يوحنا 1:17 - ثريفيث 2020

¹⁷ شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 1:17 ပူးပေါင်းရင်းမြစ်များ

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 18:37

ينَّا-ٱس بِيلَاطُوْس: "زَعْمَا، شك ذ اَزدْجِيذ؟" ينَّا-ٱس عِيْسَى: "ثنِّيذ شك نش ذ اَزدْجِيذ. نش خڒْقغ-د ؤُسِيغ-د غَار دُّنشْت-أَ حمَا اَذ شهْذغ إِ لْحَقِيقَا. مَارَّا ونِّي يدْجَان زِي لْحَقِيقَا اَذ يذْفَار اَوَاڒ ينُو."

يوحنا 5:45

وَار تْفكَّرم شَا أَزَّايوم شثْشِيغ غَار بَابَا؛ لَّا، ونِّي إِي زَّايْوم غَا يشثْشَان نتَّا ذ مُوْسَى ونِّي ذِي ثݣِّيم لْأَمَال نْوم.

يوحنا 7:19

ذ مُوْسَى إِي ذَاوم يُوْشِين شَّرِيعَا، نِغ؟ وَلَكِن ؤُڒَا ذ يجّن زَّايْوم مَا يتݣّ زِي شَّرِيعَا نِّي. إِيوَا، مَايمِّي ثخْسم اَذَايِي ثنْغم؟"

يوحنا 8:32

أَذ تسّْنم لْحَقِيقَا، أُو لْحَقِيقَا اَذَاوم د تضْڒق اَذ تِيڒِيم حُرّ."

يوحنا 9:29

نشِّين نسّن بلِّي أَربِّـي يسِّيوڒ اَك مُوْسَى، وَلَكِن ونِّي وَار نسِّين شَا مَانِيس إِي د يُوْسَا."

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

ڒخذايم 7:38

ذ نتَّا مُوْسَى إِي يݣُّوْرن اَك جْمَاعث ن أَيث-إِسْرَائِيل إِݣ يمُوْنن ذِي صَّحْرَا. ذ نتَّا مِيكذ ثسِّيوڒ لْمَلَائِكَا خ وذْرَار ن سِينَا ذ ڒجْذُوْذ نّغ. ذ نتَّا إي خف د هْوَان وَاوَاڒن يدَّرن حمَا اَذَانغ ثن يُوْش.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

22 أيث-كورينث 1:20

لِأَنَّا نتَّا ذَايس إِي يقَّار أَربِّـي <وَاه> إِ مَارَّا ثِمسْڒَايِين إِي يعَاهذ أَربِّـي. س مَانَايَا زِي عِيْسَى نقَّار <آمِين> إِ لْعَظَمَا ن أَربِّـي.

أيث-ݣلاطيا 3:17

فَا نش، مِين رزُّوْغ اَذ ينِيغ؟ يعْنِي شَّرِيعَا ن مُوْسَى ثُوْسَا-د اَرْبعْمِيَّا أُو ثْڒَاثِين سْنَا منْبَعْد إِ ڒْعَهذ-أَ اَك بْرَاهِيم. شَّرِيعَا نِّي وَار ثْزمَّر شَا اَذ تسْبطّڒ ڒْعَهذ-أَ اَك بْرَاهِيم إِݣ يݣَّا أَربِّـي. يعْنِي مِين يوْعذ أَربِّـي إِ بْرَاهِيم وَار ث تَارِّي شَا شَّرِيعَا نِّي ذ ڒْبَاطڒ.

يعيبرانيين 9:22

أُو ذ صَّح عْلَاحْسَاب شَّرِيعَا ن مُوْسَى عْڒَاين مَارَّا ثِمسْڒَايِين اَذ تْوَاسِّيصْفَانْت س يذَامّن. أُو بْڒَا مَا ٱذ اَزّْڒن يذَامّن اَتَاف ڒْمُعْصِيَاث وَار تْوَاغْفِيرنْت شَا.