يوحنا 1:19 - ثريفيث 2020

¹⁹ ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟

يوحنا 1:19 ပူးပေါင်းရင်းမြစ်များ

يوحنا 1:7

نتَّا يُوْسَا-د ذ شَّاهذ حمَا اَذ يشْهذ إِ نُّوْر، حمَا س شْهَاذث نّس اَذ اَمْنن مَارَّا يوْذَان.

يوحنا 10:24

مُوْنن خَاس يسْرَائِيلِيْين نَّان-اَس: "أَڒ مڒْمِي ش غَا نْرَاجَا؟ مڒَا شك ذ لْمَسِيح، إِنِي-يَانغ-ث نِيشَان!"

يوحنا 10:31

ئِسْرَائِيلِيْين نِّي يْسِين-د عَاوذ يزْرَا اَث رجْمن.

يوحنا 11:19

أَطَّاس ن يسْرَائِيلِيْين ؤُسِين-د غَار مَرْثَا ذ مَرْيَم حمَا اَثنْت عزَّان خ ومَاثْسنْت.

يوحنا 2:18

كَّرن يسْرَائِيلِيْين نَّان-اَس: "مَان لْعَلَامَا ثَمقّْرَانْت إِي غَا ثݣّذ بَاش اَغَارش يِيڒِي ڒْحَقّ اَذ تݣّذ مَانَايَا؟"

يوحنا 2:20

نَّان-اَس يسْرَائِيلِيْين: "شك، أَتِيد ثْسِيڒِيذ ذِي ثڒْتِيَّام؟ ثَمْزِيذَا-يَا ثَمقّْرَانْت ثبْنَا ذِي ستَّا و اَرْبعِين يسݣّْوُسَا!"

يوحنا 5:10

كَّرن يسْرَائِيلِيْين نَّان-اَس إِ ونِّي يݣنْفَان: "نْهَارَا ذ نْهَار ن سّبْث ن لْعِبَادَا، وَار غَارك بُو ڒْحَقّ اَذ تيْسِيذ ثَاسُّوْث نّش."

يوحنا 5:15

ئِرُوْح ورْيَاز نِّي ينَّا-ٱسن إِ يسْرَائِيلِيْين قَا ذ عِيْسَى إِي ذَايِي يسْݣنْفَان.

يوحنا 5:16

س مَانَاينِّي رزُّوْن يسْرَائِيلِيْين اَذ عدّْبن عِيْسَى مِينْزِي يتݣّ مَانَايَا ذِي نْهَار ن سّبْث ن لْعِبَادَا.

يوحنا 5:18

س مَانَايَا يسْرَائِيلِيْين رزُّون كْتَار اَث نْغن. وَار يدْجِي بُو خ سَّبَاب ن نْهَار ن لْعِبَادَا أُو صَافِي، وَلَكِن عَاوذ خْمِي ذَاسن يقَّار بلِّي أَربِّـي ذ بَابَاس يتمْسَاوَا يخف نّس اَك أَربِّـي.

يوحنا 6:41

بْذَان يسْرَائِيلِيْين نِّي تْشثْشَان زَّايس وَامِي ذَاسن ينَّا قَا نش ذ اَغْرُوْم إِي د يهْوَان زݣ وجنَّا.

يوحنا 6:52

ئِسْرَائِيلِيْين نِّي منْغن جَارَاسن نَّان: "مَامّش غَا يݣّ وَانِيتَا اَذَانغ يُوْش دَّات نّس اَت نشّ؟"

يوحنا 7:1

منْبَعْد إِ مَانَايَا عِيْسَى يݣُّوْر زݣ ومْشَان غَار ومْشَان ذِي ثْمُوْرْث ن لْجَالِيل. ئِتْبعَّاذ زِي ثْمُوْرْث ن يَهُوْذِيَا مِينْزِي يسْرَائِيلِيْين نِّي رزُّوْن خَاس اَث نْغن.

يوحنا 7:11

رزُّوْن خَاس يسْرَائِيلِيْين ذِي ڒْعِيذ نَّان مَانِيس يكَّا ورْيَاز نِّي؟

يوحنا 7:15

ئِسْرَائِيلِيْين ذهّْشن نَّان: "مَامّش يݣَّا نتَّا يسّن مِين ذَايْسن ذِي لْكُتُب أُو نتَّا وَار يغْرِي شَا؟"

يوحنا 8:22

نَّان يسْرَائِيلِيْين نِّي: "نتَّا ينَّا قَا مَانِي غَا رَاحغ نش، وَار ثْزمَّرم شَا اَذ د تَاسم ذِنِّي. مَا ٱذ ينغ يخف نّس نِغ؟"

يوحنا 8:48

نَّان-اَس يسْرَائِيلِيْين نِّي: "غَارْنغ ڒْحَقّ نِغ لَّا مڒَا ننَّا شك زِي سَمَارْيَا، ذَايك جْنُوْن؟"

يوحنا 8:52

نَّان-اَس يسْرَائِيلِيْين: "رخُّو نسّن بلِّي شك ذَايك جْنُوْن. سِيذْنَا بْرَاهِيم ذ لْأَنْبِيَا مَارَّا مُّوْثن. شك ثقَّارذ مڒَا شَان يِجّن اَذ يݣّ اَرَّاي إِ وَاوَاڒ ينُو عمَّارْص اَذ يقَّاس ڒْموْث.

يوحنا 8:57

نَّان-اَس يسْرَائِيلِيْين نِّي: "عَاذ وَار غَارك بُو خمْسِين يسݣّْوُوْسَا، مَامّش ثݣِّيذ ثࢲْرِيذ بْرَاهِيم نِّي؟"

ڒخذايم 13:25

وَامِي يَحْيَى عْڒَاين اَذ يكمّڒ ڒْخذْمث نّس ينَّا-ٱسن: مِين ذَايِي تَارِّيم كنِّيو؟ قَا نش وَار دْجِيغ شَا ذ ونِّي إِي تْرَاجَام! منْبَعْد إِ نش اَذ د يَاس يجّن وَار سْذِهدْجغ اَذَاس فسْيغ ؤُڒَا ذ يفِيڒَان ن ثْسِيڒَا يقّن ذݣ يضَارن نّس."

ڒخذايم 19:4

ينَّا-ٱسن بُوْلُس: "قَا يَحْيَى يتْطهَّار س وَامَان إِ يِنِّي يتُوْبن، ئِقَّار-اَسن اَمْنث زݣ ونِّي إِي د غَا يَاسن منْبَعْد إِ نش، يعْنِي عِيْسَى."

1 يوحنا 1:5

ذ وَا ذ اَوَاڒ إِي زَّايس نتْسْڒَا نتْبشَّار-يكنِّيو زَّايس يعْنِي أَربِّـي ذ نُّوْر وَار ذَايس بُو ثَادْجسْت.