ثبرات غار يعقوب 2:19 - ثريفيث 2020

¹⁹ شك تَامْنذ بلِّي أَربِّـي نتَّا ذ يجّن؟ إِيوَا مْلِيح، وَلَكِن ؤُڒَا ذ شَّيَاطِين تَامْنن س مَانَاينِّي ترْجِيجِين.

ثبرات غار يعقوب 2:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 8:29

عيّضن نَّان-اَس: "مِين ثخْسذ زَّايْنغ آ مِّيس ن أَربِّـي؟ مَا ثُوْسِيذ-د اَذَانغ ثْعدّْبذ قْبڒ إِ ڒْوقْث؟"

مرقس 1:24

ينَّا-ٱس: "مِين ثْرزُّوْذ زَّايْنغ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

مرقس 12:29

ينَّا-ٱس عِيْسَى: "ڒُوْصِيّث ثَمقّْرَانْت ذ ثَانِيتَا: صنّْطث آي أَيْث-إِسْرَائِيل، سِيذِي أَربِّـي ذ لْإِلَه نّغ، سِيذِي أَربِّـي ذ يجّن.

مرقس 5:7

ئِنْدق-د س يِجّن ن ثْمِيجَّا ثجْهذ ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك إِ أَربِّـي حمَا وَار ذَايِي تْعدِّيبذ شَا!"

مرقس 7:9

ينَّا-ٱسن عَاوذ: "إِيوَا! تْبطَّاڒم ڒُوْصِيّث ن أَربِّـي حمَا اَذ قِّيمنْت لْعَادَاث نْوم!

لوقا 4:34

ينَّا-ٱس إِ عِيْسَى: "مِين ذَايْنغ ثْرزُّوْذ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

ڒخذايم 16:17

تْبَاع-اَنغ-د نشِّين ذ بُوْلُس تْعيَّاض ثقَّار قَا يرْيَازن-أَ عبّْذن أَربِّـي يُوْعْڒَان، تْبشَّارن-كنِّيو س وبْرِيذ إِي زِي غَا ثْنجْمم!

ڒخذايم 19:15

ئِجّن ن نْهَار ينْدق-د جّنّ نِّي اَعفَّان ينَّا-ٱسن قَا نش سّْنغ عِيْسَى مِين يعْنَا، سّْنغ بُوْلُس مِين يعْنَا، كنِّيو مِين ثعْنَام؟

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

أيث-روما 3:30

لِأَنَّا أَربِّـي نتَّا ذ يجّن. ذ نتَّا إِݣ يسمْصْڒَاحن أَيث-إِسْرَائِيل اَكِذس س لإِيمَان، ذ يِنِّي وَار يدْجِين شَا زِي أَيث-إِسْرَائِيل س نّفْس لْإِيمَان.

1 أيث-كورينث 8:4

أَمَّا لْمَكْلَا يتْقدَّامن إِ لْأَصْنَام، نسّن لْأَصْنَام دْجَان ذِي دُّنشْت-أَ وَلَكِن ذ يخَرِّيقن وَاهَا. نسّن نشِّين يجّن ن أَربِّـي إِݣ يدْجَان، وَاحْذس.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

أيث-ݣلاطيا 3:20

نتَّا ذ لْوَسِيط وَاهَا، يعْنِي وَار يخدّم شَا وَاحْذس. وَلَكِن أَربِّـي نتَّا إِݣ يدْجَان وَاحْذس.

1 تيموتاوس 2:5

لِأَنَّا ذِنِّي يجّن ن أَربِّـي وَاحْذس ذ يِجّن لْوَاسِيط وَاحْذس جَار أَربِّـي ذ يِوْذَان يعْنِي اَرْيَاز-أَ ذ عِيْسَى لْمَسِيح.

ثبرات غار يعقوب 2:8

ڒُوْصِيّث ن وزدْجِيذ يزدْجِيذن إِي د يُوْسِين ذِي لْكِتَاب ثقَّار: "أَذ تخْسذ اَجَّار نّش اَمشْنَاو يخف نّش." كنِّيو اَذ تݣّم مْلِيح مڒَا ثْخدّْمم زَّايس.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.