يوحنا 12:34 - ثريفيث 2020

³⁴ نَّان-اَس ڒْغَاشِي نِّي: "نشِّين نسْڒَا زِي مِين يقَّار لْكِتَاب قَا لْمَسِيح اَذ يقِّيم إِ ڒبْدَا. إِيوَا، مَامّش ثقَّارذ شك قَا مِّيس ن بْنَاذم يتْخصَّا اَذ يتْوَاسْبدّ ذݣ وجنَّا؟ مِين يعْنَا مِّيس-أَ ن بْنَاذم قَاع؟"

يوحنا 12:34 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:13

وَامِي يُوْوض عِيْسَى غَار جِّهث ن ثنْدِينْت ن قَيْصَارِيَا ن فِيلِيبَّاس، ئِسّقْسَا يمحْضَارن نّس ينَّا-ٱسن: "مِين قَّارن يِوْذَان خ مِّيس ن بْنَاذم؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 21:10

وَامِي يُوْذف عِيْسَى غَار ثنْدِينْت ن لْقُدْس، كَّرن-د اَيثْبَاب ن ثنْدِينْت نَّان: "مِين يعْنَا وَا؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 8:20

ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."

يوحنا 10:34

ينَّا-ٱسن عِيْسَى: "مَا ثُوْرَا نِغ لَّا ذِي شَّرِيعَا نْوم بلِّي أَربِّـي ينَّا: <نش نِّيغ-اَوم كنِّيو ذ أَربِّـيثن>!؟

يوحنا 12:32

خْمِي غَا تْوَاسْبدّغ ذݣ وجنَّا إِ ثْمُوْرْث، أَذ سذْفَارغ غَارِي مَارَّا يوْذَان."

يوحنا 15:25

مَانَايَا يوْقع حمَا اَذ يكمّڒ وَاوَاڒ إِݣ يُورِين ذِي شَّرِيعَا نْسن وَامِي ينَّا <قَا عِيفّن-اَيي بْڒَا سَّبَاب.>

يوحنا 8:28

خ مَانَايَا ينَّا-ٱسن عِيْسَى: "أَخمِي غَا ثسْبدّم مِّيس ن بْنَاذم ذݣ وجنَّا، أَذ تسّْنم بلِّي ذ نش إِݣ يدْجَان. وَار تݣّغ شَا زِي غَاري؛ لَّا، نش سَّاوَاڒغ خ مَامّش ذَايِي يسڒْمَاذ بَابَا.

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.

أيث-روما 5:18

إِذن يجّن ن ڒْمُعْصِيّث إِݣ يݣَّا يجّن ن بْنَاذم ثُوْوِي-د لْحِسَاب ذ لْعِقَاب إِ مَارَّا يوْذَان. أَمنِّي يجّن ن لْبَرَاءَا إِݣ يݣَّا يجّن ن بْنَاذم يُوْوِي-د صُّلْح ذ ثُوْذَارْث إِ مَارَّا يوْذَان.

يعيبرانيين 7:24

وَلَكِن عِيْسَى ڒْخذْمث نّس ن ڒفْقِي اَذ تقِّيم وَار تْوَاكِّيس شَا لِأَنَّا نتَّا يتْدُوْمَا إِ ڒبْدَا.