ثبرات غار يعقوب 1:3 - ثريفيث 2020

³ كنِّيو ثسّْنم مَارَّا ڒمْحَاين-أَ إِي ثْسعْذُوْم عْلَاحْسَاب لْإِيمَان نْوم تَاوِينْت-يد صّْبَار.

ثبرات غار يعقوب 1:3 ပူးပေါင်းရင်းမြစ်များ

لوقا 21:19

س صّْبَار نْوم اَتَاف اَذ تْنجْمم.

أيث-روما 15:4

شُوْف، مَارَّا مِين يُوْرِين ذِي لْكُتُب ذِي زْمَان ؤُرِين-ث بَاش اَزَّايس نڒْمذ نشِّين. أَوَاڒ ن أَربِّـي يتْشجَّاع-اَنغ، ئِتَاوِي-يَانغ-د صّْبَر حمَا اَغَارْنغ يِيڒِي لْأَمَال.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 8:25

لَّا، وَلَكِن مڒَا عَاذ وَار ث نُوْفِي شَا اَتَاف اَث نْرَاجَا س صّْبَر.

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.

2 أيث-سلونيك 3:5

أَذ يسِيْوض سِيذِيثْنغ ؤُڒَاون نْوم غَار ڒمْحِبّث ن أَربِّـي، عَاوذ غَار صّْبَر ن لْمَسِيح.

يعيبرانيين 10:36

أَقَا يتْخصَّا اَذ تصْبَارم، مَايمِّي؟ بَاش خْمِي غَا ثݣّم ڒْخَاضَر ن أَربِّـي، أَتَاف اَغَارْوم يِيڒِي مِينْزِي إِي كنِّيو يوْعذ.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 6:12

وَار نخْس شَا اَذ تْعݣْزم. ئِتْخصَّا اَذ تِيڒِيم اَم يِنِّي يتْوَارَاثن س صّْبَر ذ لْإِيمَان نْسن خ ثْمسْڒَايِين نِّي إِي زِي ثن يوْعذ أَربِّـي.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

2 بطرس 1:6

أُو عَاوذ اَرْنِيم ڒحْكَام خ يِيخف نْوم اَك ثُوْسْنَا-يَا نْوم؛ أَو عَاوذ اَرْنِيم طَّاعَا إِ أَربِّـي اَك ڒحْكَام-أَ خ يِيخف نْوم؛