يوحنا 1:38 - ثريفيث 2020

³⁸ ئِنقْڒب عِيْسَى غَار ذفَّار يُوْفِي-ثن ذفَّارن-ث-يذ ينَّا-ٱسن: "مِين تْرزُّوم؟" نَّان-اَس: "آ رَاڤِي، مَانِي تِيڒِيذ؟" (أَوَاڒ-أَ رَاڤِي يخس اَذ يِينِي لْمُعَلِّم.)

يوحنا 1:38 ပူးပေါင်းရင်းမြစ်များ

لوقا 10:39

أَكِذس يجّن ن وتْشْمَاس نتَّاث قَّارن-اَس مَرْيَم ثْرُوْح ثقِّيم غَار يضَارن ن سِيذِيثْنغ ثبْذَا تْصنَّاط إِ وَاوَاڒ نّس.

لوقا 14:25

ذِنِّي اَطَّاس ن ڒْغَاشِي ݣُّوْرن اَك عِيْسَى، ئِنقْڒب-د غَارْسن ينَّا-ٱسن:

لوقا 15:20

ئِكَّر يرُوْح غَار بَابَاس. نتَّا اَقَاث عَاذ يݣّْوج اَطَّاس خ ثدَّارْث وَامِي ث يࢲْرَا بَابَاس يقّس-اَس. ئِرُوْح غَارس يتَازّڒ يذرّع-اَس يسدْجم خَاس.

لوقا 19:5

وَامِي يُوْوض عِيْسَى غَار ومْشَان نِّي، يرْفع ثِيطَّاوِين نّس يࢲْرِي-ث ينَّا-ٱس: "هْوَا-د ذغْيَا سّنِّي آ زَكِي، ئِتْخصَّا-ٱيِي نْهَارَا اَذ رَاحغ غَار ثدَّارْث نّش."

لوقا 22:61

ئِنقْڒب-د سِيذِيثْنغ يخْزَر غَار بُطْرُس، بُطْرُس يفكَّر-د اَوَاڒ نِّي إِي ذَاس ينَّا سِيذِيثْنغ: قْبڒ مَا ٱذ يدّن ويَازِيض اَتَاف اَذَايِي ثنْكَرذ ثْڒَاثَا ن ثْوَاڒَاثِين.

لوقا 8:38

أَرْيَاز نِّي إِي زِي فّْغن جْنُوْن يتَّار زِي عِيْسَى حمَا اَكِذس يرَاح. وَلَكِن عِيْسَى يُوْݣِي يسّكّ-يث ينَّا-ٱس:

يوحنا 1:37

كَّرن ثْنَاين نِّي ن يمحْضَارن وَامِي ذَاس سْڒِين يسَّاوَاڒ خ عِيْسَى، ذْفَارن-ث.

يوحنا 1:39

ينَّا-ٱسن: "أَرَاحمْ-د اَذ تخْزَرم." رُوْحن اَكِذس ࢲْرِين مَانِي يتِيڒِي. ثْسَعَّات عْڒَاين ذ اَرْبعَا ن وعشِّي، سّنِّي سنْسن اَكِذس نْهَار نِّي.

يوحنا 1:49

ينَّا-ٱس نَاثْنَاهِيل إِ عِيْسَى: "آ لْمُعَلِّم، قَا شك ذ مِّيس ن أَربِّـي، شك ذ اَزدْجِيذ ن أَيث-إِسْرَائِيل."

يوحنا 12:21

ئِيُوْنَانِيْين-أَ ؤُسِين-د غَار فِيلِيپَّـاس، فِيلِيپَّـاس نتَّا زݣ وبِيلَاج ن بَيْت صَيْدَا ذِي لْجَالِيل. تتَّارن-اَس نَّان-اَس، آ سِيذِي نخْس أَ نْࢲر عِيْسَى.

يوحنا 18:4

ئِسّن عِيْسَى مَارَّا مِين ذَاس غَا يوقْعن، ئِفّغ-د غَارْسن ينَّا-ٱسن: "مِينْخف ثْرزُّوْم؟"

يوحنا 18:7

ينَّا-ٱسن عَاوذ: "مِينْخف ثْرزُّوْم؟" نَّان-اَس: "خ عِيْسَى زِي نَاصِرَا."

يوحنا 3:2

يُوْسَا-د غَار عِيْسَى س دْجِيڒث ينَّا-ٱس: "آ لْمُعَلِّم، نشِّين نسّن بلِّي شك ذ اَمْسڒْمَاذ إِي د يُوْسِين زِي أَربِّـي. وَار يزمَّر ؤُڒَا ذ يجّن اَذ يݣّ شَان لْمُعْجِيزَاث زِي مِين تݣّذ شك إِلَّا مڒَا كِذس أَربِّـي."

يوحنا 3:26

ؤُسِين-د غَار يَحْيَى نَّان-اَس: "آ لْمُعَلِّم، ونِّي تُوْغَا اَكِذش يدْجَان اَجمَّاض إِ يِغْزَار ن لْأُرْدُن أُو شك ثْشهْذذ خَاس، نتَّا يتْطهَّار إِ يِوْذَان س وَامَان ݣُّوْرن غَارس مَارَّا."

يوحنا 4:31

ذِي ڒْوقْث نّي قَّارن-اَس يمحْضَارن آ لْمُعَلِّم، ٱشّ!

يوحنا 6:25

وَامِي ث ؤُفِين غَار وجمَّاض-ين إِ ڒبْحَر نَّان-اَس: "آ لْمُعَلِّم، مڒْمِي ذَا د تُوْسِيذ ذَانِيتَا؟"

ڒخذايم 10:21

ئِهْوَا-د بُطْرُس غَار يرْيَازن نِّي ينَّا-ٱسن، "أَقَا ذ نش إِي خف ثْرزُّوْم. مَايمِّي غَارِي د ثُوْسِيم؟"

ڒخذايم 10:29

وَامِي ذَايِي د ثْڒَاغِيم ؤُسِيغ-د بْڒَا مَا ٱذ ينِيغ لَّا. أَكنِّيو سّقْسِيغ، مَايمِّي غَارِي د ثسّكّم؟"