يوحنا 1:33 - ثريفيث 2020

³³ تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن.

يوحنا 1:33 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

لوقا 3:16

ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

يوحنا 1:31

تُوْغَا نش س يِيخف ينُو وَار ث سِّينغ شَا مِين يعْنَا، وَلَكِن ؤُسِيغ-د اَذ طهَّارغ إِ يوْذَان س وَامَان حمَا اَذَاسن د يبَان نتَّا إِ أَيث-إِسْرَائِيل."

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 3:34

ونِّي إِي د يسّكّ أَربِّـي يسَّاوَاڒ س وَاوَاڒ ن أَربِّـي مِينْزِي يتِيشّ-اَس أَرُّوح نّس بْڒَا ڒقْيَاس.

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 7:39

مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.

ڒخذايم 1:5

يعْنِي يَحْيَى يطهَّار إِ يِوْذَان س وَامَان، كنِّيو وَار ذَاوم يقِّيم شَا اَذ تْوَاطهَّارم س أَرُّوْح يقدّْسن."

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.