ثبرات غار يعقوب 3:14 - ثريفيث 2020

¹⁴ وَلَكِن مڒَا ذَايْوم ڒحْسذ ذ اَعفَّان ذ لْأَنَانِيَا، وَار تفْتَخَارث شَا س يِيخف نْوم. يعْنِي يتْخصَّا-يَاوم كنِّيو وَار ثسْخرِّيقم شَا خ لْحَقِيقَا.

ثبرات غار يعقوب 3:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:18

تُوْغَا يسّن بِيلَاطُس بلِّي سلّْمن-اَس عِيْسَى ڒَاحقَّاش حسْذن-ث.

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.

ڒخذايم 13:45

أَيث-إِسْرَائِيل وَامِي ؤُفِين ڒْغَاشِي اَطَّاس بْذَان حسّْذن اَطَّاس اَرُّسُل بْذَان تْعَارَّاضن إِ وَاوَاڒ ن بُوْلُس، تُوْكَّرن-ث.

ڒخذايم 26:9

نش قنْعغ س يِيخف ينُو تُوْغَا ضَارُوْرِي اَذ ݣّغ مَارَّا مِين زمَّرغ بَاش اَذ عَارّْضغ إِ يِيْسم ن عِيْسَى زِي نَاصِرَا.

ڒخذايم 5:17

ئِكَّر اَرَّايس ن ڒْفُقَهَا ذ مَارَّا يِنِّي كِس يدْجَان نِثْنِي زِي ڒْحِزب ن يصَدُّوْقِيْين، حسْذن اَرُّسُل اَطَّاس.

ڒخذايم 7:9

ڒجْذُوْذ نّغ حسّْذن ؤُمَاثْسن يُوْسف، زّنْزن-ث اَذ يذْوڒ ذ يسْمغ ذِي مِصْرَا. وَلَكِن أَربِّـي اَقَاث اَكِذس،

أيث-روما 1:29

نِثْنِي شُّوْرن س كُڒ نُّوْع ن ڒْمُعْصِيَاث ذ شَّرّْ ذ طّْمَع ذ ڒقْبَاحث ذ ڒحْسذ. نقّن يوْذَان تْمنْغَان. شُّوْرن س ؤُغْذَار ذ مِين وَار يحْڒِين، قَّارن نَّمِيمَا.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 2:17

إِيوَا شك، مڒَا ثْحسّْبذ يخف نّش ذ اَئِسْرَائِيلِي، تْرَاجِيذ زِي شَّرِيعَا، تفْتَخَارذ س لْعَلَاقَا نّش اَك أَربِّـي.

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

1 أيث-كورينث 13:4

ڒمْحِبّث ذَايس تِّسَاع ن ڒْخَاضَر، ذَايس يج ن لْحَنَانَا. نتَّاث وَار تفْتَخَر وَار ثْحسّذ شَا. وَار ذَايس تَّكبُّر،

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

1 أيث-كورينث 5:2

ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.

1 أيث-كورينث 5:6

مَاشِي مْلِيح وَامِي تفْتَخَارم. وَار ثسِّينم شَا إِلَّا غِير ذْرُوْس ن ونْتُوْن إِي د يسْݣَعَّاذن مَارَّا ڒْعَاجْنث ن ورشْثِي؟

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

أيث-ݣلاطيا 5:15

وَلَكِن مڒَا تْمرْمَاشم اَيَاوْيَا اَم ڒُوْحُوْش وَا يتتّ وَا، حْضَام يخف نْوم اَذ تْسغْڒِيم اَيَاوْيَا.

أيث-ݣلاطيا 5:20

ذ لْعِبَادَا ن لْأَصْنَام ذ سّْحُوْر ذ لْعَدَاوَا ذ ؤُمنْغِي ذ لْغِيرَا ذ ؤُغْضَاب ذ لْأَنَانِيَا ذ لْخِلَافَاث ذ لْأَحْزَاب،

أيث-ݣلاطيا 5:21

ذ ڒحْسذ ذ وَاطَّاس ن شْرب ذ لْمَدلَّا ن سّكْرَا ذ مِين يتْشَابَّاهن ذِي مَانَايَا. عدْجْمغ-اَوم-د ڒخُّو مَامش تُوْغَا ذَاوم عڒْمغ زِي قْبڒ: يِنِّي يتݣّن ڒخْذَايم-أَ وَار تْوَارِيثن شَا ڒْمُلْك ن أَربِّـي.

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

أيث-ݣلاطيا 6:13

شُوْف، يِنِّي يتݣّن طَّهَارث نِثْنِي س يِيخف نْسن وَار تْطِيعِين شَا إِ شَّرِيعَا نْسن. رزُّوْن كنِّيو اَذ تݣّم طَّهَارث بَاش اَذ فْتَخَارن بلِّي ثݣِّيم لْعَادَا نْسن ذِي دَّات نْوم.

أيث-فيليـپـي 1:15

ذ صَّح ذِنِّي ڒبْعَاض تْبشَّارن س لْمَسِيح س ڒحْسذ ذ لْعَدَاوَا، أُو ذِنِّي ڒبْعَاض تْبشَّارن نِيشَان س ڒْخَاضَر نْسن.

أيث-فيليـپـي 2:3

وَار تݣّم وَالُو زِي لْأَنَانِيَا نِغ زِي تَّكبُّر. بْڒَا تَّكبُّر وقَّرم ينّغْنِي حْسن زݣ يِيخف نْوم.

1 تيموتاوس 2:4

يخس مَارَّا يوْذَان اَذ تْوَاسْنجْمن اَذ اَوْضن اَذ سّْنن لْحَقِيقَا.

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

ثبرات غار يعقوب 3:16

مِينْزِي مَانِي مَا يدْجَا ڒحْسذ ذ لْأَنَانِيَا، ذِنِّي ؤُڒَا ذ ڒْفَوْضَا ذ كُڒ شَّرّْ.

ثبرات غار يعقوب 5:19

آي أَيثْمَا، شَان يِجّن زَّايْوم يفّغ اَبْرِيذ ن لْحَقِيقَا. مڒَا يَارِّي-ث-يد شَان يِجّن نّغْنِي، ئِتْخصَّا-كنِّيو ٱذ تسّْنم بلِّي ونِّي إِي ثِيذ يَارِّين زݣ وبْرِيذ نّس ن ڒْبَاطڒ اَتَاف يسنْجم-يث زِي ڒفْنَا نّس اَتَاف اَذ تْوَاغْفَرنْت اَطَّاس ن ڒْمُعْصِيَاث.