ثبرات غار يعقوب 4:11 - ثريفيث 2020

¹¹ آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

ثبرات غار يعقوب 4:11 ပူးပေါင်းရင်းမြစ်များ

لوقا 6:37

وَار تْعيَّابم حَدّ حمَا وَار كنِّيو يتْعيِّيب شَا أَربِّـي. وَار تْزَاوَاڒم حَدّ حمَا وَار كنِّيو يتْزَاوَاڒ شَا أَربِّـي. سمْحم إِ يِوْذَان، أَذَاوم يغْفَر أَربِّـي.

أيث-روما 2:1

إِذن آي اَرْيَاز، شك مڒَا تْعيَّابذ خ يِوْذَان، أَتَاف وَار غَارك بُو ڒْحَقّ مِين مَا ثعْنِيذ. لِأَنَّا خْمِي تْعيَّابذ خ شَان يِجّن، تْعيَّابذ خ يِيخف نّش، مَايمِّي؟ لِأَنَّا شك تݣّذ كِيف-كِيف مَامّش تݣّن نِثْنِي!

أيث-روما 2:13

لِأَنَّا يوْذَان وَار تْمصْڒِيحن شَا اَك أَربِّـي مڒَا تْصنَّاطن وَاهَا إِ وَاوَاڒ ن شَّرِيعَا؛ لَّا، يِنِّي يتݣّن اَرَّاي س مِين ذَايس ذِي شَّرِيعَا، أَتَاف ذ يِنِّي إِي يتْمصْڒَاحن اَك أَربِّـي.

أيث-روما 7:7

إِيوَا مِين غَا نِينِي؟ مَا شَّرِيعَا ن مُوْسَى نتَّاث س يِيخف نّس ذ يجّن ن ڒْمُعْصِيّث؟ لَّا، عمَّارْص! مَعْلِيك شَّرِيعَا وَار ثدْجِي، أَتَاف وَار سِّينغ مِين ثعْنَا ڒْمُعْصِيّث. مَعْلِيك وَار ذَايس ڒُوْصِيّث نِّي <وَار عشّق>، أَتَاف وَار سِّينغ مِين يعْنَا وعشَّاق.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

أيث-ؤفسوس 4:31

مَارَّا لْعُقْدَا ذ وغْضَاب ذ وعصّب ذ سْذَاع ذ ڒْبَاطڒ سْبعّْذم-ثن خَاوم مَارَّا، أُو كّْسث عَاوذ كُڒ نُّوْع ن ڒقْبَاحث.

1 تيموتاوس 3:11

أَمنِّي عَاوذ ثِمْغَارِين يتْخصَّا اَذ يڒِينْت مْوقّرِينْت وَار ذَايْسنْت تِيڒِي شَا نَّمِيمَا اَذ حكّْمنْت خ يِيخف نْسنْت اَذَايْسنْت ثِيڒِي تِّقث ذِي مَارَّا ثِمسْڒَايِين.

2 تيموتاوس 3:3

وَار ذَايْسن تِيڒِي ڒمْحِبّث، وَار سمّْحن شَا إِ يِوْذَان، أَذ قَّارن ڒْبَاطڒ، وَار حكّْمن شَا خ يِخف نْسن، أَذ منْغن اَم ڒُوْحُوْش، وَار تْحِبِّين شَا مِين يدْجَان ذ اَصبْحَان،

ثبرات غار تيتوس 2:3

ثِنِّي يمْغَارن عَاوذ اَذ عِيشّنْت عْلَاحْسَاب لْإِيمَان، وَار ذَايْسنْت تِيڒِي بُو نَّمِيمَا، وَار تبْلِيْيِينْت شَا اَطَّاس س بِينُو. أَذ سْڒمْذنْت مِين يدْجَان ذ اَصبْحَان.

ثبرات غار يعقوب 1:16

آي أَيثْمَا يمْعِيزّن ينُو، وَار خدّْعث شَا يخف نْوم.

ثبرات غار يعقوب 1:19

شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.

ثبرات غار يعقوب 1:25

وَلَكِن ونِّي يخزَّرن ذِي شَّرِيعَا يكمْڒن ثنِّي إِي ذِي ثدْجَا لْحُرِّيَا، ئِتطّف ذَايس وَار يتتُّو شَا مِين يتْسْڒَا يخدّم زَّايس، أَتَاف اَزَّايس يَاوِي لْبَرَكَا ذِي مِين يتݣّ.

ثبرات غار يعقوب 2:8

ڒُوْصِيّث ن وزدْجِيذ يزدْجِيذن إِي د يُوْسِين ذِي لْكِتَاب ثقَّار: "أَذ تخْسذ اَجَّار نّش اَمشْنَاو يخف نّش." كنِّيو اَذ تݣّم مْلِيح مڒَا ثْخدّْمم زَّايس.

ثبرات غار يعقوب 5:10

آي أَيثْمَا، ذْفَارث اَبْرِيذ ن لْأَنْبِيَا يِنِّي إِݣ يسِّيوْڒن س يِيسم ن سِيذِي أَربِّـي نِثْنِي تْوَاعدّْبن صبَّارن.

ثبرات غار يعقوب 5:7

آي أَيثْمَا، صْبَارث اَڒ د غَا يَاس سِيذِيثْنغ. خْزَرث غَار وفدْجَاح مَامّش يتْرَاجَا ثَفدْجَاحْث ن ثْمُوْرْث نّس، ئِتْرَاجَا-ت س يِجّن ن صّْبَار اَڒ غَا يُوْوث ونْࢲَار اَمزْوَارُو ذ ونِّي اَنݣَّارُو.

ثبرات غار يعقوب 5:9

آي أَيثْمَا، وَار سَّاوَاڒث شَا ذݣ وَايَاوْيَا حمَا وَار تْوَاعِيقِيبم شَا؛ قَا ونِّي يتحْكَامن يبدّ-د غَار ثوَّارْث.

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.