يوحنا 1:1 - ثريفيث 2020

¹ ذݣ ومزْوَارُو يدْجَا وَاوَاڒ. أَوَاڒ نِّي يدْجَا اَك أَربِّـي. أَوَاڒ نِّي ذ نتَّا إِݣ يدْجَان ذ أَربِّـي.

يوحنا 1:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:23

<أَقَا ثَعْزْرِيث اَذ تيْسِي اَعدِّيس، أَذ تجّ يجّن ن وحنْجِير اَذَاس سمَّان إِمَّانْوِيل.> (ڒْمَعْنَا نّس: أَربِّـي اَقَاث اَكِذْنغ.)

لوقا 24:53

سّنِّي قِّيمن ذِي ثمْزِيذَا ثَمقّْرَانْت حمّْذن أَريِّي.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 1:2

ذݣ ومزْوَارُو يدْجَا اَك أَربِّـي.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 20:28

ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"

يوحنا 8:58

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."

أيث-روما 9:5

ؤُسِين-د زِي سَّلَف صَّالِحِين، أُو زݣ وࢲْور نْسن إِي د يُوْسَا لْمَسِيح ذ دَّات ذ بْنَاذم. أَربِّـي يتْوَاحْمذ إِ ڒبْدَا، ونِّي يحكّْمن خ مَارَّا. آمِين.

أيث-ؤفسوس 3:9

عَاوذ بَاش اَذ سظْهَارغ مْلِيح إِ مَارَّا يوْذَان مِين يخطّط أَربِّـي ذِي ڒْمَعْنَا نِّي ينُوْفَّرن إِݣ يجَّا نتَّا ذݣ يِخف نّس ذِي زْمَانَاث يعْذُوْن أُو ذ نتَّا ذ لْخَالِق ن مَارَّا مِين يدْجَان ذ ثِمسْڒَايِين.

أيث-فيليـپـي 2:6

نتَّا اَقَاث ذ صِّفث ن أَربِّـي، وَلَكِن وَامِي يمْقُدَّا اَك أَربِّـي وَار ينْوِي شَا اَذ يطّف ذِي مَانَاينِّي.

أيث-كولوس 1:15

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

أيث-كولوس 1:17

ذ نتَّا إِݣ يدْجَان قْبڒ خ ثْمسْڒَايِين قَاع أُو خ دْسَاس نّس إِي تْمُوْننْت قَاع ثِمسْڒَايِين.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.

يعيبرانيين 7:3

وَار غَارس نْتِيف لَّا بَابَاس لَّا يمَّاس لَّا ڒجْذُوْذ نّس. وَار غَارس نْتِيف اَمزْوَارُو ن ڒِيَّام نّس ؤُڒَا ذ اَنݣَّارُو ن ثُوْذَارْث نّس. نتَّا يتْشَابَّاه ذِي مِّيس ن أَربِّـي، ئِدَّر اَم ڒفْقِي اَمقّْرَان إِ ڒبْدَا.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

1 يوحنا 5:7

أَقَا ذِنِّي ثْڒَاثَا إِݣ يشهّْذن، ثْڒَاثَا-يَا ذ أَرُّوْح ذ وَامَان ذ يذَامّن. ثْڒَاثَا-يَا ذ يجّن.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:17

وَامِي ث ࢲْرِيغ ؤُضِيغ-اَس غَار يضَارن نّس اَخْمِي مُّوْثغ. ئِسرْس-د خَافِي فُوْس نّس اَفُوْسِي ينَّا-ٱيِي: "وَار تݣّْوذ شَا!" ينَّا-ٱيِي: "قَا نش ذ اَمزْوَارُو ذ اَنكَّارُو.

لواحي ن يوحنا 1:2

أُو نتَّا ذ شَّاهد خ مَارَّا مِين يࢲْرَا، يعْنِي خ وَاوَاڒ ن أَربِّـي ذ مِين خف يشْهذ عِيْسَى لْمَسِيح.

لواحي ن يوحنا 1:8

ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 19:13

ئِݣَّا خَاس يجّن ن تْشَامِّير يغضْسن ذݣ يذَامّن، س يِيْسم تْڒَاغَان-اَس أَوَاڒ ن أَربِّـي.

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش:

لواحي ن يوحنا 21:6

ينَّا-ٱيِي: "صَافِي، ئِتْوَاكمّڒ. نش ذ لْأَلِف نش ذ لْيَاء. نش كُڒْشِي زَّايِي إِݣ يبْذَا، نش كُڒْشِي زَّايِي إِي غَا يكمّڒ. أَذ ؤُشغ إِ ونِّي يفُوْذن زِي ڒْعُنْصَر ن وَامَان ن ثُوْذَارْث بَاطڒ.

لواحي ن يوحنا 22:13

نش ذ لْأَلِف نش ذ لْيَاء، نش ذ اَمزْوَارُو ذ اَنݣَّارُو. نش كُڒْشِي زَّايِي إِݣ يبْذَا، كُڒْشِي زَّايِي إِي غَا يكمّڒ.

لواحي ن يوحنا 3:14

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن لَاوْدُكْيَا، إِنِي-يَاس قَا ونِّي ؤُمِي قَّارن آمِين، نتَّا ذ شَّاهذ ذَايس ڒَامَان ذَايس ڒْحَقّ، زَّايس إِي د يخْڒق أَربِّـي مَارَّا، ئِقَّار-اَش: