يوحنا 1:51 - ثريفيث 2020

⁵¹ أَقَا تسْڒَام ڒْحَقّ: أَذ تࢲرم اَجنَّا ينُوْرْزم، لْمَالَائِكَاث ن أَربِّـي تَاڒِينْت هوَّانْت-يد خ مِّيس ن بْنَاذم."

يوحنا 1:51 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:24

مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:16

وَامِي يتْوَاطهَّار عِيْسَى يفّغ-د ڒخْدّنِّي زݣ وَامَان نِّي. أَقَا ينُوْرْزم-اَس-د وجنَّا يࢲْرَا أَرُّوْح ن أَربِّـي يهوَّا-د يݣَّا اَم يِجّن ن ثذْبِيرْث ثْمَارْس-د خَاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:11

سّنِّي يبعّذ خَاس إِبْڒِيس. ؤُسِينْت-يد لْمَلَائِكَاث بْذَانْت تْسخَّارنْت خ عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:20

ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:6

نش خْسغ اَذ تسّْنم بلِّي مِّيس ن بْنَاذم غَارس سُّلْطَا خ ثْمُوْرْث حمَا اَذ يغْفَر ڒْمُعْصِيَاث." أُوْشَا ينَّا-ٱس إِ ونشْرُوْف نِّي: "كَّر، يْسِي ثَاسُّوْث نّش، رُوْح اَذ تْروّْحذ غَار ثدَّارْث نّش."

مرقس 1:10

وَامِي د يُوْڒِي زݣ وَامَان، ڒخْدّنِّي يࢲْرَا اَجنَّا ينُوْرْزم، ذ أَرُّوْح ن أَربِّـي يهوَّا-د خَاس يݣَّا اَم يِجّن ن ثذْبِيرْث.

مرقس 14:62

ينَّا-ٱس عِيْسَى: "وَاه، ذ نّش. كنِّيو اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو وجنَّا."

لوقا 2:13

عْلَاغَفْلَا مظْهَارن-د اَك لْمَلَائِكَا نِّي اَطَّاس ن يمزْذَاغ ن وجنَّا حمّْذن أَربِّـي قَّارن:

لوقا 2:9

ثُوْسَا-د يجّن ن لْمَلَائِكَا ن سِيذ أَربِّـي ثبدّ-د غَارْسن، ئِتْشعْشِيع نُّوْر ن لْعَظَمَا ن سِيذ أَربِّـي ينّض-د خَاسن ݣّْوْذن اَطَّاس.

لوقا 22:43

ڒخْدّنِّي ثْبدّ-د غَارس يجّن ن لْمَلَائِكَا زݣ وجنَّا حمَا اَذَاس ثُوْش جّْهذ.

لوقا 22:69

وَلَكِن زِي سَّا اَڒ ثْسَاونْت اَذ يقِّيم مِّيس ن بْنَاذم خ وفُوْسِي ن لْقَوِي."

لوقا 24:4

نِثنْتِي وَامِي قِّيمنْت ذهّْشنْت ذِي مَانَاينِّي، بدّن-د غَارْسنْت ثْنَاين ن يثَرَّاسن ݣِّين اَرُّوْض يتْشعْشِع.

لوقا 3:21

وَامِي مَارَّا شَّعْب يتْتْوَاطهَّار س وَامَان، يُوْسَا-د ؤُڒَا ذ عِيْسَى يتْوَاطهَّار س وَامَان. نتَّا وَامِي يتْࢲَادْجَا، ثْنُوْرْزم ثوَّارْث ذݣ وجنَّا

يوحنا 1:50

ينَّا-ٱس عِيْسَى: "مَا ثُوْمْنذ وَامِي ش نِّيغ ࢲْرِيغ-ش سْوَادَّاي إِ ثْشجَّارْث ن ثَازَارث؟" ينَّا-ٱس: "عَاذ اَذ تࢲرذ كْتَار زِي مَانَايَا.

يوحنا 10:1

"أَقَا تسْڒَام ڒْحَقّ: ونِّي وَار يتِيذْفن شَا زِي ثوَّارْث ن ڒْكُوْرِي ن يحُوْڒِيْين يتْݣَعَّاذ مَانِيس نّغْنِي، نتَّا يتْوَاحْسَاب ذ اَشفَّار ذ اَخوَّان.

يوحنا 10:7

ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي.

يوحنا 13:16

أَقَا تسْڒَام ڒْحَقّ: أَخدَّام وَار يدْجِي شَا ذ اَمقّْرَان زݣ ؤُوقَّاف نّس. أَمْسخَّار وَار يدْجِي شَا ذ اَمقّْرَان زݣ ونِّي إِي ثِيذ يسّكّن.

يوحنا 13:38

ينْدق-د عِيْسَى ينَّا-ٱس: "مَا ذ صَّح اَخَافِي ثْصدّْقذ ثُوْذَارْث نّش؟ أَقَا تسْڒِيذ ڒْحَقّ: أَذَايِي ثنْكَرذ ثْڒَاثَا ن ثْوَاڒَاثِين قْبڒ مَا ٱذ يدّن ويَازِيض."

يوحنا 14:12

أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

يوحنا 16:20

أَقَا تسْڒَام ڒْحَقّ: كنِّيو اَذ تْرُوْم اَذ تْحزْنم، وَلَكِن دُّنشْت-أَ اَذ تْفَرح. كنِّيو اَذَايْوم يِيڒِي ڒحْڒِيق، وَلَكِن ڒحْڒِيق نْوم اَذ يذْوڒ ذ ڒفْرَاحث.

يوحنا 16:23

نْهَار نِّي إِي د غَا يَاسن كنِّيو وَار ذَايِي تْسقْسِيم خ وَالُو. أَقَا تسْڒَام ڒْحَقّ: بَابَا اَذَاوم يُوْش مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 21:18

أَقَا تسْڒِيذ ڒْحَقّ: ذِي ثمْࢲِي نّش تْحزَّامذ يخف نّش تْرَاحذ مَانِي مَا ثخْسذ. وَلَكِن خْمِي غَا ثوْسَارذ، أَذ تْضڒْقذ يفَاسّن نّش اَتَاف حَدّ نّغْنِي اَش يحزّم اَش يَاوِي مَانِي وَار تخْسذ شَا."

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 5:19

ينَّا-ٱسن عِيْسَى: "أَقَا تسْڒَام ڒْحَقّ: مِّيس وَار يزمَّر اَذ يݣّ شَان ثْمسْڒَايْث س يِيخف نّس، غِير مِين يࢲرّ زِي بَابَاس اَقَا يتݣّ-يث. مِين مَا يتݣّ بَابَاس اَقَا يتݣّ-يث ؤُڒَا ذ مِّيس.

يوحنا 5:27

يُوْشَا-ٱس عَاوذ جّْهذ حمَا اَذ يحَاسب مِينْزِي نتَّا ذ مِّيس ن بْنَاذم.

يوحنا 6:26

ينْدق-د عِيْسَى ينَّا-ٱسن: "أَقَا تسْڒَام ڒْحَقّ: كنِّيو ثْرزُّوْم خَافِي وَار يدْجِي بُو وَامِي ثࢲْرِيم لْمُعْجِيزَاث، كنِّيو ثْرزُّوْم خَافِي وَامِي ثشِّيم ثْجِّيوْنم اَغْرُوْم.

يوحنا 6:32

ينَّا-ٱسن عِيْسَى: "أَقَا تسْڒَام ڒْحَقّ: وَار يدْجِي بُو ذ مُوْسَى إِي ذَاوم يُوْشِين اَغْرُوْم زݣ وجنَّا؛ لَّا، ذ بَابَا إِي ذَاوم يتِيشّن اَغْرُوْم ن صَّح زݣ وجنَّا.

يوحنا 6:47

أَقَا تسْڒَام ڒْحَقّ: ونِّي إِي غَا يَامْنن اَغَارس ثِيڒِي ثُوْذَارْث ن ڒبْدَا.

يوحنا 6:53

ينَّا-ٱسن عِيْسَى: "أَقَا تسْڒَام ڒْحَقّ: مڒَا وَار ثشِّيم شَا دَّات ن مِّيس ن بْنَاذم وَار ثْسسّم شَا يذَامّن نّس، أَذ تِيڒِي وَار غَارْوم بُو ثُوْذَارْث ذݣ يِيخف نْوم."

يوحنا 8:34

ينَّا-ٱسن عِيْسَى: "أَقَا تسْڒَام ڒْحَقّ: مَارَّا ونِّي يتݣّن ڒْمُعْصِيّث نتَّا ذ يسْمغ، بَاب نّس ذ ڒْمُعْصِيّث.

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

يوحنا 8:58

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."

ڒخذايم 10:11

ئِࢲْرَا اَجنَّا ينُوْرْزم سْهوَّان-د زَّايس غَار ثْمُوْرْث يجّن ن ڒْحَاجث ثݣَّا اَم ثْشُوْقّت ذ ثَمقّْرَانْت تْوَاشدّ زِي ثْغمُّوْرَا نّس س اَربْعَا.

ڒخذايم 7:56

ينَّا: "أَقَا تْوَاڒِيغ اَجنَّا ينُوْرْزم ذ مِّيس ن بْنَاذم يبدّ خ وفُوْسِي ن أَربِّـي."

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

2 أيث-سلونيك 1:9

أَذ تْوَاعَاقْبن س يِجّن ن لْخَرَاب وَار يفنِّين شَا، أَذ تْوَاحَرّْمن زݣ وغمْبُوْب ن سِيذِيثْنغ ذ لْعَظَمَا ن جّْهذ نّس.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

لواحي ن يوحنا 19:11

ࢲْرِيغ اَجنَّا ينُوْرْزم ذِنِّي يجّن ن ؤُيِيْس ذ اَشمْڒَاڒ، ونِّي خَاس ينْيِيْن قَّارن-اَس ڒَامَان ذ ڒْحَقّ. ئِتْحَاسَاب يتْحَرَاب س ڒْحَقّ.

لواحي ن يوحنا 4:1

منْبَعْد إِ مَانَايَا ࢲْرِيغ يجّن ن ثوَّارْث ثْنُوْرْزم ذݣ وجنَّا، سْڒِيغ إِ ثْمِيجَّا نِّي إِي غَارِي د يسِّيوْڒن زِي قْبڒ صُّوْت نّس يݣَّا اَم زَّمَّار، ثنَّا-ٱيِي-د: "ݣَعّذ-د ذَانِيتَا اَذَاش د سْمظْهَارغ مِين لَابُد غَا يوقْعن منْبَعْد إِ مَانَايَا."