يوحنا 1:29 - ثريفيث 2020

²⁹ ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا.

يوحنا 1:29 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:21

أَقَا اَذ د تجّ يجّن ن وحنْجِير اَث ثْسمِّيذ عِيْسَى ڒَاحقَّاش نتَّا إِي غَا يسْنجْمن ڒْقُوْم نّس زِي ڒْمُعْصِيَاث نْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

يوحنا 1:35

ثِيوشَّا نّس عَاوذ يبدّ ذِنِّي يَحْيَى اَك ثْنَاين ن يمحْضَارن نّس.

يوحنا 1:36

وَامِي يُوْفَا عِيْسَى يعْذُو سّنِّي ينَّا-ٱسن: "خْزَرم، ذ وِين ذ يزْمَار إي د يسّكّ أَربِّـي."

يوحنا 1:43

ثِيوشَّا نّس عِيْسَى يخس اَذ يرَاح غَار ثْمُوْرْث ن لْجَالِيل. ئِرُوْح يُوْفَا يجّن قَّارن-اَس فِيلِيپَّـاس ينَّا-ٱس: "ذْفَار-اَيِي-د!"

يوحنا 2:1

ذِي نْهَار وِيس ثڒْتِيَّام ذِنِّي يجّن ن ڒْفَارْح ذݣ وبِيلَاج ن قَانَا ذِي ثْمُوْرْث ن لْجَالِيل. ذِنِّي يمَّاس ن عِيْسَى.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

يوحنا 4:42

نَّان-اَس إِ ثمْغَارْث نِّي نشِّين وَار نْتِيمن شَا ڒخُّو غِير عْلَاحْسَاب مِين ذَانغ ثنِّيذ شم، مِينْزِي يسِّيوڒ اَكِذْنغ س يِيخف نّغ أُو نشِّين نسّن بلِّي ذ صَّح ذ وَا إِݣ يسنْجَامن دُّنشْت.

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

ڒخذايم 8:32

أَقَا لْأَيَاث نِّي إِي يقَّار وحَبَاشِي ذِي لْكِتَاب: <نتَّا اَمشْنَاو اَحُوْڒِي إِي تَاوِين اَذَاس غَرْصن، أَمشْنَاو يزْمَار إِي يذْوڒ ذ اَزيْزُوْن زَّاث إِ ينِّي يتْڒَاسّن ثَاضُوْفْث نّس، أَمّن وَار يرزّم شَا نتَّا اَقمُّوْم نّس.

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-ݣلاطيا 1:4

لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

1 بطرس 1:19

لَّا، ئِسُّوْفغ-يكنِّيو-د س يذَامّن نِّي إِي يغْڒَان س وَاطَّاس ن لْمَسِيح يعْنِي يزْمَار نِّي يدْجَان بْڒَا ڒْعِيب بْڒَا ڒوْسخ.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 يوحنا 2:2

ذ نتَّا إِݣ يرُوْحن ذ لْفِدْيَا خ ڒْمُعْصِيَاث نّغ أُو مَاشِي غِير خ ڒْمُعْصِيَاث نّغ وَاهَا، حتَّا ؤُڒَا ذ ڒْمُعْصِيَاث ن دُّنشْت-أَ اَمن-ثكْمَاڒ.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 14:1

وَامِي خْزَرغ، تْوَاڒِيغ يزْمَار يبدّ خ وذْرَار ن لْقُدْس اَكِذس مِيَّا أُو اَرْبعَا أُو اَرْبعِين اَڒَاف. يُوْرَا خ ثنْيَارْث نْسن يسم ن يِزْمَار ذ يِيسم ن بَابَاس.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 14:4

يِـيْنَا ذ يِنِّي وَار يࢲْرِين عمَّارْص ثِمْغَارِين قِّيمن ذ يعْزْرِيْين. يِـيْنَا ذ يِنِّي يذفَّارن يزْمَار مَانِي مَا يرُوْح. تْوَاسْنجْمن نِثْنِي زِي ڒْوسْط ن يِوْذَان حمَا اَذ تْوَاقدّْمن ذ يمزْوُوْرَا إِ أَربِّـي ذ يِزْمَار.

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

لواحي ن يوحنا 17:14

نِثْنِي اَذ حَارْبن يزْمَار وَلَكِن نتَّا اَثن يغْڒب؛ قَا نتَّا ذ مَوْلَانَا ن مَوْلَانَاث ذ أَزدْجِيذ ن يزدْجِيذن، يِنِّي إِي كِذس يدْجَان يڒَاغَا-يَاسن-د أَربِّـي يخْضَر-يثن، ذَايْسن يدْجَا ڒَامَان."

لواحي ن يوحنا 19:7

يَالَّاهم أَ نْفَرْحث، أَ نزْهُوْث، أَث نْسمْغَارث! ڒْفَارْح ن يِزْمَار اَقَّا يُوْوض-د، ثَسْڒِيث نّس قَا ثْسوْجذ يخف نّس.

لواحي ن يوحنا 19:9

ينَّا-ٱيِي لْمَلَاك ونِّي: "أَرِي مَانَايَا: سَّعْذ ن يِنِّي يتْوَاعَرْضن غَار ومنْسِي ن ڒْفَارْح ن يِزْمَار!" ينَّا-ٱيِي عَاوذ: "أَوَاڒن-أَ دْجَان ذ صَّح زِي أَربِّـي."

لواحي ن يوحنا 21:14

ڒْحِيض ن ثنْدِينْت يبدّ خ ثنْعَاش ن دْسَاسَاث، يُوْرَا خَاسن يسمَاون ن ثنْعَاش ن اَرُّسُل ن يِزْمَار.

لواحي ن يوحنا 21:27

وَار ذِنِّي تَاذف ؤُڒَا ذ يجّن ن ثْمسْڒَايْث ثْوسّخ نِغ ذ يكْرُوْشَارن نِغ ذ يِنِّي يقَّارن يخرِّيقن. أَذ اَذْفن ذِنِّي غِير يِنِّي غَار دْجَان يسمَاون نْسن زمّْمن ذِي لْكِتَاب ن ثُوْذَارْث ن يِزْمَار.

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.

لواحي ن يوحنا 6:1

ثُمَّا ࢲْرِيغ يزْمَار نِّي وَامِي يرْزم يجّن زِي سبْعَا ن يشمَّاعن نِّي، سْڒِيغ إِ يِجّن زِي اَرْبعَا نِّي ن لْمخْلُوْقَاث يقَّار س جّْهذ اَم وَاجَّاج: "أَرَاح-د!"

لواحي ن يوحنا 6:16

نِثْنِي قَّارن إِ يذُوْرَار ذ يِزْرَا: "وْضَام-د خَانغ، سْنُوْفَّرم-اَنغ زݣ وُوْذم ن ونِّي يقِّيمن خ لْعَرْش ذ لْعِقَاب إِي غَا يݣّ يِزْمَار.

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."