يوحنا 12:1 - ثريفيث 2020

¹ ستِّييَّام قْبڒ إِ ڒْعِيذ اَمقّْرَان، يُوْسَا-د عِيْسَى غَار بَيْت عَنْيَا مَانِي يزدّغ لِعَازَر ونِّي إِي د يسكَّر عِيْسَى زِي ڒْموْث.

يوحنا 12:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:17

سّنِّي يسْمح ذَايْسن، يفّغ زِي ثنْدِينْت نِّي يرُوْح غَار وبِيلَاج ن بَيْت عَنْيَا يسنْس ذِنِّي.

مرقس 11:11

يُوْذف عِيْسَى غَار ثنْدِينْت ن لْقُدْس غَار ثمْزِيذَا ثَمقّْرَانْت ن أَيث-إِسْرَائِيل، ئِخْزَر مِين ذِنِّي مَارَّا. وَلَكِن تُوْغَا يعْذُو ڒْحَاڒ، ئِفّغ اَك ثنْعَاش ن يمحْضَارن نّس يرُوْح غَار بَيْت عَنْيَا.

لوقا 24:50

ئِسُوْفغ-يثن زِي ثنْدِينْت يُوْوِي-ثن غَار بَيْت عَنْيَا. ئِسْݣَعّذ يفَاسّن نّس يبَرك-يثن.

لوقا 7:37

ذِنِّي ذݣ وبِيلَاج نِّي يجّن ن ثمْغَارْث ثْعصَّا. ثَارَّا-د ڒخْبَار عِيْسَى يقِّيم اَذ يشّ ذِي ثدَّارْث ن وفَرِّسِي نِّي، ثُوْسَا-د نتَّاث غَارس يجّن ن ثْزيَّات ذَايس اَمَان ن لْوَرْذ.

يوحنا 11:1

ئِجّن ن بْنَاذم قَّارن-اَس لِعَازَر يهْڒش، نتَّا زݣ وبِيلَاج نِّي ؤُمِي قَّارن بَيْت عَنْيَا. زدّْغنْت ذِنِّي سُوْيْثْمَاس، ئِشْتن قَّارن-اَس مَرْيَم يشْتن قَّارن-اَس مَرْثَا.

يوحنا 11:43

وَامِي ينَّا مَانَايَا، ئِڒَاغَا س جّْهذ ينَّا: "آ لِعَازَر، ٱفّْغ-د سّنِّي!"

يوحنا 11:44

ئِفّغ-د ونِّي يمُّوْثن، ئِنّض-اَس ڒشْفن خ يفَاسّن ذ يضَارن خ وغمْبُوْب نّس خَاس ڒْقَبّ. ينَّا-ٱسن عِيْسَى: "كّْسم خَاس ڒشْفن نِّي، اجّم-ث اَذ يُوْيُوْر."

يوحنا 11:55

ئِقَارّب-د ڒْعِيذ اَمقّْرَان ن أَيث-إِسْرَائِيل. ؤُسِين-د اَطَّاس ن يِوْذَان زِي ڒدْشُوْر غَار لْقُدْس حمَا اَذ طهَّارن يخف نْسن قْبڒ إِ ڒْعِيذ.

يوحنا 12:12

ثِيوشَّا نّس قَاع ڒْغَاشِي نِّي إِي د يُوْسِين غَار ڒْعِيذ سْڒِين بلِّي عِيْسَى يݣُّوْر-د غَار لْقُدْس.

يوحنا 12:20

يِنِّي يݣَعّْذن اَذ عبْذن ذِي ڒْعِيذ اَكِذْسن ڒبْعَاض ن ييُوْنَانيْين.

يوحنا 12:9

ؤُسِين-د اَطَّاس ن ڒْغَاشِي ن يسْرَائِيلِيْين وَامِي د اَرِّين ڒخْبَار بلِّي نتَّا اَقَاث ذِنِّي. وَار يدْجِي خ عِيْسَى وَاهَا، ؤُسِين-د اَذ ࢲْرن ؤُڒَا ذ لِعَازَر ونِّي إِي د يسكَّر زِي ڒْموْث.