ثبرات غار يعقوب 4:12 - ثريفيث 2020

¹² ذِنِّي يجّن إِݣ يݣِّين شَّرِيعَا نتَّا عَاوذ ذ ڒْقَاضِي، نتَّا ذ أَربِّـي. نتَّا وَاحْذس إِݣ يزمَّرن اَذ يسنْجم يزمَّار اَذ يسفْنَا، وَلَكِن مِين ثعْنِيذ شك تْعيَّابذ اَجَّار نّش؟

ثبرات غار يعقوب 4:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:28

وَار تݣّوْذث شَا زݣ يِنِّي ينقّن دَّات وَار زمَّرن اَذ نْغن ؤُڒَا ذ ڒَعْمَر؛ لَّا، ݣّْوْذث زِي أَربِّـي يعْنِي ونِّي يزمَّرن اَذ يدمَّر دَّات ذ ڒَعْمَر ذِي جَهنَّمَا.

لوقا 12:5

لَّا، أَذَاوم ينِيغ وِي زِي غَا ثݣّْوْذم: ݣّْوْذث زِي ونِّي إِي غَا ينْغن دَّات نْوم منْبَعْد اَغَارس يِيڒِي جّْهذ بَاش اَذ يݣّ كْتَار، أَت ينْضَر ذِي جَهنَّمَا. وَاه، قَّارغ-اَوم: ونِّي ݣّْوْذم-ث.

أيث-روما 14:13

إِذن زِي سَّا اَڒ ثْسَاونْت يتْخصَّا-يَانغ أُو لَابُد وَار نتْعيِّيب شَا خ وَايَاوْيَا؛ لَّا، ئِتْخصَّا-كنِّيو اَذ تْفكَّرم مْلِيح حمَا وَار ثْغطّْڒم شَا يجّن وُوْمَاثْوم نِغ اَث تسْفشْڒم.

أيث-روما 14:4

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.

أيث-روما 2:1

إِذن آي اَرْيَاز، شك مڒَا تْعيَّابذ خ يِوْذَان، أَتَاف وَار غَارك بُو ڒْحَقّ مِين مَا ثعْنِيذ. لِأَنَّا خْمِي تْعيَّابذ خ شَان يِجّن، تْعيَّابذ خ يِيخف نّش، مَايمِّي؟ لِأَنَّا شك تݣّذ كِيف-كِيف مَامّش تݣّن نِثْنِي!

أيث-روما 9:20

شُوْف آ بْنَادم، مِين ثعْنِيذ شك بَاش ثْزمَّرذ اَذ تَارّذ اَوَاڒ خ أَربِّـي؟ مَا زمَّرن اَذ ينِين يغرَّافن إِ ونِّي إِي ثن يصنْعن، مَايمِّي ذَانغ ثݣِّيذ اَمُّو؟

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

ثبرات غار يعقوب 5:9

آي أَيثْمَا، وَار سَّاوَاڒث شَا ذݣ وَايَاوْيَا حمَا وَار تْوَاعِيقِيبم شَا؛ قَا ونِّي يتحْكَامن يبدّ-د غَار ثوَّارْث.