يوحنا 1:15 - ثريفيث 2020

¹⁵ ئِشْهذ خَاس يَحْيَى، ئِتْبرَّاح ينَّا: "ذ وَا إِي خف تُوْغَا سِّيوْڒغ نِّيغ-اَوم اَذ د يَاس يجّن منْبَعْد إِ نش، وَلَكِن نتَّا يمْغَار خَافِي مِينْزِي تُوْغَاث قْبڒ مَا ٱذ يڒِيغ نش."

يوحنا 1:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

مرقس 1:7

ئِتْحدَّاث يقَّار: "منْبَعْد إِ نش اَذ د يَاس يجّن يجْهذ خَافِي، وَار سْذِيْهِيدْجغ نش اَذ اَذْرغ حمَا اَذَاس فسْيغ ؤُڒَا ذ يفِيْڒَان ن ثْسِيْڒَا نّس.

لوقا 3:16

ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

يوحنا 1:27

ذ نتَّا إِي د غَا يَاسن منْبَعْد إِ نش، وَار سْذِيهِيدْجغ اَذَاس فسْيغ ؤُڒَا ذ يفِيڒَان ن ثْسِيڒَا نّس."

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 8:58

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."

أيث-كولوس 1:17

ذ نتَّا إِݣ يدْجَان قْبڒ خ ثْمسْڒَايِين قَاع أُو خ دْسَاس نّس إِي تْمُوْننْت قَاع ثِمسْڒَايِين.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش: