ثبرات غار يعقوب 4:17 - ثريفيث 2020

¹⁷ ونِّي يتْوَاڒَان شَان ن ڒْخِير اَث يݣّ، مڒَا وَار ث يݣِّي شَا يتْوَاحْسَاب-اَس ذ ڒْمُعْصِيّث.

ثبرات غار يعقوب 4:17 ပူးပေါင်းရင်းမြစ်များ

يوحنا 13:17

ڒخُّو ثسّْنم مَانَايَا، سَّعْذ نْوم مڒَا ثݣِّيم مِين ذَاوم نِّيغ.

يوحنا 15:22

مَعْلِيك وَار د ؤُسِيغ سِّيوْڒغ اَكِذْسن، أَتَاف وَار غَارسن بُو ڒْمُعْصِيّث. وَلَكِن ڒخُّو وَار غَارْسن بُو لْعُذر خ ڒْمُعْصِيّث نْسن.

يوحنا 9:41

ينَّا-ٱسن عِيْسَى: "مَعْلِيك ذ يضَرْغَاڒن إِي ثدْجَام، أَتَاف وَار ذَايْوم بُو ڒْمُعْصِيّث. وَلَكِن كنِّيو ڒخُّو ثقَّارم نشِّين نتْوَاڒَا. خ مَانَاينِّي عَاذ ذَايْوم ڒْمُعْصِيّث."

أيث-روما 1:32

وَاخَّا سّْنن أَربِّـي يحكّم خَاسن س ڒْموْث خ يِنِّي يتݣّن ثِمسْڒَايِين-أَ، نِثْنِي كَّرن تݣّن-ثنْت. كْتَار زِي مَانَايَا، رطَّان خ يِنِّي إِي ثنْت يتݣّن.

أيث-روما 7:13

إِيوَا، مَا يذْوڒ مِين يصبْحَان ذ سَّبَاب إِي زِي غَا مّْثغ نش؟ لَّا، عمَّارْص! لْعَكْس، ذ ڒْمُعْصِيّث إِي يݣِّين مَانَاينِّي، ثسْخدَّام مِين يصبْحَان حمَا اَذَايِي ثْنغ. مَايمِّي؟ حمَا اَذ تسْمظْهَار يخف نّس نتَّاث ذ ڒْمُعْصِيّث. ثُمَّا س لْفُرْصَا ن ڒُوْصِيّث-أَ ڒْمُعْصِيّث ثسْمظْهَار-د بْڒَا ڒَاحدّ مشْحَاڒ يقْبح شَّرّْ نّس.

2 بطرس 2:21

مَعْلِيك تُوْغَا عمَّارْص وَار سِّينن شَا ڒُوْصِيّث نِّي ن ڒْحَقّ إِڒِي حْسن زِي مڒَا سّْنن-ت، سّنِّي سمْحن ذِي ڒُوْصِيّث-أَ ثَمْقدّسْت إِي ذَاسن د يمُّوْشن زِي قْبڒ.