ثبرات غار يعقوب 4:4 - ثريفيث 2020

⁴ آ يِنِّي يخدّْعن، كنِّيو مَا وَار ثسِّينم شَا بلِّي ونِّي يتخْسن دُّنشْت-أَ ذ ونِّي ذ ڒْعَذُو ن أَربِّـي؟ وَاه، ونِّي يخْضَرن دُّنشْت-أَ قَا نتَّا نِيشَان ذ ڒْعَذُو ن أَربِّـي.

ثبرات غار يعقوب 4:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:39

ئِنْدق-د عِيْسَى ينَّا-ٱسن: "ئِوْذَان يعفَّانن ن ڒْوقْث-أَ يخدّْعن أَربِّـي رزُّوْن لْعَلَامَا. ينَّا-ٱسن: لَّا، وَار ذَاسن يتْمُوْشِّي إِلَّا لْعَلَامَا نِّي ن نَّبِي يُوْنس.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:4

ئِوْذَان يعفَّانن ن ڒْوقْث-أَ يخدّْعن أَربِّـي تتَّارن لْعَلَامَا ثَمقّْرَانْت، وَلَكِن وَار ذَاسن يتْمُوْشِي إِلَّا لْعَلَامَا نِّي ن نَّبِي يُوْنس." سّنِّي يرُوْح يجِّي-ثن.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:24

وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين.

لوقا 19:27

أَمَّا ڒْعَذْيَان ينُو يِنِّي تُوْغَا وَار يخْسن شَا اَخَاسن يڒِيغ ذ اَزدْجِيذ، أَوِيم-ثن-د ذَانِيتَا نْغم-ثن زَّاثِي."

يوحنا 15:19

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.

يوحنا 17:14

سِّيوْضغ-اَسَن اَوَاڒ نّش إِ يمحْضَارن ينُو، نِثْنِي عِيفّن-ثن يِوْذَان مِينْزِي وَار دْجِين شَا زِي دُّنشْت-أَ اَمشْنَاو نش وَار دْجِيغ شَا زِي دُّنشْت.

يوحنا 7:7

دُّنشْت وَار ثْزمَّر شَا اَكنِّيو ثْعِيفّ، نش تْعِيفَّا-ٱيِي دُّنشْت مِينْزِي شهّْذغ قَا ڒخْذَايم ن دُّنشْت-أَ ذ ثِعفَّانِين.

أيث-روما 5:10

نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس!

أيث-روما 8:7

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

1 أيث-كورينث 1:20

ونِّي يتفْهَامن زَعْمَا، ڒخُّو مَانِي يدْجَا؟ أَمْسڒْمَاذ ن شَّرِيعَا زَعْمَا، ڒخُّو مَانِي يدْجَا؟ لْفِيْلَسُوْف ن ڒْوقْث-أَ زَعْمَا، ڒخُّو مَانِي يدْجَا؟ يَاك أَربِّـي يسْبُوْهڒِي ڒفْهَامث ن يِوْذَان ن دُّنشْت-أَ ثَانِيتَا؟

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.