يوحنا 10:18 - ثريفيث 2020

¹⁸ ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 10:18 ပူးပေါင်းရင်းမြစ်များ

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

يوحنا 10:17

س مَانَايَا بَابَا يتْحِبَّا-ٱيي مِينْزِي نش تْصدَّاقغ ثُوْذَارْث ينُو حمَا عَاوذ اَتِيد اَرّغ.

يوحنا 14:31

لَّا، نش تݣّغ زِي مِين ذَايِي يوصَّا بَابَا حمَا دُّنشْت-أَ اَذ تسّن قَا نش تْحِبِّيغ بَابَا. كَّرث سَّانِيتَا، يَالَّه أَ نْرَاحم."

يوحنا 15:10

مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس.

يوحنا 19:11

ئِنْدق-د عِيْسَى ينَّا-ٱس: "وَار غَارك بُو جّْهذ خَافِي إِلَّا مڒَا يمُّوْش-اَش زِي أَربِّـي. عْلَاحْسَاب مَانَايَا، ونِّي إِي ذَايِي د يُوْوِين غَارش، غَارس دّْنُوْب كْتَار زَّايك."

يوحنا 5:26

أَم بَابَاس غَارس ثُوْذَارْث ذݣ يِيخف نّس، أَمُّو إِي ذَاس يُوْشَا إِ مِّيس اَغَارس ثِيڒِي ثُوْذَارْث ذݣ يِيخف نّس.

يوحنا 5:30

نش وَار زمَّرغ اَذ ݣّغ وَالُو زݣ يِيخف ينُو. مَامّش تسْڒِيغ، أَمُّو تْحَاسَابغ. لْحِسَاب ينُو ن ڒْحَقّ مِينْزِي نش وَار رزُّوْغ شَا مِين خْسغ؛ لَّا، رزُّوْغ مِين يخس ونِّي إِي ذَايِي-د يسّكّن."

يوحنا 6:38

مِينْزِي نش هْوِيغ-د زݣ وجنَّا، وَار يدْجِي شَا اَذ ݣّغ مِين خْسغ؛ لَّا، هْوِيغ-د اَذ ݣّغ مِين يخس ونِّي إِي ذَايِي د يسّكّن.

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

ڒخذايم 2:32

عِيْسَى-يَا وَانِيتَا يسكَّر-يث-يذ أَربِّـي زِي ڒْموْث، أَقَا نشِّين مَارَّا نْشهّذ خ مَانَايَا.

ڒخذايم 3:15

ثنْغِيم ونِّي يدْجَان ذ لْأَصل ن ثُوْذَارْث، وَلَكِن أَربِّـي يسكَّر-يث-يذ زِي ڒْموْث، نشِّين نشْهذ خَاس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 2:9

وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.