثنَّا-ٱس مَرْثَا: "سّْنغ اَذ د يكَّر ذِي ڒْوقْث ن لْقِيَامَا ذِي نْهَار اَنݣَّارُو."

يوحنا 5:45

وَار تْفكَّرم شَا أَزَّايوم شثْشِيغ غَار بَابَا؛ لَّا، ونِّي إِي زَّايْوم غَا يشثْشَان نتَّا ذ مُوْسَى ونِّي ذِي ثݣِّيم لْأَمَال نْوم.

يوحنا 6:39

مِين يخس ونِّي إِي ذَايِي د يسّكّن؟ يخس بلِّي زِي مَارَّا مِين ذَايِي يُوْشَا وَار ذَايِي يتْودَّار ؤُڒَا ذ يجّن، أَثن د سكَّرغ ذِي نْهَار اَنݣَّارُو.

يوحنا 8:47

ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

ڒخذايم 17:31

مَايمِّي؟ أَربِّـي يزمّم يجّن ن نْهَار إِي ذِي غَا يحَاسب مَارَّا يوْذَان س ڒْحَقّ خ وفُوْس ن بْنَاذم نِّي إِݣ يخْضَر. يُوْشَا-ٱسن دَّلِيل إِ مَارَّا يوْذَان خ مَانَايَا وَامِي ثِيذ يسكَّر زِي ڒْموْث."

ڒخذايم 3:23

قَا مَارَّا ونِّي وَار ذَاس يتْصنِّيطم شَا غَار نَّبِي نِّي اَذ يتْوَاكّس زِي ڒْقُوْم اَذ ينهْذم.

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

22 أيث-كورينث 4:3

لْإِنْجِيل نّغ مڒَا يغمّس س يِجّن ن لْتَام، ئِغمّس غِير إِ يِنِّي يفنَّان.

2 أيث-سلونيك 1:8

أَذ ينْتَاقم زݣ يِنِّي وَار يسِّينن شَا أَربِّـي ذ يِنِّي وَار يتْطِيعِين شَا إِ لْإِنْجِيل ن سِيذِيثْنغ عِيْسَى.

يعيبرانيين 10:25

أَ نْمُوْن اَك وَايَاوْيَا مَاشِي أَ نسْمح ذِي لْوَاجِب-أَ اَم مَامّش نُّوْمن [نِّيْمن] ڒبْعَاض ن يِوْذَان. لَّا، أَ نْشجّع اَيَاوْيَا، أُو كْتَار عَاذ خْمِي نتْوَاڒَا نْهَار ن سِيذِيثْنغ يقَارّب-د.

يعيبرانيين 12:25

أَرّم-د ڒْبَاڒ نْوم وَار تْجِيهِيڒم شَا اَوَاڒ ن ونِّي يسَّاوَاڒن، مَايمِّي؟ لِأَنَّا أَيث-إِسْرَائِيل وَار فڒْثن شَا وَامِي جهْڒن اَوَاڒ ن ونِّي تُوْغَا ثن يوصَّان ذِي ثْمُوْرْث. أُو نشِّين عَاذ كْتَار، مڒَا نُوْݣِي أَ نْطَاع إِ ونِّي ذَانغ يوصَّان زݣ وجنَّا اَتَاف عمَّارْص أَ نفْڒث.

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

يعيبرانيين 4:12

أَقَا اَوَاڒ ن أَربِّـي يدَّر نتَّا يفْسُوْس، ئِقْضع اَطَّاس كْتَار زِي سِّيف ن ثْنَاين ن جِّهَاث. ئِتَاذف اَڒ ذَاخڒ يفرّق بُوْحْبڒ ذ اَرُّوْح ذ مَانِي تْمُوْنن ڒمْفَاسڒ، ئِتَاذف غَار وَاذُوْف. ئِتْميَّاز جَار لْأَفْكَار ذ لْأَغْرَاض ن وُوْڒ.

1 بطرس 1:5

عْلَاحْسَاب لْإِيمَان نْوم أَربِّـي يحطَّا-كنِّيو س ثْزمَّار نّس غَار يِجّن ن وسنْجم إِݣ يسوْجذ نتَّا اَثِيذ يسْمظْهَار ذِي نْهَار اَنݣَّارُو.

2 بطرس 3:3

مِين يدْجَان مُهِم قَاع؟ ئِتْخصَّا أُو لَابُد اَذ تْفهْمم بلِّي ذِي ڒِيَّام نِّي ينݣُّوْرَا اَذ يڒِين مُوْجُوْدِين يوْذَان إِي يضحّْشن خَاوم، أَذ ضحْشن اَذ ذفَارن شّهَاوَاث نْسن أُو صَافِي.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.