يوحنا 10:16 - ثريفيث 2020

¹⁶ غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 10:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

لوقا 15:8

نِغ، شَان ثمْغَارْث غَارس عشْرَا ن دِينَار مَثَالَان، ئِودَّار-اَس يجّن. أَتَاف اَذ تْشعّڒ ڒْقنْدِيڒ اَذ تْسكّ ذِي ثدَّارْث اَذ ترْزُو اَطَّاس خ دِينَار نِّي اَڒ ث غَا ثَاف. أَمنِّي نِغ لَّا؟

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

يوحنا 10:2

وَلَكِن ونِّي د غَا يَاذْفن زِي ثوَّارْث نتَّا إِݣ يَروّْسن يحُوْڒِيْين نّس.

يوحنا 10:27

ئِحُوْڒِيْين ينُو تسْڒَان غَار صُّوْت ينُو، سّْنغ-ثن نِثْنِي ذفَّارن-اَيي.

يوحنا 10:3

أَعسَّاس ن ڒْكُوْرِي اَذَاس يرْزم ثَوَّارْث إِ ونِّي إِي يَروّْسن، ئِحُوْڒِيْين نّس تسْڒَان إِ صُّوْت نّس. ئِتْڒَاغَا خ يحُوْڒِيْين نّس س يِيسمَاون نْسن، أَثن يسُوْفغ.

يوحنا 10:4

أَذ يسُوْفغ مَارَّا يحُوْڒِيْين نّس يݣُّوْر زَّاثْسن، ئِحُوْڒِيْين نِّي ذفَّارن-ث مِينْزِي سّْنن صُّوْت نّس.

يوحنا 10:5

وَلَكِن اَثَرَّاس ن مِيدّن وَار ث ذفَّارن عمَّارْص، اَزَّايس اَروْڒن مِينْزِي نِثْنِي وَار سِّينن شَا صُّوْت ن وثَرَّاس ن مِيدّن."

يوحنا 11:52

وَار يدْجِي بُو خ لْأُمَّا ن أَيث-إِسْرَائِيل وَاهَا، ؤُڒَا ذ ثَارْوَا ن أَربِّـي يتمْزدْجَاعن ذِي ثْمُوْرَا، أَثن يسْمُوْن أَربِّـي ذ يجّن.

يوحنا 17:20

وَار تتَّارغ شَا عْلَاحْسَاب إِ نِثْنِي وَاهَا، تتَّارغ عْلَاحْسَاب إِ يِنِّي إِي غَا يقبْڒن اَوَاڒ نْسن حمَا اَذ اَمْنن زَّايِي.

يوحنا 6:37

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

ڒخذايم 15:14

ئِعَاوذ-اَنغ سِمْعَان خ مَامّش ذݣ ومزْوَارُو يفْقذ أَربِّـي يِنِّي وَار يدْجِين شَا زِي أَيث-إِسْرَائِيل يخْضَر شَا زَّايْسن اَذ يڒِين ذ شَّعْب نّس.

ڒخذايم 18:10

نش اَقَايِي اَكِذش، شك وَار ش يتْضَرِّي حَدّ زݣ يِنِّي خَاك د غَا يهجْمن مِينْزِي نش غَارِي اَطَّاس ن شَّعْب ينُو ذِي ثنْدِينْت-أَ."

ڒخذايم 22:14

ينَّا-ٱيِي: أَربِّـي ن ڒجْذُوْذ نّغ يخْضَر-يشك نتَّا بَاش اَذ تسّْنذ مِين يخس، أَذ تْوَاڒِيذ س ثِيطَّاوِين نّش اَخدَّام نّس صَّالِح اَذ تْصنّْطذ إِ يِجّن ن وَاوَاڒ زݣ وقمُّوْم نّس.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

2 أيث-سلونيك 2:13

فَا آي أَيثْمَا إِي خف يعِيزّ سِيذِيثْنغ، لَابُد أَ نْشكَّر أَربِّـي خَاوم مِينْزِي يخْضَر-يكنِّيو ذ يمزْوُوْرَا نِّي يعْنِي ذ يِنِّي إِي تْوَاسْنجْمن س ڒْخذْمث نِّي يسِّيصْفَان ن أَرُّوْح يقدّْسن ذ يِجّن تِّقث نْوم ذِي لْحَقِيقَا.

يعيبرانيين 13:20

أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.

1 بطرس 2:10

تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.

1 بطرس 2:25

تُوْغَا كنِّيو اَم يحُوْڒِيْين يتْودَّرن، ڒخُّو ثْذوْڒم-د غَار ونِّي إِي كنِّيو يرَاسّن يتْكلَّافن زِي ڒَعْمَار نْوم.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

لواحي ن يوحنا 3:20

قَا نش بدّغ زَّاث إِ ثوَّارْث سْقرْقُوْبغ. مڒَا يسْڒَا شَان يجّن إِ ثْمِيجَّا ينُو قَا اَذ يرْزم ثَوَّارْث، أَتَاف اَغَارس اَذْفغ اَكِذس شّغ اَكِذِي يشّ.