ثبرات غار يعقوب 2:8 - ثريفيث 2020

⁸ ڒُوْصِيّث ن وزدْجِيذ يزدْجِيذن إِي د يُوْسِين ذِي لْكِتَاب ثقَّار: "أَذ تخْسذ اَجَّار نّش اَمشْنَاو يخف نّش." كنِّيو اَذ تݣّم مْلِيح مڒَا ثْخدّْمم زَّايس.

ثبرات غار يعقوب 2:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:39

ڒُوْصِيّث وِيس ثْنَاين اَم ثنِّي ثَمزْوَارُوْت: أَذ تخْسذ اَجَّار نّش اَمشْنَاو يخف نّش.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:21

ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:23

ينَّا-ٱس سِيذس: ثݣِّيذ مْلِيح، آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:12

ݣّث إِ يِوْذَان مِين ثخْسم اَذَاوم ݣّن. مَانَايَا ذ ڒْمَعْنَا ن شَّرِيعَا ن مُوْسَى ذ تَّعَالِيم ن لْأَنْبِيَا.

أيث-روما 13:10

ڒمْحِبّث-أَ وَار تْضَارِّي شَا اَجَّار نّس. فَلِهَذَا، ڒمْحِبّث تْكمَّاڒ شَّرِيعَا اَمن-ثكْمَاڒ.

أيث-ݣلاطيا 5:14

أَقَا مَارَّا ڒُوْصِيَاث ن شَّرِيعَا ن مُوْسَى مُوْننْت-يد ذَانِيتَا: <أَذ تخْسذ اَجَّار نّش اَمشْنَاو يخف نّش.>

أيث-ݣلاطيا 6:2

أَرْبُوْث دْقڒ اَݣ وَايَاوْيَا، س مَانَايَا اَذ تݣّم ڒُوْصِيّث نِّي ن لْمَسِيح.

أيث-فيليـپـي 4:14

وَلَكِن مْلِيح وَامِي ثْشَرْشم اَكِذِي ذِي لْمَشَاكِل ينُو.

1 أيث-سلونيك 4:9

ڒخُّو عْلَاحْسَاب ڒمْحِبّث جَارَاوم وَار نْتحْذِيجِي شَا عَاذ اَذَاوم نَارِي، مَايمِّي؟ مِينْزِي يسڒْمذ-يكنِّيو أَربِّـي س يِيخف نّس اَذ تخْسم اَيَاوْيَا.

ثبرات غار يعقوب 1:25

وَلَكِن ونِّي يخزَّرن ذِي شَّرِيعَا يكمْڒن ثنِّي إِي ذِي ثدْجَا لْحُرِّيَا، ئِتطّف ذَايس وَار يتتُّو شَا مِين يتْسْڒَا يخدّم زَّايس، أَتَاف اَزَّايس يَاوِي لْبَرَكَا ذِي مِين يتݣّ.

ثبرات غار يعقوب 2:12

إِيوَا سِّيوْڒث ݣّث اَم يِوْذَان إِي خف غَا يحْكم أَربِّـي س شَّرِيعَا نِّي إِي ذِي ثدْجَا لْحُرِّيَا.

ثبرات غار يعقوب 2:19

شك تَامْنذ بلِّي أَربِّـي نتَّا ذ يجّن؟ إِيوَا مْلِيح، وَلَكِن ؤُڒَا ذ شَّيَاطِين تَامْنن س مَانَاينِّي ترْجِيجِين.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.