يعيبرانيين 8:3 - ثريفيث 2020

³ شُوْف، كُڒ ڒفْقِي اَمقّْرَان تِيخْضَارن-ث بَاش اَذ يقدّم صّذْقث ذ دْبِيحَاث. خ مَانَايَا وَا لَابُد ڒفْقِي وَانِيتَا يعْنِي ذ عِيْسَى اَذ يقدّم شَان ن ڒْحَاجث.

يعيبرانيين 8:3 ပူးပေါင်းရင်းမြစ်များ

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

أيث-روما 4:25

ئِتْوَاسلّم حمَا اَذ يمّث خ ڒْمُعْصِيَاث نّغ، ئِتْوَاسكَّر-د حمَا اَذَانغ يسمْصْڒَاح أَربِّـي اَكِذس.

أيث-روما 5:6

فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا.

أيث-روما 5:8

وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 5:1

شُوْف، كُڒ ڒفْقِي اَمقّْرَان تِيخْضَارن-ث-يد زݣ يرْيَازن، تِيشّن-اَس ڒْوقْث ن ڒْخذْمث نّس بَاش اَذ يخْذم زَّاث إِ أَربِّـي عْلَاحْسَاب يوْذَان اَذ يقدّم صّذْقث ذ دْبِيحَاث خ ڒْمُعْصِيَاث.

يعيبرانيين 7:27

نتَّا مَاشِي اَم ڒْفُقَهَا نِّي نّغْنِي يمقّْرَانن تحْذَاجَان نِثْنِي اَذ قدّْمن دْبِيحَاث كُڒ نْهَار يعْنِي خ ڒْمُعْصِيَاث نْسن أُو منْبَعْد خ ڒْمُعْصِيَاث ن يِوْذَان. مَايمِّي؟ لِأَنَّا يݣَّا مَانَايَا عِيْسَى يشْتن ن ثْوَاڒَا إِ ڒبْدَا قَاع وَامِي يقدّم يخف نّس ذ لْفِدْيَا خ يِوْذَان.

يعيبرانيين 8:4

مَعْلِيك يدْجَا نتَّا ذِي ثْمُوْرْث-أَ، أَتَاف وَار يزمَّر اَذ يخْذم ذ ڒفْقِي لِأَنَّا ذَانِيتَا ڒْفُقَهَا ن أَيث-لَاوِي يتْقدَّامن صّذْقَاث عْلَاحْسَاب شَّرِيعَا ن مُوْسَى.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.