ثبرات غار يعقوب 1:12 - ثريفيث 2020

¹² سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 1:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

لوقا 6:22

سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

أيث-روما 5:4

صّْبَر-أَ يتَارو ذَايْنغ مِينْزِي غَا نغْڒب خ ڒمْحَايْين. س ڒغْڒَاب-أَ خ ڒمْحَاين يتَارو ذَايْنغ لْأَمَال.

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

1 أيث-كورينث 2:9

مَامش يقَّار لْكِتَاب: <مَانَاينِّي وَار ذِنِّي بُو ثِيطّ إِي ث يتْوَاڒَان، نِغ ذ اَمجُّوْن إِي ذَاس يتسْڒَان، نِغ ذ ڒَعْقڒ إِي ث يتْخَايَاڒن، مِين يسوْجذ أَربِّـي إِ يِنِّي إِي ث يتْحِبَّان.>

1 أيث-كورينث 8:3

وَلَكِن ونِّي يتْحِبَّان أَربِّـي، أَتَاف أَربِّـي يسّن-يث نتَّا.

1 أيث-كورينث 9:25

مَارَّا يِنِّي يتمْعَانَاذن ذِي لْملْعَب حكّْمن خ دَّات نْسن ذِي مَارَّا ثِمسْڒَايِين-أَ. تݣّن مَانَايَا بَاش اَذ د اَوِين يجّن ن تَّاج وَار ذَاسن يتْدُوْمِي شَا. وَلَكِن نشِّين نْتݣّ مَانَايَا بَاش أَ د نَاوِي يجّن ن تَّاج يتْدُوْمَان إِ ڒبْدَا.

2 تيموتاوس 2:15

اݣّ لْمجْهُوْد نّش بَاش اَذ تْسحْضَارذ يخف نّش غَار أَربِّـي اَم يِجّن غَارس يدْجَان مقْبُوْل، يعْنِي اَم يِجّن ن وخدَّام وَار غَارس مِينْخف إِي غَا يسذْحَا يتْفسَّار نِيْشَان اَوَاڒ ن لْحَقِيقَا.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

يعيبرانيين 10:32

فَا عقْڒث خ وُوْسَّان نِّي يعْذُوْن وَامِي خَاوم د يشعْشع نُّوْر. ثصْبَارم خ يِجّن ن ؤُمنْغِي يقْسح، ثْوَاجْهَام اَعدّب.

يعيبرانيين 11:17

س لْإِيمَان يكَّر نَّبِي بْرَاهِيم اَذ يقدّم ذ دْبِيحث س ممِّيس إِسْحَاق وَامِي ث يجَرّب أَربِّـي. يعْنِي تُوْغَا يتْقدَّام ذ دْبِيحث س ممِّيس وَاحْذس إِي زِي يوْعذ أَربِّـي بْرَاهِيم،

يعيبرانيين 12:5

كنِّيو ثتُّوْم اَوَاڒ نِّي زِي لْكِتَاب إِي كنِّيو غَا يشجّْعن، ئِسَّاوَاڒن اَكِذْوم اَم ثَارْوَا نّس ينَّا-ٱوم: <آ مِّي، وَار تْقهَّار شَا تَّرْبِـيَّا ن سِيذِي أَربِّـي، وَار تفْشِيڒ شَا مڒَا نتَّا ينهَّا-شك.

يعيبرانيين 6:15

إِيوَا اَمُّو وَامِي يرَاجَا بْرَاهِيم س يِجّن ن صّْبَر يُوْوض-اَس-د مِين زِي ث يوْعذ أَربِّـي.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

ثبرات غار يعقوب 5:11

أَقَا ثسّْنم يِنِّي يصْبَارن نْتحْسَاب-يثن غَارْسن سَّعْذ. كنِّيو ثسْڒِيم خ صّْبَار نِّي ن نَّبِي أَيُوْب، ثسّْنم مَامّش ث يبَرك سِيذِي أَربِّـي ذݣ ونݣَّارُو مِينْزِي سِيذِي أَربِّـي نتَّا ذ اَحْنِين ذ اَرَحِيم.

1 بطرس 3:14

وَلَكِن وَاخَّا ثتْوَاعدّْبم مڒَا ثݣِّيم ڒْحَقّ، أَذ يِيڒِي ذ سَّعْذ نْوم. وَار تݣّْوْذم شَا زݣ يِوْذَان، وَار ثن تجَّام شَا اَكنِّيو سْذهْشن.

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

1 بطرس 4:14

مڒَا يوْذَان تُوْكَّارن-كنِّيو عْلَاحْسَاب يسم ن لْمَسِيح اَتَاف سَّعْذ نْوم، مِينْزِي أَرُّوْح ن لْعَظَمَا ذ أَرُّوْح ن أَربِّـي يمَارْس-د خَاوم.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لواحي ن يوحنا 3:19

نش تْربِّيغ نهِّيغ مَارَّا ونِّي تْحِبِّيغ. شك لْإِيْمَان نّش سجْهذ-يث، تُوْب.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.