يعيبرانيين 7:3 - ثريفيث 2020

³ وَار غَارس نْتِيف لَّا بَابَاس لَّا يمَّاس لَّا ڒجْذُوْذ نّس. وَار غَارس نْتِيف اَمزْوَارُو ن ڒِيَّام نّس ؤُڒَا ذ اَنݣَّارُو ن ثُوْذَارْث نّس. نتَّا يتْشَابَّاه ذِي مِّيس ن أَربِّـي، ئِدَّر اَم ڒفْقِي اَمقّْرَان إِ ڒبْدَا.

يعيبرانيين 7:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:3

ئِكَّر ونِّي يتْجَرَّابن يقَارّب-د غَار عِيْسَى ينَّا-ٱس: "مڒَا شك ذ مِّيس ن أَربِّـي، إِنِي-يَاسن إِ يزْرَا-يَا اَذ ذوْڒن ذ اَغْرُوْم."

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 7:1

شُوْف، مَلِكِيصَادِق نِّي تُوْغَاث نتَّا ذ اَزدْجِيذ ن ثنْدِينْت ن سَالِيم ذ ڒفْقِي ن سِيذِي أَربِّـي يُوْعْڒَان. ئِرُوْح يمڒْقَا اَك بْرَاهِيم يبَرك-يث. مَانَايَا يوْقع وَامِي د يتْروَّاح بْرَاهِيم زِي ڒْحَرْب نِّي إِي ذِي يغْڒب يزدْجِيذن.

يعيبرانيين 7:17

أَقَا يشهّذ خَاس لْكِتَاب: <شك ذ ڒفْقِي إِ ڒبْدَا اَمشْنَاو لْفِرْقَا ن مَلِكِيصَادِق.>

يعيبرانيين 7:2

يُوْشَا-ٱس بْرَاهِيم إِ مَلِكِيصَادِق ڒَعْشُوْر، عشْرَا ذِي مِيَّا زِي مَارَّا. ذ اَمزْوَارُو ڒْمَعْنَا ن يِيسم-أَ ن مَلِكِيصَادِق يخس اَذ يِينِي <أَزدْجِيذ ن صُّلْح.> أُو عَاوذ نتَّا ذ لْمَلِك ن ثنْدِينْت ن سَالِيم يعْنِي ذ اَزدْجِيذ ن ڒهْنَا.

يعيبرانيين 7:6

وَلَكِن اَرْيَاز-أَ مَلِكِيصَادِق وَار يدْجِي شَا زِي أَيث-لَاوِي، ئِيْسِي ڒَعْشُوْر زِي بْرَاهِيم أُوْشَا مَلِكِيصَادِق يبَرك بْرَاهِيم ونِّي ؤُمِي غَار دْجَان لْوُعُوْد.