ثبرات غار يعقوب 2:5 - ثريفيث 2020

⁵ شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

ثبرات غار يعقوب 2:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:3

"سَّعْذ نْسن إِ يِنِّي يدْجَان ذ ڒْمُسَاكِين ذݣ اَرُّوْح نْسن، أَقَا ڒْمُلْك وجنَّا إِ نِثْنِي.

مرقس 7:14

ئِڒَاغَا-د عِيْسَى عَاوذ خ ڒْغَاشِي-يَا ينَّا-ٱسن: "صنّْطث غَارِي مَارَّا إِذْوم، فهْمث:

لوقا 12:21

أَمنِّي إِي غَا يِيڒِي ونِّي يجمّْعن اَݣْڒَا إِ يِيخف نّس وَاهَا وَار يجمّع شَا إِ أَربِّـي."

لوقا 12:32

وَار تݣّْوْذم شَا آ ثْحِيمرْث ينُو ثَمزْيَانْت، يرْضَا بَابَاثْوم اَذَاوم يُوْش ڒْمُلْك نّس.

لوقا 16:22

صَافِي يمُّوْث ڒْمسْكِين نِّي، يْسِينْت-ث لْمَلَائِكَاث سرْسنْت-ث خ وفُوْذ ن بْرَاهِيم. عَاوذ يمُّوْث تَّاجَر نِّي يْسِين-ث نضْڒن-ث.

لوقا 16:25

ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

لوقا 22:29

مَامش ذَايِي يُوْشَا بَابَا يجّن ن ڒْمُلْك إِ نش، ؤُڒَا ذ نش اَذَاوم ؤُشغ يجّن ن ڒْمُلْك.

لوقا 6:20

ئِيْسِي ثِيطَّاوِين نّس عِيْسَى غَار يمحْضَارن نّس ينَّا-ٱسن: "سَّعْذ نْوم آ ڒْمُسَاكِين، أَقَا ڒْمُلْك ن أَربِّـي إِ كنِّيو.

يوحنا 7:48

مَا ثُوْفِيم شَان يِجّن زِي اَرُّوْيَاس نِغ ذ يفَرِّيسيْين يُوْمن زَّايس؟

ڒخذايم 7:2

ينَّا-ٱسن سْتِيفَان: "آي أَيثْمَا! آ يِنِّي يمْغَارن! صنّْطث غَاڒِي. وَامِي تُوْغَا يدْجَا جدِّيثْنغ بْرَاهِيم ذِي ثْمُوْرْث نِّي ن مِيسُوْبُوْطَامْيَا قْبڒ مَا ٱذ يزْذغ ذِي ثنْدِينْت ن حَارَان، ئِمظْهَار-اَس-د أَربِّـي لْعَظِيم

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

1 أيث-كورينث 2:9

مَامش يقَّار لْكِتَاب: <مَانَاينِّي وَار ذِنِّي بُو ثِيطّ إِي ث يتْوَاڒَان، نِغ ذ اَمجُّوْن إِي ذَاس يتسْڒَان، نِغ ذ ڒَعْقڒ إِي ث يتْخَايَاڒن، مِين يسوْجذ أَربِّـي إِ يِنِّي إِي ث يتْحِبَّان.>

22 أيث-كورينث 4:15

شُوْف، مَانَايَا يوْقع مَارَّا بَاش اَكنِّيو ينْفع. خْمِي يتنْتَاشَار اَرْضَا غَار يِوْذَان اَطَّاس س وَاطَّاس يعْنِي اَرْضَا-يَا اَذ د يسْفيّض شُّكر إِ لْعَظَمَا ن أَربِّـي.

22 أيث-كورينث 6:10

نشِّين نتْوَازيَّار وَلَكِن ڒبْدَا نفَرّح؛ نشِّين ذ يپُـوْبْرِيثن نْسرْبَاح اَطَّاس ن يِوْذَان؛ وَار غَارْنغ وَالُو وَلَكِن غَارْنغ كُڒْشِي.

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

2 أيث-سلونيك 1:5

مَانَايَا ذ يجّن ن دَّلِيل بلِّي لْحُكم ن أَربِّـي يدْجَا نِيشَان، أُو س دَّلِيل-أَ اَكنِّيو يحْسب ثسْذَاهدْجم ڒْمُلْك نّس إِي خف ثْعدّْبم.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

يعيبرانيين 11:26

ئِفْهم مڒَا سحْقَارن-ث عْلَاحْسَاب لْمَسِيح يعْنِي مَانَاينِّي غَارس لْقِيمَا كْتَار زِي مِين غَارْسن ذ لْكُنُوْز ذِي مِصْرَا. أَقَا نتَّا يخزَّر غَار زَّاث ذِي لْجَائِزَا نّس.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 1:16

آي أَيثْمَا يمْعِيزّن ينُو، وَار خدّْعث شَا يخف نْوم.

ثبرات غار يعقوب 1:19

شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.

ثبرات غار يعقوب 1:9

فَا يتْخصَّا-يَاس إِ ڒْمسْكِين إِݣ يُوْمْنن اَذ يفْتَخَر مِينْزِي يسْݣَعّذ-يث أَربِّـي.

1 بطرس 1:4

حمَا أَ نْوَارث يجّن ن وَاݣْڒَا عمَّارْص اَذ يفْنَا عمَّارْص اَذ يخْسَر عمَّارْص اَذ يكْشف ونِّي إِي ذَاوم يتْوَاخمّْڒن ذݣ وجنَّا.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.

لواحي ن يوحنا 3:18

قَا نش نصّْحغ-شك اَخَافِي ثسْغذ دّْهب يتْوَاصْفَان س ثْمسِّي حمَا اَذ تْذوْڒذ ذ تَّاجَر. سغ عَاوذ اَرُّوْض ذ اَشمْڒَاڒ حمَا اَذ تسَرْضذ يخف نّش زِي ثُوْعَرْيَانْت نّش عَاوذ ذ شَان دّْوَا حمَا اَذ تسْݣنْفِيذ ثِيطَّاوِين نّش اَتَاف تْوَاڒِيذ.