يعيبرانيين 8:4 - ثريفيث 2020

⁴ مَعْلِيك يدْجَا نتَّا ذِي ثْمُوْرْث-أَ، أَتَاف وَار يزمَّر اَذ يخْذم ذ ڒفْقِي لِأَنَّا ذَانِيتَا ڒْفُقَهَا ن أَيث-لَاوِي يتْقدَّامن صّذْقَاث عْلَاحْسَاب شَّرِيعَا ن مُوْسَى.

يعيبرانيين 8:4 ပူးပေါင်းရင်းမြစ်များ

يعيبرانيين 10:11

ڒفْقِي كُڒ نْهَار يتْغِيمَا نتَّا يتݣّ شّْغڒ-أَ نّس، يعْنِي يتْقدَّام اَطَّاس ن ثْوَاڒَاثِين نّفْس ن دْبِيحَاث، وَلَكِن دْبِيحَاث نِّي وَار زمَّرنْت شَا اَذ كّْسنْت ڒْمُعْصِيّث.

يعيبرانيين 11:4

س لْإِيمَان يكَّر نَّبِي هَابِيل يقدّم يجّن ن دْبِيحث إِي زِي خَاس يَارْضَا أَربِّـي حْسن زِي ثنِّي ن وُوْمَاس قَابِيل. عْلَاحْسَاب لْإِيمَان-أَ يتْشكَّر-يث أَربِّـي يقْبڒ-يث نتَّا نِيشَان وَامِي خَاس يسِّيوڒ أَربِّـي مْلِيح خ مِين يقدّم. أُو نَّبِي هَابِيل س لْإِيمَان نّس نتَّا عَاذ يسَّاوَاڒ وَاخَّا يمُّوْث.

يعيبرانيين 5:1

شُوْف، كُڒ ڒفْقِي اَمقّْرَان تِيخْضَارن-ث-يد زݣ يرْيَازن، تِيشّن-اَس ڒْوقْث ن ڒْخذْمث نّس بَاش اَذ يخْذم زَّاث إِ أَربِّـي عْلَاحْسَاب يوْذَان اَذ يقدّم صّذْقث ذ دْبِيحَاث خ ڒْمُعْصِيَاث.

يعيبرانيين 7:27

نتَّا مَاشِي اَم ڒْفُقَهَا نِّي نّغْنِي يمقّْرَانن تحْذَاجَان نِثْنِي اَذ قدّْمن دْبِيحَاث كُڒ نْهَار يعْنِي خ ڒْمُعْصِيَاث نْسن أُو منْبَعْد خ ڒْمُعْصِيَاث ن يِوْذَان. مَايمِّي؟ لِأَنَّا يݣَّا مَانَايَا عِيْسَى يشْتن ن ثْوَاڒَا إِ ڒبْدَا قَاع وَامِي يقدّم يخف نّس ذ لْفِدْيَا خ يِوْذَان.

يعيبرانيين 8:3

شُوْف، كُڒ ڒفْقِي اَمقّْرَان تِيخْضَارن-ث بَاش اَذ يقدّم صّذْقث ذ دْبِيحَاث. خ مَانَايَا وَا لَابُد ڒفْقِي وَانِيتَا يعْنِي ذ عِيْسَى اَذ يقدّم شَان ن ڒْحَاجث.

يعيبرانيين 9:9

مَارَّا مَانَايَا يتِيشّ يجّن لْمِثَال إِ ڒْوقْث-أَ إِي ذِي ندْجَا ڒخُّو. شّْغڒ نِّي إِي تُوْغَا تݣّن ذِنِّي خْمِي تْقدَّامن صّذْقث ذ دْبِيحَاث وَار يزمَّر شَا اَذ يسِّيصْفَا ضَّمِيڒ ن ونِّي يعبّْذن.