ثبرات غار يعقوب 3:6 - ثريفيث 2020

⁶ ئِڒس نتَّا ذ يجّن ن ثْمسِّي ذَايس شَّرّْ اَطَّاس يسْوسَّاخ مَارَّا مِين غَارْنغ ذِي دَّات نغ. ئِسْرُوْغَا ثِمسِّي ذِي مَارَّا ثُوْذَارْث نّغ، عَاوذ نتَّا س يِيخف نّس ثسْرُوْقّ-يث ثْمسِّي ن جَهنَّمَا.

ثبرات غار يعقوب 3:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:24

تسْڒَان ڒْحِزب ن يفَرِّيسِيْين إِ وَاوَاڒ نْسن نَّان-اَسن: "بْنَاذم-أَ يسُوْفُوْغ جْنُوْن مِينْزِي اَرَّايس ن جْنُوْن ؤُمِي قَّارن بْعَلْزَبُوْل يُوْش-اَس جّْهذ-أَ."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

مرقس 7:15

مَا ذِنِّي شَا ن ثْمسْڒَايْث يتَاذْفن ذِي بْنَاذم زِي بَارَّا تْحَرَّام-يث؟ لَّا، وَالُو. أَقَا مِين د يتفّْغن زِي بْنَاذم اَقَا ذ مَانَاينِّي إِي ث يتْحَرَّامن.

لوقا 16:24

ئِڒَاغَا-يَاس ينَّا-ٱس: آ بَابَا بْرَاهِيم رحْم-اَيِي، سكّ-د لِعَازَر حمَا اَذ يسُوْفّ يجّن ن ثِيشّط ن وضَاض ن وفُوْس نّس ذݣ وَامَان بَاش اَزَّايس سمْضغ يڒس ينُو مِينْزِي نش تْعدَّابغ ذِي ثْمسِّي-يَا.

ڒخذايم 20:30

عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن.

ڒخذايم 5:3

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

ڒخذايم 6:13

ؤُوِين-د يوْذَان اَخَاس شهْذن ࢲُّوْر قَّارن "قَا بْنَاذم-أَ يقَّار اَوَاڒ وَار يحْڒِين خ ومْشَان-أَ اَمْقدّس ذ شَّرِيعَا ن مُوْسَى!

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

ثبرات غار يعقوب 2:7

مَا وَار ثسِّينم شَا بلِّي ذ نِثْنِي إِݣ يسَّاوَاڒن س ڒْعِيب ذݣ يِيسم اَصبْحَان ن لْمَسِيح ونِّي إِي زِي ذَاوم تْڒَاغَان يِوْذَان؟

ثبرات غار يعقوب 3:7

ئِزمَّر بْنَاذم اَذ يربَّا ڒُحُوْش ذ يِجْضَاض ذ مِين يتنْحُوْرُوْذن ذ مِين يتْعِيشن ذِي ڒبْحر مْكُڒ نُّوْع، أُو ذ صَّح نتَّا يتْربَّا-ثن.

2 بطرس 3:3

مِين يدْجَان مُهِم قَاع؟ ئِتْخصَّا أُو لَابُد اَذ تْفهْمم بلِّي ذِي ڒِيَّام نِّي ينݣُّوْرَا اَذ يڒِين مُوْجُوْدِين يوْذَان إِي يضحّْشن خَاوم، أَذ ضحْشن اَذ ذفَارن شّهَاوَاث نْسن أُو صَافِي.

3 يوحنا 1:10

س مَانَايَا مڒَا ؤُسِيغ-د نش، أَذ فضْحغ مِين يتݣّ نتَّا يسَّاوَاڒ س وَاوَاڒ ن ثُوْبُّوْهْڒِيَا وَار يحْڒِين ضذ نّغ. وَار يقْنِيع شَا س مَانَاينِّي، نتَّا يتَاݣِي اَذ يتْرحَّاب س وَاوْمَاثن يسْبدَّا ؤُڒَا ذ يِنِّي يتْرحَّابن زَّايْسن يتَازّڒ خَاسن زِي جْمَاعث.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 18:23

عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.