ثبرات غار يعقوب 5:16 - ثريفيث 2020

¹⁶ عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس.

ثبرات غار يعقوب 5:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:22

ينَّا-ٱسن: مڒَا ثُوْمْنم، أَغَارْوم يِيڒِي مَارَّا مِين غَا ثتَّارم إِ أَربِّـي ذِي ثْࢲَادْجِيث نْوم."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:6

تعْتَارَافن س ڒْمُعْصِيَاث نْسن، يَحْيَى يتْطهَّار-يثن س وَامَان ذݣ يِغْزَار ن لأُرْدُن.

مرقس 1:5

تَاسن-د غَارس مَارَّا يمزْذَاغ ن ثْمُوْرْث ن يَهُوْذِيَا ذ مَارَّا يمزْذَاغ ن ثنْدِينْت ن لْقُدْس، تعْتَارَافن س ڒْمُعْصِيَاث نْسن، يَحْيَى يتْطهَّار-يثن س وَامَان ذݣ يِغْزَار ن لْأُرْدُن.

لوقا 9:6

صَافِي رُوْحن اَرُّسُل عْذُوْن ذِي ڒدْشُوْرَاث، تْبشَّارن سْݣنْفَان يوْذَان ذِي مْكُڒ اَمْشَان.

يوحنا 9:31

نشِّين نسّن أَربِّـي وَار يتسْڒِي شَا غَار يِنِّي يعصَّان؛ لَّا، ئِتسْڒَا غَار يِنِّي إِي ث يتْوقَّارن ذ يِنِّي يخدّْمن س مِين يخس.

ڒخذايم 19:18

ؤُسِين-د اَطَّاس زݣ يِنِّي إِي يُوْمْنن ڒخُّو، ڒخْذَايم نْسن إِي تُوْغَا ݣِّين ثِعفَّانِين عْتَارْفن زَّايْسنْت.

ڒخذايم 8:24

ينَّا-ٱس سِمْعَان: "تَّارث اَكِذِي غَار سِيذِي أَربِّـي حمَا وَار ذَايِي توْقِيع ؤُڒَا ذ يجّن ن ڒْحَاجث زِي مِين ثنِّيم."

أيث-روما 3:10

مَامّش يقَّار لْكِتَاب: <وَار يدْجِي حَدّ نِيشَان، ؤُڒَا ذ يجّن.

أيث-روما 5:19

لِأَنَّا مَامّش يِعْصَا آدَم أَربِّـي يُوْوِي-د ڒْمُعْصِيّث إِ وَاطَّاس ن يِوْذَان، أَمنِّي يطَاع عِيْسَى إِ أَربِّـي سّنِّي مصْڒَاحن اَطَّاس ن يِوْذَان اَك أَربِّـي.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

1 أيث-سلونيك 5:17

تتَّارم إِ أَربِّـي بْڒَا مَا ٱذ تْبدّم،

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

1 أيث-سلونيك 5:25

آي أَيثْمَا، تَّارم إِ أَربِّـي خَانغ.

يعيبرانيين 11:4

س لْإِيمَان يكَّر نَّبِي هَابِيل يقدّم يجّن ن دْبِيحث إِي زِي خَاس يَارْضَا أَربِّـي حْسن زِي ثنِّي ن وُوْمَاس قَابِيل. عْلَاحْسَاب لْإِيمَان-أَ يتْشكَّر-يث أَربِّـي يقْبڒ-يث نتَّا نِيشَان وَامِي خَاس يسِّيوڒ أَربِّـي مْلِيح خ مِين يقدّم. أُو نَّبِي هَابِيل س لْإِيمَان نّس نتَّا عَاذ يسَّاوَاڒ وَاخَّا يمُّوْث.

يعيبرانيين 11:7

س لْإِيمَان نَّبِي نُوْح وَامِي ذَاس يعْڒم أَربِّـي خ ثْمسْڒَايِين نِّي وَار ثنْت ࢲْرِين يِوْذَان عمَّارْص، ئِكَّر نتَّا س يِجّن ن ثِيݣّْوْذِي ذ يِجّن ن ڒحْيَا يݣَّا اَغَرَّابُو بَاش اَذ يسنْجم أَيثْبَاب ن ثدَّارْث نّس. وَامِي يݣَّا مَانَاينِّي نتَّا يعيّب دُّنشْت، ئِوَارث صُّلْح نِّي إِي د يتَاسن س لْإِيمَان.

يعيبرانيين 12:13

سݣّْذث يبْرِيذن نْوم نِيشَان بَاش يضَارن نْوم يزحَّافن وَار تْغِيمِين شَا ذ ينعْذَام اَذ ݣنْفَان.

يعيبرانيين 13:18

تَّارث إِ أَربِّـي خَانغ. أَقَا نشِّين متْأَكدِّين ضَّمِير نّغ مرْتَاح، نْرزُّو أَ نخْذم س ڒحْيَا مَارَّا ثِمسْڒَايِين.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 يوحنا 3:22

أَتَاف اَزَّايس نقْبڒ مَارَّا مِين ذَاس غَا نتَّار نشِّين ڒَاحقَّاش نتْطَاعَا ڒُوْصِيَاث نّس نْتݣّ مِينْخف يرطَّا نتَّا.