ثبرات غار يعقوب 2:14 - ثريفيث 2020

¹⁴ آي أَيثْمَا، مِين ث غَا ينفْعن بْنَاذم مڒَا يقَّار نش ذ ڒْمُوْمن وَلَكِن ڒخْذَايم نّس وَار د تسْبيِّيننْت شَا بلِّي نتَّا ذ ڒْمُوْمن؟ مَا ذ لْإِيمَان-أَ إِي ث غَا يسْنجْمن؟ لَّا عمَّارْص!

ثبرات غار يعقوب 2:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:20

أَقَا قَّارغ-اَوم: مڒَا وَار ثتْطِيْعِيم شَا إِ مِين يقَّار أَربِّـي كْتَار زِي مِين تݣّن يمْسڒْمَاذن ن شَّرِيعَا ذ ڒْحِزب ن يفَرِّيسِيْين، أَتَاف عمَّارْص اَذ تَاذْفم ڒْمُلْك وجنَّا.

لوقا 3:11

يَارَّا خَاسن يَحْيَى ينَّا-ٱسن: "ونِّي غَار دْجَانْت ثْنَاين ن ثقْمِيجَاثِين يتْخصَّا اَذ يُوْش يشْتن إِ ونِّي وَار غَار يدْجِي شَا. عَاوذ ونِّي غَار يدْجَا مِين غَا يشّ يتْخصَّا اَذ يُوْش إِ ونِّي وَار غَار يدْجِي شَا."

لوقا 6:49

ونِّي يتسْڒَان إِ وَاوَاڒ ينُو وَار زَّايس يخدّم شَا اَتَاف يتْشَابَّاه ذݣ يِجّن ن ورْيَاز يبْنَا ثَدَّارْث نّس خ وشَاڒ بْڒَا دْسَاس. وَامِي خَاس يعْذُو يغْزَار نِّي ثوْضَا ذغْيَا ذ اَبْرِيذ، ثقِّيم ذ ڒْخِرْبث."

ڒخذايم 15:9

وَار يݣِّي بُو س وُوْذمَاون جَارَانغ، ئِسِيرذ-اَسن ؤُڒَاون نْسن وَامِي ؤُمْنن.

ڒخذايم 8:13

سِمْعَان نتَّا س يِيخْف نّس يُوْمن يتْوَاطهَّار س وَامَان. ئِمُوْن اَك فِيلِيپَّـاس يتْعجّب سِمْعَان وَامِي يࢲْرَا لْمُعْجِزَاث ذ لْبُرْهَانَاث ذ ثِمقّْرَانِين إِݣ يتوْقِيعن.

ڒخذايم 8:21

وَار غَارك يتِيڒِي بُو ومْشَان ؤُڒَا ذ ڒْحَقّ ذِي ڒْخذْمث-أَ ڒَاحقَّاش ؤُڒ نّش وَار يدْجِي شَا نِيشَان اَك أَربِّـي.

أيث-روما 2:25

شك مڒَا ثْخدّْمذ س مِين ذَايس ذِي شَّرِيعَا، أَتَاف طَّهَارث نّش اَذ تِيڒِي غَارس اَرْبح. وَلَكِن مڒَا ثْعصِّيذ شَّرِيعَا، أَتَاف اَذ تِيڒِيذ اَخْمِي وَار ثݣِّيذ شَا طَّهَارث.

1 أيث-كورينث 15:2

أَقَا ثْنجّْمم زَّايس وَامِي ذَايس تطّْفم مْلِيح ذݣ وَاوَاڒ ن تّبْشِير نِّي ونِّي إِي زِي كنِّيو بشَّرغ. مڒَا لَّا، زَعْمَا لْإِيمَان نْوم ثسْبطّْڒم-ث.

1 أيث-كورينث 16:22

ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا!

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 11:17

س لْإِيمَان يكَّر نَّبِي بْرَاهِيم اَذ يقدّم ذ دْبِيحث س ممِّيس إِسْحَاق وَامِي ث يجَرّب أَربِّـي. يعْنِي تُوْغَا يتْقدَّام ذ دْبِيحث س ممِّيس وَاحْذس إِي زِي يوْعذ أَربِّـي بْرَاهِيم،

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

ثبرات غار يعقوب 1:16

آي أَيثْمَا يمْعِيزّن ينُو، وَار خدّْعث شَا يخف نْوم.

ثبرات غار يعقوب 2:16

ثنِّيذ-اَس شك نِغ ذ حَدّ نّغْنِي: "رُوْح اَذ تشّذ اَذ تَرْضذ اَرُّوْض. أَش يعَاون أَربِّـي اَخَاك يسْهڒ." يعْنِي شك وَار ذَاس ثُوْشِيذ شَا مِين ثحْذَاج دَّات نّس. مَان نّْفَع ذِي مَانَايَا؟

ثبرات غار يعقوب 2:18

ئِمْكن شَان يِجّن اَذ يِينِي: "إِيوَا شك ذَايش لْإِيمَان نّش، نش غَارِي ڒخْذَايم ينُو." نش قَّارغ: "شك سْبيّن-اَيِي-د مَامّش يݣَّا لْإِيمَان نّش بْڒَا ڒخْذَايم نّش، نش اَذَاش سْبيّْنغ مَامّش يݣَّا لْإِيمَان ينُو س ڒخْذَايم ينُو."

ثبرات غار يعقوب 2:26

شُوْف، دَّات ن بْنَاذم بْڒَا بُوْحْبڒ ثمُّوث، أَمنِّي لْإِيمَان بْڒَا ڒخْذَايم يمُّوْث.

2 بطرس 1:5

فَا خ سَّبَاب-أَ وَانِيتَان، ݣّث لْمجْهُوْد نْوم مَارَّا بَاش اَذ تَرْنِيم مِين يدْجَان ذ اَصبْحَان غَار لْإِيمَان نْوم؛ سّنِّي اَرْنِيم ثُوْسْنَا اَك مَانَايَا يدْجَان ذ اَصبْحَان؛