يوحنا 11:55 - ثريفيث 2020

⁵⁵ ئِقَارّب-د ڒْعِيذ اَمقّْرَان ن أَيث-إِسْرَائِيل. ؤُسِين-د اَطَّاس ن يِوْذَان زِي ڒدْشُوْر غَار لْقُدْس حمَا اَذ طهَّارن يخف نْسن قْبڒ إِ ڒْعِيذ.

يوحنا 11:55 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:1

وَامِي يكمّڒ عِيْسَى اَوَاڒ نِّي ينَّا-ٱسن إِ يمحْضَارن نّس:

أَسڒْمذ ن سِيذِيثْنغ عِيْسَى لْكِتَاب ن مَتَّى 26:2

"ثسّْنم بلِّي ڒْعِيذ اَمقّْرَان ن أَيث-إِسْرَائِيل يقِّيم-اَس يُوْمَاين. ذَايس إِي غَا يتْوَاسلّم مِّيس ن بْنَاذم اَذ يتْوَاصلّب."

مرقس 14:1

ئِقِّيم-اَس يُوْمَاين إِ ڒْعِيذ اَمقّْرَان ن أَيث-إِسْرَائِيل ذ ڒْعِيذ نِّي ؤُمِي قَّارن ڒْعِيذ ن ثفْضِيرْث. أَرُّوْيَاس ن ڒْفُقَهَا ذ يمْسڒْمَاذن ن شَّرِيعَا رزُّوْن مَامّش ذَاس غَا ݣّن حمَا اَذ طّْفن عِيْسَى س ثحْرَايْمِيث اَث نْغن.

لوقا 22:1

ئِقَارّب-د ڒْعِيذ ن ثفْضِيرْث ؤُمِي قَّارن ڒْعِيذ اَمقّْرَان ن أَيث-إِسْرَائِيل.

يوحنا 12:1

ستِّييَّام قْبڒ إِ ڒْعِيذ اَمقّْرَان، يُوْسَا-د عِيْسَى غَار بَيْت عَنْيَا مَانِي يزدّغ لِعَازَر ونِّي إِي د يسكَّر عِيْسَى زِي ڒْموْث.

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 18:28

ؤُوِين عِيْسَى زِي ثدَّارْث ن قِيَافَا غَار ڒقْصَر ن لْحَاكم، تُوْغَا زِيش. ئِسْرَائِيلِيْين وَار ؤُذِيفن شَا غَار ڒقْصَر حمَا وَار سْحرِّيم شَا ڒْعِيذ خ يِيخف نْسن.

يوحنا 2:13

وَامِي د يُوْوض ڒْعِيذ اَمقّْرَان ن أَيث-إِسْرَائِيل، ئِكَّر عِيْسَى يُوْڒِي غَار ثنْدِينْت ن لْقُدْس.

يوحنا 2:6

ذِنِّي ذِي ثدَّارْث نِّي ستَّا ن يقْنُوْشن ن وَامَان عْلَاحْسَاب مَامّش نُّوْمن تݣّن زَّايْسن يسْرَائِيلِيْين ڒُوْضُو. ئِقْنُوْشن نِّي تْوَاخذْمن س وزْرُو، كُڒ يجّن يكسِّي زِي ثْمَانِين اَڒ مِيَّا أُو عِشْرِين لِيتْرُو ن وَامَان.

يوحنا 5:1

منْبَعْد إِ مَانَايَا يݣَعّذ عِيْسَى غَار ثنْدِينْت ن لْقُدْس ذݣ يِجّن ن ڒْعِيذ ن أَيث-إِسْرَائِيل.

يوحنا 6:4

ڒْعِيذ اَمقّْرَان ن أَيث-إِسْرَائِيل وَار ذَاس يقِّيم شَا اَذ د يَاوض.

ڒخذايم 21:24

أَوِي يِيْنَا خدْجس خَاسن اَخْمِي غَا ثݣّم مَارَّا كنِّيو ڒُوْضُو نِّي اَصبْحَان بَاش نِثْنِي اَذ حفّن اَذ ذوْڒن ذ يقشُّوْرَا. أَمُّو اَذ سّْنن مَارَّا مِين خَاك يتْوَانَّان وَار يدْجِي بُو ذ صَّح. شك س يِيخف نّش ثْذفَّارذ شَّرِيعَا نّغ.

ڒخذايم 21:26

ثِيوشَّا نّس يُوْوِي بُوْلُس يرْيَازن نِّي اَكِذس، يݣَّا ڒُوْضُو نِّي اَصبْحَان اَكِذْسن. يُوْذف غَار ثمْزِيذَا ثَمقّْرَانْت اَذ يعْڒم ڒْفُقَهَا خ ڒْوقْث إِي ذِي غَا كمّْڒن نْهُوْرَاث نِّي يقِّيمن خ وصفِّي نْسن، يعْنِي ڒْوقْث إِي غَا قدّْمن ڒْفُقَهَا دْبِيحَاث إِ اَرْبعَا-يَا.

ڒخذايم 24:18

وَامِي ذَايِـي ؤُفِين ذِي ثمْزِيذَا ثَمقّْرَانْت تݣّغ ڒُوْضُو. وَار ؤُفِين اَكِذِي بُو ڒْغَاشِي، وَار تݣّغ بُو سّْدَع. وَلَكِن ذِنِّي شَان ن يسْرَائِيلِيْين زِي لْإِقْلِيم ن آسْيَا،

1 أيث-كورينث 11:28

إِيوَا يتْخصَّا-يَاس إِ بْنَاذم اَذ يرَاجع يخف نّس قْبڒ مَا ٱذ يشّ زݣ وغْرُوْم-أَ، قْبڒ مَا ٱذ يسو زِي ڒْكَاس-أَ.

ثبرات غار يعقوب 4:8

أَذْسث غَار أَربِّـي، نتَّا اَغَارْوم د يَاذس. آ يِنِّي يخْضَان، سِيرْذث يفَاسّن نْوم. آ يِنِّي كُڒ ڒَعْقڒ مِين ذَاوم يقَّار، سصْفَاث ؤُڒَاون نْوم.