يوحنا 10:1 - ثريفيث 2020

¹ "أَقَا تسْڒَام ڒْحَقّ: ونِّي وَار يتِيذْفن شَا زِي ثوَّارْث ن ڒْكُوْرِي ن يحُوْڒِيْين يتْݣَعَّاذ مَانِيس نّغْنِي، نتَّا يتْوَاحْسَاب ذ اَشفَّار ذ اَخوَّان.

يوحنا 10:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

يوحنا 10:7

ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي.

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

أيث-روما 10:15

أُو مَامّش غَا ݣّن اَذ حدّْثن مڒَا وَار ذَاسن د يسّكّ حَدّ؟ أَقَا يقَّار لْكِتَاب: <مشْحَاڒ صبْحَان يضَارن ن يِنِّي يتْبشَّارن س لْإِنْجِيل.>

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

يعيبرانيين 5:4

عَاوذ وَار ذِنِّي حَدّ إِي غَا يسمْغَارن يخف نّس اَذ يخْذم س شَّان-أَ يعْنِي ذ ڒفْقِي اَمقّْرَان؛ لَّا، ذ أَربِّـي إِي ذَاس يتِيشّن ڒْحَقّ نِّي مَامّش ذَاس ث يُوْشَا إِ ڒفْقِي نِّي ؤُمِي قَّارن هَارُوْن.

1 بطرس 1:10

خ وسنْجم-أَ وَانِيتَا سِّيوْڒن خَاس لْأَنْبِيَا، يعْنِي اَرْضَا نِّي إِي تُوْغَا ذَاوم د غَا يمظْهَارن. نِثْنِي رزُّوْن خَاس مْلِيح تْفتَّاشن خَاس اَطَّاس.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.