ثبرات غار يعقوب 1:19 - ثريفيث 2020

¹⁹ شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.

ثبرات غار يعقوب 1:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

مرقس 12:37

مَامّش غَا يِيڒِي لْمَسِيح ذ مِّيس ن دَاود؟ نتَّا دَاود يقَّار-اَس إِ لْمَسِيح آ سِيذِي." أَطَّاس ن ڒْغَاشِي تسْڒَان-اَس، فَرْحن.

مرقس 2:2

مُوْنن اَطَّاس ن ڒْغَاشِي يعمَّر ڒْحَاڒ اَڒ وَامِي وَار يقِّيم ؤُڒَا ذ يجّن ن ومْشَان وَاخَّا زَّاث إِ ثوَّارْث. ئِسَّاوَاڒ اَكِذْسن عِيْسَى س وَاوَاڒ ن أَربِّـي.

لوقا 15:1

مَارَّا يِنِّي يدْجَان ذ يعشَّارن ذ يِنِّي يعصَّان قَارّْبن-د غَار عِيْسَى حمَا اَذَاس صنّْطن.

لوقا 19:48

وَار ؤُفِين مَامّش غَا ݣّن مِينْزِي مَارَّا شَّعْب تُوْغَا يتسْڒَا-يَاس يقِّيم ذݣ وَاوَاڒ نّس.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 10:33

إِيوَا خ مَانَايَا إِي غَارك د سّكّغ ذغْيَا، ثݣِّيذ مْلِيح وَامِي د ثُوْسِيذ. نشِّين ڒخُّو مَارَّا اَقَانغ نحْضَار زَّاث إِ أَربِّـي بَاش أَ نْصنّط مَارَّا مِينْزِي شك يوصَّا سِيذِي أَربِّـي."

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

أيث-ؤفسوس 4:26

عصّْبث بْڒَا مَا اَذ تݣّم ڒْمُعْصِيّث. وَار تجَّاث شَا ثْفُوْشْت اَخَاوم ثغْڒِي كنِّيو عَاذ تْعصِّيبم.

أيث-ؤفسوس 4:31

مَارَّا لْعُقْدَا ذ وغْضَاب ذ وعصّب ذ سْذَاع ذ ڒْبَاطڒ سْبعّْذم-ثن خَاوم مَارَّا، أُو كّْسث عَاوذ كُڒ نُّوْع ن ڒقْبَاحث.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

أيث-كولوس 3:8

وَلَكِن ڒخُّو ثِمسْڒَايِين نِّي يتْخصَّا اَخَاوم ثنْت ثسْبعّْذم قَاع يعْنِي اَعصَّاب ذ وغْضَاب ذ شَّرّْ ذ ڒْبَاطڒ ذ وَاوَاڒن يعفَّانن إِي ثقَّارم س وقمُّوْم نْوم.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

ثبرات غار يعقوب 1:16

آي أَيثْمَا يمْعِيزّن ينُو، وَار خدّْعث شَا يخف نْوم.

ثبرات غار يعقوب 1:2

آي أَيثْمَا، فَرْحم اَطَّاس خْمِي غَا ثِيڒِيم ذِي لْأَنْوَاع ن ڒمْحَاين.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

ثبرات غار يعقوب 2:1

آي أَيثْمَا، كنِّيو ثُوْمْنم زِي سِيذِيثْنغ عِيْسَى لْمَسِيح إِي غَار ثدْجَا لْعَظَمَا، وَار تݣّث شَا س وُوْذْمَاون جَار يوْذَان.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

ثبرات غار يعقوب 3:10

وَاش زݣ يِجّن ن وقمُّوْم إِي زِي غَا نْسُوْفغ شُّكر ذ نَّعْڒث؟ لَّا آي أَيثْمَا، مَانَايَا يتْخصَّا وَار يتِيڒِي شَا.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

ثبرات غار يعقوب 5:12

آي أَيثْمَا، أَقَا مِين يدْجَان مُهِم. وَار تْجَادْجَام شَا س وجنَّا نِغ س ثْمُوْرْث نِغ س شَان ثْمسْڒَايْث نّغْنِي. إِيوَا، خْمِي غَا ثِينِيم وَاه، ئِنِيث وَاه. خْمِي غَا ثِينِيم لَّا، ئِنِيث لَّا. حمَا وَار خَاوم د يهوِّي شَا لْعِقَاب.

ثبرات غار يعقوب 5:19

آي أَيثْمَا، شَان يِجّن زَّايْوم يفّغ اَبْرِيذ ن لْحَقِيقَا. مڒَا يَارِّي-ث-يد شَان يِجّن نّغْنِي، ئِتْخصَّا-كنِّيو ٱذ تسّْنم بلِّي ونِّي إِي ثِيذ يَارِّين زݣ وبْرِيذ نّس ن ڒْبَاطڒ اَتَاف يسنْجم-يث زِي ڒفْنَا نّس اَتَاف اَذ تْوَاغْفَرنْت اَطَّاس ن ڒْمُعْصِيَاث.

1 يوحنا 2:21

تَارِيغ-اَوم-د ڒَاحقَّاش ثسّْنم لْحَقِيقَا مَاشِي وَار ت ثسِّينم شَا. أُو عَاوذ وَار يدْجِي بُو شَان وخَرِّيق إِي د يُوْسِين زِي لْحَقِيقَا.