ثبرات غار يعقوب 2:9 - ثريفيث 2020

⁹ وَلَكِن مڒَا تݣّم س وُوْذمَاون جَار يِوذَان، أَقَا كنِّيو تݣّم ڒْمُعْصِيّث، ثْحكّم خَاوم شَّرِيعَا بلِّي ثعْصَام.

ثبرات غار يعقوب 2:9 ပူးပေါင်းရင်းမြစ်များ

يوحنا 16:8

خْمِي د غَا يَاس، أَذ د يسْبيّن إِ يِوْذَان ن دُّنشْت غَلْطن خ ڒْمُعْصِيّث ذ مِين يصڒْحَان ذ لْحِسَاب.

يوحنا 8:46

مِين يعْنَا ونِّي يزمَّرن زَّايْوم اَذَايِي يطّف ڒْمُعْصِيّث؟ مڒَا قَّارغ ڒْحَقّ، مَايمِّي وَار ذَايِي تِيمْنم شَا؟

يوحنا 8:9

وَامِي سْڒِين إِ وَاوَاڒ-أَ بْذَان ؤُݣُّوْرن ئِج-يج، ئِوسُّوْرَا ذ يمزْوُوْرَا. ئِقِّيم عِيْسَى وَاحْذس نتَّا ذ ثمْغَارْث نِّي ثْبدّ زَّاثس.

ڒخذايم 10:34

ئِبْذَا بُطْرُس يسَّاوَاڒ ينَّا-ٱسن: "ذ صَّح تْوَاڒِيغ أَربِّـي وَار يتݣّ شَا س وُوْذمَاون جَار يِوْذَان.

أيث-روما 3:20

فَلِهَذَا، ؤُڒَا ذ يجّن ن بْنَاذم وَار يزمَّر اَذ يمصْڒَاح اَك أَربِّـي س ڒخْذَايم إِي ذَايس ذِي شَّرِيعَا؛ لَّا، شَّرِيعَا ثسْبيَّان-اَنغ-د مِين ثعْنَا ڒْمُعْصِيّث.

1 أيث-كورينث 14:24

وَلَكِن، مڒَا ثسَّاوَاڒم مَارَّا كنِّيو س وَاوَاڒن إِي ثْعڒْمم زِي أَربِّـي يُوْذف-د جَارَاوم حَدّ زِي بَارَّا نِغ ذ يجّن ن لْكَافِر، أَتَاف اَذ يحسّ ذݣ يِيخف نّس قَا اَذ يتْوَاحَاسب اَذ يقْنع زَّايْوم مَارَّا نتَّا ذ لْعَاصِي، أَتَاف اَزَّايس تْوَاسُوْفْغن مَارَّا لْأَسْرَار ن وُوْڒ نّس. ثُمَّا اَذ يسجّذ اَذ يعْبذ أَربِّـي اَذ يِينِي قَا أَربِّـي ذ صَّح اَقَاث جَارَاوم!

أيث-ݣلاطيا 2:19

عْلَاحْسَاب شَّرِيعَا ن مُوْسَى نتَّاث س يِيخف نّس، نش مُّوْثغ زَعْمَا إِ ڒحْكَام ن شَّرِيعَا-يَا خَافِي بَاش اَذ دَّرغ إِ أَربِّـي وَاهَا.

1 يوحنا 3:4

مَارَّا ونِّي يقِّيمن يعصَّا نتَّا يتْرزَّا ڒُوْصِيَاث. وَاه، ڒْمُعْصِيّث نتَّاث ذ ثَرزِّيث ن ڒُوْصِيَاث.

ثبرات زي يهوذا 1:15

أَذ يحَاسب مَارَّا يوْذَان. مَارَّا يِنِّي يعصَّان اَذَاسن د يسْمظْهَار مَارَّا ڒفْعَايڒ نْسن ثِعفَّانِين إِي ݣِّين ذݣ ؤُبْرِيذ نْسن اَعفَّان، أَذ سّْنن عَاوذ مَارَّا اَوَاڒن نِّي وَار يحْڒِين إِي خَاس نَّان يِنِّي يعصَّان وَار ذفَّارن شَا أَربِّـي."