يعيبرانيين 9:5 - ثريفيث 2020

⁵ ثَقبَّارْث ن تَابُوْت-أَ خَاس ثْنَاين ن لْمخْلُوْقَاث ن لْعَظَمَا ݣِّين اَم مُوْنِيكُوْث غَارْسن اَفْرِيون. ثِيڒِي ن وَافْرِيون نْسن ثْغطَّا ثَقبَّارْث-أَ ثَانِيتَا ن اَرَّاحْمث. وَلَكِن نشِّين ذِي ڒْوقْث-أَ وَار نْزمَّر أَ نْوصّف ثِمسْڒَايِين-أَ ثَا س ثَا.

يعيبرانيين 9:5 ပူးပေါင်းရင်းမြစ်များ

أيث-روما 9:4

نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

أيث-ؤفسوس 3:10

مِين يخطّط نتَّا؟ يِنِّي إِݣ يحكّْمن ذ يِنِّي إِݣ يجهْذن ذݣ يجنَّاثن ڒخُّو اَذ سّْنن خ وفُوْس ن جْمَاعث ن ڒْمُوْمِنِين مِين ثعْنَا ڒفْهَامث ن أَربِّـي خ مَارَّا ثِمسْڒَايِين.

يعيبرانيين 4:16

فَلِهَذَا أَ نْقَارّب س زْعَامث غَار ڒْعَرْش ن أَربِّـي ذَايس اَرْضَا بَاش أَ نَاف ذِنِّي اَرَّاحْمث ذ يجّن ن اَرْضَا إِي ذَانغ غَا يعَاوْنن ذِي ڒْوقْث ن ؤُحْذَاجِي نّغ.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.