ثبرات غار يعقوب 5:7 - ثريفيث 2020

⁷ آي أَيثْمَا، صْبَارث اَڒ د غَا يَاس سِيذِيثْنغ. خْزَرث غَار وفدْجَاح مَامّش يتْرَاجَا ثَفدْجَاحْث ن ثْمُوْرْث نّس، ئِتْرَاجَا-ت س يِجّن ن صّْبَار اَڒ غَا يُوْوث ونْࢲَار اَمزْوَارُو ذ ونِّي اَنݣَّارُو.

ثبرات غار يعقوب 5:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:28

أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن مِّيس ن بْنَاذم يُوْسَا-د ذِي ڒْمُلْك نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 24:27

أَقَا خْمِي د غَا يَاس مِّيس ن بْنَاذم اَتَاف اَذ يِيڒِي اَمشْنَاو اَسَّام إِي د يتفّْغن زِي شَّرْق يتْشعَّاڒ غَار لْغَرْب.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:44

خ مَانَايَا، سْوجْذم يخف نْوم مِينْزِي مِّيس ن بْنَاذم اَذ د يَاس ذݣ يِجّن ن ثْسَعَّات وَار ث تْرِيجِيم شَا.

لوقا 18:8

أَذَاوم ينِيغ: أَذَاسن يُوْش ڒْحَقّ ذغْيَا. إِنَّمَا، مِّيس ن بْنَاذم نْهَار إِي ذِي د غَا يَاس، مَا ٱذ يَاف لإِيمَان ذِي ثْمُوْرْث؟"

لوقا 21:27

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

يوحنا 21:22

ينَّا-ٱس عِيْسَى إِ بُطْرُس: "نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ. شك ذْفَار-اَيِي-د!"

يوحنا 21:23

سّنِّي يفّغ ڒخْبَار غَار وَاوْمَاثن قَّارن: <أَمحْضَار-أَ وَار يتْمتِّي شَا.> وَلَكِن ذ صَّح عِيْسَى وَار يِينِّي شَا بلِّي اَمحْضَار-أَ وَار يتْمتِّي شَا. مِين ينَّا؟ ينَّا-ت اَمُّو: <نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ.>

أيث-روما 15:4

شُوْف، مَارَّا مِين يُوْرِين ذِي لْكُتُب ذِي زْمَان ؤُرِين-ث بَاش اَزَّايس نڒْمذ نشِّين. أَوَاڒ ن أَربِّـي يتْشجَّاع-اَنغ، ئِتَاوِي-يَانغ-د صّْبَر حمَا اَغَارْنغ يِيڒِي لْأَمَال.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

أيث-ݣلاطيا 5:5

قَا نشِّين لَّا، نتْرَاجَا أَربِّـي اَذَانغ يسمْصْڒَاح اَكِذس س لْإِيمَان، أُو لْأَمَال-أَ نّغ نتَّا س جّْهذ ن أَرُّوْح يقدّْسن.

أيث-ݣلاطيا 6:9

إِيوَا يتْخصَّا وَار نْتِيحڒ شَا ذِي ڒخْذَايم ن ڒْخِير. مَايمِّي؟ ڒَاحقَّاش اَڒ ڒْوقْث نِّي نِيشَان ن ومْجَار أَ نمْجَار يعْنِي مڒَا وَار نفْشِيڒ شَا.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 أيث-سلونيك 2:19

لِأَنَّا ذ كنِّيو إِي يدْجَان ذ لْأَمَال نّغ ذ ڒفْرَاحث نّغ ذ تَّاج نّغ ن شَّان زَّاث إِ سِيذِيثْنغ عِيْسَى خْمِي د غَا يَاس.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

يعيبرانيين 6:15

إِيوَا اَمُّو وَامِي يرَاجَا بْرَاهِيم س يِجّن ن صّْبَر يُوْوض-اَس-د مِين زِي ث يوْعذ أَربِّـي.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

ثبرات غار يعقوب 5:10

آي أَيثْمَا، ذْفَارث اَبْرِيذ ن لْأَنْبِيَا يِنِّي إِݣ يسِّيوْڒن س يِيسم ن سِيذِي أَربِّـي نِثْنِي تْوَاعدّْبن صبَّارن.

ثبرات غار يعقوب 5:3

دّْهب نْوم ذ نُّقَارْث نْوم اَرْشَانْت، ثَرْشِيث نِّي اَذ تشْهذ ضد نْوم اَذ تشّ اَيْسُوْم نْوم اَم ثْمسِّي. كنِّيو ثْخزّْنم اَݣْڒَا س وَاطَّاس إِ يِيخف نْوم ذِي ڒْعَهذ-أَ اَنݣَّارُو.

2 بطرس 3:4

أَذَاوم قَّارن قَا نتَّا يوْعذ اَذ د يذْوڒ، هِيوَا مَانِي يدْجَا؟ قَا زݣ وَامِي طّْصن ڒجْذُوْذ نّغ صَّالِحِين ذِي ڒْموْث قَاع ثِمسْڒَايِين-أَ ݣُّوْرنْت مَامش تُوْغَا ݣُّوْرنْت وَامِي د ثخْڒق دُّنشْت.