ثبرات غار يعقوب 5:11 - ثريفيث 2020

¹¹ أَقَا ثسّْنم يِنِّي يصْبَارن نْتحْسَاب-يثن غَارْسن سَّعْذ. كنِّيو ثسْڒِيم خ صّْبَار نِّي ن نَّبِي أَيُوْب، ثسّْنم مَامّش ث يبَرك سِيذِي أَربِّـي ذݣ ونݣَّارُو مِينْزِي سِيذِي أَربِّـي نتَّا ذ اَحْنِين ذ اَرَحِيم.

ثبرات غار يعقوب 5:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

لوقا 1:50

أَرَّحْمث نّس ثدْجَا زِي لْجِيل غَار لْجِيل إِ يِنِّي ث يتݣّْوْذن.

لوقا 11:10

مِينْزِي مَارَّا ونِّي غَا يتَّارن اَذَاس يمُّوْش. ونِّي غَا يرْزُوْن اَذ يَاف. ونِّي غَا يسْقرْقْبن اَذَاس ثْنُوْرْزم ثوَّارْث.

لوقا 6:36

رحْمث يوْذَان مَامْش يرحّم بَابَاثْوم.

أيث-روما 2:4

نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

أيث-ؤفسوس 1:6

أَذ يتْوَابَرَك اَرْضَا نّس يمْغَارن، ئِفَرغ-يث-يذ خَانغ أَربِّـي س مِّيس يعِيزّن.

أيث-ؤفسوس 2:4

وَلَكِن أَربِّـي س ڒمْحِبّث نّس إِي يݣَّا إِ نشِّين ذ اَرَّحْمث نّس ثَمقّْرَانْت اَطَّاس، مِين ذَانغ يݣَّا نتَّا؟

يعيبرانيين 10:39

وَلَكِن نشِّين مَاشِي زݣ يِنِّي يتْعقَابن غَار ذفَّار بَاش أَ نفْنَا؛ لَّا، نشِّين زݣ يِنِّي يتَامْنن أَ نْسنْجم ڒَعْمَار نّغ.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 1:2

آي أَيثْمَا، فَرْحم اَطَّاس خْمِي غَا ثِيڒِيم ذِي لْأَنْوَاع ن ڒمْحَاين.

1 بطرس 1:13

إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 بطرس 3:14

وَلَكِن وَاخَّا ثتْوَاعدّْبم مڒَا ثݣِّيم ڒْحَقّ، أَذ يِيڒِي ذ سَّعْذ نْوم. وَار تݣّْوْذم شَا زݣ يِوْذَان، وَار ثن تجَّام شَا اَكنِّيو سْذهْشن.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.