ثبرات غار يعقوب 5:13 - ثريفيث 2020

¹³ مڒَا ذِين شَان يجّن جَارَاوم يتْوَاعدَّاب، ئِتْخصَّا-يَاس اَذ يࢲَّادْج. مڒَا ذِين شَان يِجّن جَارَاوم يفَرّح، ئِتْخصَّا-يَاس اَذ يغنّج إِ أَربِّـي.

ثبرات غار يعقوب 5:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:30

غنّْجن يجّن ن يِزْڒِي ن ڒْعِيذ، سّنِّي فّْغن رُوْحن غَار وذْرَار ن زِّيتُوْن.

لوقا 22:44

ئِخيّق وُوْڒ نّس يَرْنِي يتْࢲَادْجَا كْتَر عَاذ، ثِيذِي نّس ثهْوَا-د زَّايس غَار ثْمُوْرْث ثݣَّا اَم ثْنقِّيضِين ن يذَامّن نِيشَان.

لوقا 23:42

ڒخْدّنِّي ينَّا-ٱس: "عْقڒ خَافِي آ عِيْسَى خْمِي د غَا ثَاسذ غَار ڒْمُلْك نّش."

1 أيث-كورينث 14:15

إِيوَا مِين غَا ݣّغ؟ أَذ ࢲَّادْجغ س اَرُّوْح ينُو، أَذ ࢲَّادْجغ عَاوذ س ڒَعْقڒ ينُو. أَذ غنّْجغ س اَرُّوْح ينُو، أَذ غنّْجغ عَاوذ س ڒَعْقڒ ينُو.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

أيث-ؤفسوس 5:19

سِيوْڒم اَݣ وَايَاوْيَا س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا. غنّْجم، ݣّم لْمُوْسِيقَا إِ سِيذِي أَربِّـي ذݣ وُوْڒَاون نْوم.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.

ثبرات غار يعقوب 5:10

آي أَيثْمَا، ذْفَارث اَبْرِيذ ن لْأَنْبِيَا يِنِّي إِݣ يسِّيوْڒن س يِيسم ن سِيذِي أَربِّـي نِثْنِي تْوَاعدّْبن صبَّارن.

لواحي ن يوحنا 14:3

تْغنَّاجن يجّن ن يِزْڒِي ذ جْذِيذ زَّاث إِ لْعَرْش ذ اَرْبعَا نِّي ن لْمخْلُوْقَاث ذ يمْغَارن. وَار يزمَّر ؤُڒَا ذ يجّن اَذ يڒْمذ يزْڒِي نِّي إِلَّا ذ مِيَّا أُو اَرْبعَا أُو اَرْبعِين اَڒَاف نِّي إِي يتْوَاسْنجْمن زي دُّنشْت-أَ.

لواحي ن يوحنا 7:10

سْنكَّرن ثْغُويِّيث س جّْهذ قَّارن: "أَربِّـي نّغ إِݣ يقِّيمن خ لْعَرْش نتَّا ذ يِزْمَار غَارْسن ثِزمَّار اَذَانغ سْنجْمن."